السلام عليكم.....انا جيت اهو
رحاب....الحمد لله على شفائك ويارب يجعل كل معاناتك فى ميزان حسناتك ويجعل مثوى والدتك الجنة .....سامحينى انا مش قدرت اقرا قصتك كلها ...تعبت اوى ...واصل المرض دا اه تاريخ طويل فى عيلتى مع سلاسل من المعاناه ..فمش قدرت اكمل ...وفرحت ان الحمد لله ربنا شفاكى على خير....ربنا يديك الصحة وتقومى بالسلامة وتيجيبلنا احلى بيبيى....
انوجى....ازيك يا قمر....حلوين حبة الماسكات دول ...مستنيين الباقى
هدى...اخبارك ايه يا قمر ..وجودى عاملة ايه دلوقتى
شيمو....بقى جوزك عايزتغسسلسيله الهدوم على ايديك ...هههههههه...اكيد ..كان بيهزر معاكى ...علشان يغلس عليكى شوية....بوسيلى جيجى هانم.....وماتغيبيش علينا كتيير
يومياتى ...سيباهالكو مفاجاة ....دا علشان بقالى كام يوم مش بعمل حاجة....علشان انا ولالستاذ ابنى بنصحى الساعة2 الضهر علشان بنام....5 الفجر...يومى مقلوب...طبعا البيت حدث ولا حرج....يلا ادعولى سلام

انا باسلق البصل و احضّرله حشوه بخلطة اللحمة المفرومه+بقدونس+بياض بيضه+قرفه+ملح.بعدين الّف البصله بالالمنيوم وادخلهم الفرن.واحضّر صلصه طماطم+ماجي عشان احط عليها محشي البصل عند التقديم.
بالهنا

السلام عليكم
ازيكم حبيباتى اشهد الله انى احبكم فى الله
رحاب ربنا يثبتك
احسب الناس ان يتركو ان يقولو امنا وهم لا يفتنون
انا سيفت كلامك عندى عشان كل ما اضعف او امر بمشكله اقراها كلنا محتاجين فعلا المعنى الصادق دا فى حسن الظن بالله الرحيم وصدق التوكل على الله لاننا فعلا ضعفاء ومالناش غيره
ان كل الابواب امامك تتقفل الا باب الدعاء وارجاء من الله وفى الله
ان كل الى حواليكى بيبكوا ويضعفو وانتى قلبك متعلق بالله ينظر الى السماء فى قمه الالم وقمه الابتلاء وانت قلبك مطمئن ان فيه حاجه بطبطب عليكى وحاسه بيكى
انه الله هو من خلقنا ويعلم ضعفناو سرائرناوعلانيتنا
اليس هو من قال :ونحن اقرب اليه من حبل الوريد
بجد هذه الدنيا حقيره فعلا كلنا بنتلهى فيها ونضعف واحيانا يتسرب الينا الياس ولكن------
لنا رب رحيم عطوف كريم عادل له ملك السموات والارض والعالمين يكفى ان نقول
يارب
طبعا انا كلامى على كل حاجه بتمر فى حياتنا مشكله كبيره او تافهه او مرض
بجد عايزه يبقى لينا عشم مع ربنا وحسن توكل ورجاء فيه انى كل يوم اختلى بسجادتى واجلس اقراء قرءان اسجد ادعى اتضرع اتذلل اتكلم معاه اسبح اذكر يكون فعلا فيه وقت لربنا فى حياتنا عشان لما ادعى اوقن انه سامعنى وحاسس بالجوايا
الحمد لله على نعمه الصحبه الصالحه
استغفرالله
اشهد ان لا اله الا الله واشهد ان محمد رسول الله
سبحان الله وبحمده سبحان الله العظيم
اللهم احسن خاتمتنا ونعوز بك من موت الفجاءه
اللهم صلى وسلم وبارك على سيدنا محمد
اللهم ارزقنى الحج والعمره
اللهم بارك فى اولادى وزوجى وابى وامى واجعلم من حفظه القرءان ومن ورثه جنه النعيم
يارب كل عمل هعمله النهارده هو ابتغاء لمرضاتك

السلام عليكم ورحمة الله وبركاته:

كيف حالكم يا حبيبات القلب والروح...
الله يجعلكم جميعا بخير وعافية وقرب من الله .

