كوبونات الراقية تسجيل الدخول

rasha12wa
rasha12wa •
صباح الورد والفل على الجميع

هايا ....
الف سلامة عليك يا جميل وربنا يشفيكى ويعافيكى
على الفكرة اليانسون والزنجبيل حلوين قوى

حبيبة اوسو ...
ربنا يتم شفاء مؤمن على خير والأفضل انك تسألى الدكتور اللى عمله العملية
زوجة مصرية
زوجة مصرية •
لميا2008 لميا2008 :
ام سوسو القصه دى زعلتنى جدا جدا ولا يهمك ام عبد الله ازيك يا قمره حلو صنيه الطعميه يومياتى دعكت المطبخ بسلك الالمنيوم التخين جمعته والسراميك حول البوتجاز والحمد للله وعملت حمص ومحشى الغدا ام سوسو رسالتى وصلتك؟
ام سوسو القصه دى زعلتنى جدا جدا ولا يهمك ام عبد الله ازيك يا قمره حلو صنيه الطعميه ...
حبيبة أوسو ..الف سلامة على مؤمن وربنا يطمنا عليه أجر وعافية..بصى اللى شفته ف موضوع اللوز ده انه تقريبا فيه اسبوع بحاله قبل استقرار الحالة..ولو ابنك ضعيف شوية جسديا ممكن يمتد شوية ،بس هيروق ان شاء الله اول ما يبتدى ياكل كويس والجرح يلم...واسألى برضه الدكتور للاطمئنان
أم البنات...أنا هوافق على توأم الرئتين دى جديدة وفيها كتم ع النفس كده:eek:....قمة الرومانصية..اه بالصاد
يا حبيبتى احنا كلنا بنستمد التفاؤال والاصرار والمقاوحة مع الدنيا منك ويشرفنى أكون توأمك طبعا
عروس..جميييييييل مقال الحزن ده..فيه رقى كده وشموخ...بس خليه بعيد برضه،
 الله تعالى أرحـم من أنـفـسـنـا .. على أنـفـسـنـا !!
مـا وجـدنـا هـنـا لـ نـحـزن إلى الأبـد .. و لا لـ نـفـرح إلى الأبـد
الـحـيـاة لـيـسـت جـنـة .. و هـي أيـضـاً لـيـسـت جـحـيـم !!
فالحياة ليست على وتيرة واحدة
فيوما لك
ويوما عليك
ودوام الحال من المحال
...عجبونى اوى الكام جملة دول ، لما تضيق الدنيا، دايما اقول الحمد لله احنا مش ف دار جزاء احنا ف دار عمل...اللهم ارزقنا الخلاص فى القول والفعل والعمل لوجهك الكريم
... يا بنات مش ملاحظين خفة دم وشقاوة مستترة كده تحت العقل والرزانة بتوع عروس دول؟..مش فاهمة طالبة معايا تحليل نفسى ليه النهاردة
eng_yoyo حمد لله ع السلامة...عقبال الباقيين...شايفينكم يا قطط تعالوا بقى
مادو..انتى فين بجد؟ واخبار البيبى؟ تعالى بس قولى ازيكم ومع السلامة
أم سوسو..القصة كالعادة رائعة...وانا قريتها وكنت حاسة ان نهايتها لازم تكون كده..وجعتنى اوى بس برضه نبهتنى اكتر ، الموضوع ده كان مجرد تخيله فى بلادنا صعب..دلوقتى بقى واقع لازم ناخد بالنا منه..انا بقيت باتصرف بهستيرية احيانا لو خرجت بولادى وحدى ،وكم التنبيهات اللى باقولها لابنى...وبادعى ربنا يفكره ..ربنا الحافظ....