عروس: القصة حلوة جدا ، اخبارك ايه إن شاء الله بقتي احسن تعالي طمنينا عليك يا قمر.

ام البنات : لو اديتي للبنات اغصان فانت تستحقي الشجرة كاملة ، ما شاء الله لا قوة الا بالله عليك ، كل يوم تعلمينا درس في الحياة ، جزاك الله خيرا ووفقك الله بناتك وحفظ زوجك يارب من كل شر. وشفا الله والدك.

أم يوسف: تؤامي الجميل ، عرفتي ازاي اني كنت متابعة بصمت وما ليش نفس اشارك مش بقولك انت تؤامي، ربنا يحفظك لك الاولاد ويزرقك في الجنة قصور وفي الدنيا شقة تمليك يارب.

انجي: اهلا يا قمر انت فين ، وحشتيني ، خايفة تكوني مني زعلانة ولا ايه؟

ميوش : انت فين يا عسل ، طمنينا عليك وعلى جودي بنت نانسي إن شاء الله تكون احسن.

روشانا : يا بنات روشانا دي عاملة زي المحار مش حد يشوف اللؤلؤة اللي بداخلها الا لما يخبط عليها ، بجد ما شاء الله عسولة خالص. الله يحفظ بناتك من كل شر.

بوتا: انت فيييييييييييين مختفية من مدة ، تعالي طمنينا.

منى: اهلا يا عسل ، اخبار السهيرة إن شا ءالله بقت احسن.

كنزي: اخبارك ايه يا قمر ، مختفية من فترة .

تسلم إيدكم: ما شاء الله تبارك الله ، بجد انت مكسب لنا كلنا ، ونفتخر بإنضمامك لنا يا حلوة .

زوجة مصرية: جزاك الله كل خير ونور الله اللي في بالك .

هايا: الف سلامة لك ، انا اعرف ان الحلبة طارد للبلغم بس المشكلة ريحتها وطعمها المر.

روني: تسلم إيدك على القصص الجميلة والتلوين ، الله يرزقك بالبنوتة الحلوة عاجل غير آجل.

رشا(ام روان): اهلا يا حبي اخبارك ايه ، إن شاء الله بخير ، اخبار الخناقات اللي عندك ، بس اكيد مش زي اللي عندي ، ربنا يهدي اولادنا جميعا .

كهرمانة : سهل الله حملك ورزقك الله بالمولود الذكر المعافى ، خلي بالك من حبيبة ، الله يدينا جميعا الصبر والتحمل.

أسماء : أخبار اروى والعملية ، الله يشفيها يارب شفاءا تاما.

tutah: الله يرزقك بالذرية الصالحة المعافى يارب وتبشرينا عن قريب ، والف سلامة على نرمو وإن شاء الله ترجع بسرعة.

يوكي: ما شاء الله تبارك الله طريقتك حلوة مع ابنك ، الله يجعله من الصالحين.

رحاب: يارب تشاركي معنا وتدينا كل فترة جرعة إيمانية كلنا بحاجة لها كل فترة.

حبيبة اوسو: اخبار ابنك إن شاء الله تحسن وبقى ياكل اكثر.

ميرو: تعالي طمنينا عليك.

شيمو: ربنا يهديلك سجى وتبقى احلى عروسة.

وردة: الله يحفظلك محمد ويسخر لك اهل زوجك .

توتة : ولدتي ولا لسة ، حاولي تقعدي جلسة القرفصاء ، مفيدة جدا في الاشهر الاخيرة ، الله يسهل عليك وساعة خفيفة إن شاء الله.
ارجو عفو ربي: الحمد لله ان الامور تحسنت ، الله يحفظكم من كل شر.

فيميل : اهلا يا قمر اخبار ايه ، بالنسبة لموضوع الحسد او العين ، انا مش افكر في كتير ، يعني تاركة الامر لربنا ، احصن نفسي بالاذكار والسور والباقى على الله.
التعمق في الموضوع ده مش كويس وزي ما ام يوسف قالت يبقى كل حاجة تحصل تقولي اكيد عين اكيد حسد، انا اعرف ناس عايشة عمرها بهوس اسمه العين والحسد، تخاف تطلع ، تشتري تسافر عشان الحسد.
ولما نكتب هنا حاجة اهم شئ النية يعني نيتي تكون لوجه الله عشان الناس يمكن تستفيد وتاخذ جرعة نشاط. مش عشان يقولوا عني ست بيت شاطرة لا ابدا.
وربنا هو اعلم بما في النفوس، بس إن شاء الله الناس اللي في الملف نفسيتها نظيفة وخالية من امراض القلوب الفتاكة.

باقي البنات: ام جميلة ، إيناس، ام هبة، ام نادين المختفية، نيرفانا، ام شهاب، تادو، سما سحاب، ام مريم العسل،راجية عفو ربي،مرمر،كتكوتة ، كل القمرات الله يسعد ايامكم وينور دربكم.

يومياتي:
كلها تنظيف في تنظيف
كل يوم كل يوم امسح سيراميك الطابق السفلي كله والمطبخ واغسل الحمام وبين يوم ويوم امسح الطابق العلوي واغسل الحمام.
عملت اكل مسقعة باذنجان وكانت طيبة والحمد لله، وعملت جنبها رز ابيض وفتوش.
انا لما العيش يبقى مش فريش كتير اقصة بالمقص الخاصة مربعات صغيرة وفي الفريز ولما اعمل سلطة احمر شوية كل مرة .

انا اليوم خليت سارة وسما يعملوا معاي الكاستر يعني يخلطوا وحاجات كدة ، اديت لسما موزة وسكين بلاستك وقطعت الموز شرائح ، وانا كنت اشجعهم واقول اي ده مش معقول انت بتعملوا كل حاجة ، بجد فرقت معاهم اوي.
لما جى باباهم قلت لهم تعرف اليوم الكاسترد مش انا عملته لا دي سارة وسما .
طبعا اكيد لا طعم للحياة من غير خناقات ، سارة وسما طول الوقت يلعبوا مع بعض بس طبعا كل شوي مامااااااااااااااا تعالي وانا شغلي بس اروح اسلك خناقات ، ربنا يهديهم ، لا مش بس كدة طبعا مينا هانم حاتطلع اكثر وحدة شريرة ، ماهو هي عندها معلمات يدوها دروس خصوصي في الشقاوة ، قبل يومين عضت سما من كتفها وتشد شعرهم ولما ياخذوا منها حاجة بتصرخ عااااااااااااااااه بصوت عالي.
ربنا يهديهم يارب ويرزقني برهم .ويدني الصبر والتحمل يارب بجد تعبت من العصبية .
الله يهدينا ويرزقنا الهدوء والسكينة يارب.

يا بنات ادعوا لي بكرة عندي امتحان في الربع الاول من سورة البقرة . انا اصلي ارتبك شوي لم يكون دوري وابقى انسى كل شئ. اللهم ارزقنا تلاوة كتابك على النحو الذي تحبه ويرضيك وقوم إعوجاج لساني بلفظ كتابك.

سلام

شكرا يا ارق جوجل
فهمت شويه بس نا عملت ايه
قشرت البصل عادى وقور قور لحد مابقى الورقتين اللى برا وحشيتهم
والقلب اللى طلع حطيته تحت المحشى
بس طلع معقول


ام سوسو ربنا يوفقك يارب وتسمعى كويس