بمناسبة خناق الولاد تصدقى ابنى اللى 8.5 بيتخانق مع بنتى 3 ..اه والله وييجى يشتكى لى منها انها عملت كذا ومش بتسمع كلامى...جيل تحفة ..اللهم ارزق ابنائنا جميعا صحبة الأخيار وأخلاق الأبرار ويا رب حببهم ف بعض واحميهم وجنبهم شر الشيطان وعمله
وربنا يوفقك يا جميلة ف الامتحان...ارفعى راسنا بقى
موضوع موقع ايمان...والله انا فيه فى مخى كام موضوع كده مخلياهم لموقع ايمان...بس هى توافق ..وتانى يا ايمان ع العام....ما تزعليش منى..وأنا تحت أمرك كلفينى بمهمة محددة وانا باذن الله هاعملها ..
أم يوسف..بقيتى عمود أساسى ف البيت لما بتغيبى باحس البيت ناقصه حاجة..ربنا يسعدك
تسلم ايديكم..كل ماركاتك جميلة ودفعة للنشاط والثقة ...وجميل ما شاء الله ملخص دون للحلويات...بعتتهولى اخت فاضلة ع الخاص للفايدة العامة..وخليكى معانا وانتى تلاقى تدريجيا نفسك اشطر من الشاطرين
منى دموع...اخبار العسولة بتاعتك ايه؟ ربنا يهديهالك ونومها ينتظم وانتى ما شاء الله ام صغنتوتة بس شاطرة وواعية لكا حاجة بتعمليها معاها وربنا يصلحلك الحال...ودايما دعاكى بيوصلنى يا منى ولكى بالمثل ان شاء الله
راجية..ما شاء الله اول مرة اشوف طعمية صوانى...هاجربها ان شاء الله وتسلم ايديكى
كل الحوامل ..كهرمانتنا وتوتة وenn وبلو روز ومااادو ..ربنا ييسر لكم ونشوفكم فى اتم صحة وعافية وبيبيهاتكم يوصلوا الدنيا بالسلامة
ميرو...فينك؟ الاسبوع قرب يخلص وما شفناكيش...تعالى شوية

taduh أنا طماعة شوية ممكن تقولى المواعيد كمان مش بس البرنامج والقناة.، انا مش متابعة اوى ومعظم اللى بشوفه حاجات بانزلها من النت ..فى ميزان حسناتك..وممكن تشاركينا اكتر من كده..ولا مش عايزة تكونى ف السرب بتاعنا؟
هايا..اهلا بيكى انتى يا افندم وربنا يعزك ويشرفنى اتعرف عليكى أكتر..بس ما تخافيش التمويه ع العام بس
روشانا...جزاكى الله خيرا وف ميزان حسناتك ،كل اللى بتحاولى تعمليه عشان تساعدى حد فعلا لؤلؤة على رأى أم سوسو
ماما زوزو ..مسك الختام..فعلا وجودك بيعمل حالة كده من الطمأنينة اوعى تكونى زعلانة منى برضه؟ بس عارفة ان قلبك كبير وبتحسى بينا كلنا
باقى البنات كلهم اللى ما كتبتهمش سهوا وليس عمدا ربنا يسعد أيامكم
زوجة مصرية
زوجة مصرية •
لميا2008 لميا2008 :
ام سوسو القصه دى زعلتنى جدا جدا ولا يهمك ام عبد الله ازيك يا قمره حلو صنيه الطعميه يومياتى دعكت المطبخ بسلك الالمنيوم التخين جمعته والسراميك حول البوتجاز والحمد للله وعملت حمص ومحشى الغدا ام سوسو رسالتى وصلتك؟
ام سوسو القصه دى زعلتنى جدا جدا ولا يهمك ام عبد الله ازيك يا قمره حلو صنيه الطعميه ...
صباح الخير يا رشا أم خالد...اخبارك يا جميلة؟
 ده يا بنات موضوع اسماء تسلم ايديكم ملخص الحلويات....معانا حد جامد واحنا مش عارفين
 http://forum.hawaaworld.com/showthread.php?t=1705190
spanishflower
spanishflower •
زوجة مصرية زوجة مصرية :
صباح الخير يا رشا أم خالد...اخبارك يا جميلة؟ ده يا بنات موضوع اسماء تسلم ايديكم ملخص الحلويات....معانا حد جامد واحنا مش عارفين http://forum.hawaaworld.com/showthread.php?t=1705190
صباح الخير يا رشا أم خالد...اخبارك يا جميلة؟ ده يا بنات موضوع اسماء تسلم ايديكم ملخص...
السلام عليكم و رحمه الله و بركاته

ازيكم جميعا يا بنات يارب تكونوا بخير
ما شاء الله علي الملف الجديد ملحقتش اقراه كله بس الصفحات الاولي و القصه جميله اوي يا ملاك ما شاء الله علي باباكي
المهم انا داخله افضفض
انا عارفه هتقولوا هي مين دي و لا بتيجي امتي بس اهو كلام و عدوه و خلاص مش شكوي اد ما هي فضفضه علشان اقدر اكمل
تعبانه من المسؤليه و الوحده فعلا زي حاله فيميل كده بس باقاوح و كل ما اتعب احاول اقوم تاني و لقيت قصه رحاب انا عارفه موضوعها من الاول ما شاء الله عليها و سامحيني مش قريته كله علشان التفاصيل انا عاصرتها مع اقرب الناس ليا و لو انها متاخره شويه بس الحمد لله حمداا كثيرا يليق بجلال وحهه و عظمته علي شفاكي يارب يتمم عليكي و علي اسرتك يارب و يكرمك و يؤجرك اجر الصابرين

عندي حاله كده تناحه مش باكلم حد من جوه كده يعني سلامات طيبون و بابقي عايزه اقفل الكلام كمان و انا عمرييييييي ما كنت كده
مش عارفه دا من الغربه الطويله و لا من المسؤليه و لا من الناس و لا ايه
ساعات باحس اني غريبه او معقده لما ما اعرفش اتكلم في اي حاجه و خلاص لازم الكلام يكون بسبب او هدف
و ساعات كتير مش باعرف اتعامل مع ناس مختلفه عني في كل حاجه و باقول خلاص كفايه السلام العادي و السؤال كل فتره لكن من غير تعمق في العلاقات بس وصلت اني تعبت حاسه و الله مش عارفه اتكلم او مش عايزه اتكلم يمكن؟
انا مش مكتءبه علشان محدش يقولي دا اكتءاب و باقوم بكل الواجبات تجاه كل البشر زي ما هي بس من جوه ساكته كده
يمكن الحاله دي جاتلي لما لقيت فجاه كل الناس اللي اعرفهم انا اللي باسال عليهم بس و هما لاء و حتي لما اتصل و اسيب ميسد كول ميرجعوش يتصلوا غالبا معتمدين اني هاسال عليهم انا برضه تاني
يمكن انا اللي عودتهم علي كده علشان مش باشتكي و دايما الست العاقله الراسيه
يمكن تعبت من دور الام الحنون ده عايزه حد يسال عليا مش انا الجمل المتحمل داءما
اوقات كتييييير بيصعب عليا نفسي اوي لما الاقي اني عامله زي البهلوان كده و باعمل 600 حاجه في وقت واحد و ناس تانيه بتشتكي من حاجات.... مش عايزه اقول تافهه ... ما علينا
معلش شويه كلام عجيب مش مترابط بس طلعت روحي من الساعه 9 الصبح و انا باشتغل و باكتب في بريزنتيشن عندي لبكره و الساعه بقت 3 و تلت العصر و خلاص هنجت
الله المستعان
محدش يرد علي الكلام العجيب اللي فوق ادعولي بس افوق تاني ان شاء الله بظهر الغيب مش كتابه
:26:
هايا
هايا •
السلام عليكم ورحمة الله وبركاته

رانيا ربنا معاكي وان شاء الله تفوقي تاني بس برده لازم تعودي الناس القربية منك ان زي ما بياخدوا لازم يدوا اصدي في المشاعر والاهتمام

بنات معلش انا مش في المود عندي مشكلتين كدة في الشغل دعواتكم ان ربنا يحلهم على خير من غير اذية لحد
ادعولي في سركم مش لازم تكتبوا بس بجد متنسونيش