احبك الذى احببتنا فيه يا قمر
و انتى من غير حاجة أكيد رب العالمين بيحبك عشان اداكى ابتلاء و ان شاء الله يجزيكى عنه جزاء الصابرين
و طمنينا بقى عليكى و على عمورى و على النونو الجديد جاى امتى ؟؟؟



طيب ا هوبة انتى كده لازم تسى ملوكة بنونو صغير حلو زيها كده عشان هى يا مامى كبرت و عايزة يبقى عندها اخوات يسلوها و يلعبوا معاها و لا انتى ايه رايك
و ان شاء الله هدعيلك ان موضوع الشغل يعدى على خير يارب



أزيك يا سموة و اخبار ميدو زوجك تمام و طمنينا على اخوكى و اخت ربنا يقر عينهم بالشفاء عاجل غير اجل



معلش يا انوج ربنا يعينك و بعدين مليش دعوه كله عمال يقول امورة و حولة و طيوبة و كلام كتير جامد كده
يعنى انا كمان ماليش نفس اعاكسك شوية طيب ابعتيلى صورتك على الميل و ملكيش دجعوه هاقولك شوية معاكسات و لا معاكسات الشباب على الكورنيش فى الصيف و البنات مأفوره (over ) فى المصيف :angry2: و ربنا يهدى الجميع ماشى
و كمان ابتعتيلى تليفونك يمكن الموضوع يطور معايا و اعاكسك باليل شفتى بقى انا جامدة ازى



تسلميلى يا هبهوبة ده انتى اللى سكر ما شاء الله عليكى
و بحس فيكى دايما بصدق مشاعر اتمنى اكون زيك فيه بجد بحس انى مش صادقة فى مشاعرى كده ربنا يهدى الجميع
و اخبار يويو و روما و موضوع مامتك و مرات اخوكى ان شاء الله يكون انتهى على خير و على فكرة انا نسيت ابعتلك نمرتى على الخاص بامر الله ابعتهالك
و روما يا جميل اعتقد لسة صغيرة عشان تفطميها يعنى هى دلوقتى سنة بس استنى عليها حتى 3 شهور كمان عارفة على رمضان بامر الرحمن يبقى حلو و استحملى الكام شهر دول ما هما كل الأطفال صعبين بس محبتك ليهم و رعايتك تبقى رعاية لرب العالمين و يعنى كلهم فوايد فاصبرى و افتكرى انك مع كل نقطة بترضعها بتاخدى ثواب عليها يلا يا عم هيصى و افتكرينى بكام حسنة كده ربنا يخيلكى :32:



يا نهار اسامحك يا عروستى
اوعى تقولى كده ده انتى جزاكى الله عنا خير الجزاء نسمه تهب بنفحات ايمان و نشاط و حب و اهتمام كلنا محتاجينها بجد بحسك اخت ليا مش هاقول الكبيرة و الصغيرة لأن السن بينا هنا فى التجمع اعتقد ليس له محل من الأعراب لأن اللى بنا اكبر و اصدق من اى تصنيف
و رببنا يديم عليكى نعمه الصحة و العقل و يهدى اولادك و يرجعك لينا بالسلامة
و بالمتاسبة بقى انا زعلانة و فرجانة من موضوع الأجازة بتاعتك
يعنى فرحانة عشان انتى هتنبسطى ان شاء الله و تشوفى اهلك و تبرى والديكى و تغيرى جو
و زعلانة طبعا لأنك هتبقى مشغولة عننا و ليكون مفيش نت عندك فى مصر هتبقى حكاية فلو تكرمتى ابقى ابعتيلى تليفونك بتاع مصر و الكويت عشان اسمع صوتك انا كمان و لا انا مليش نفس زى باقى الحلوين


يا قمره من بعض ما عندكم ديه معلومة واحدة استفتدوا منها
و انتى ما شاء الله عشرات المعلومات افاديتنا بيهم جزاكى الله خيرا



بصى يا حبيبة هى عموما اللوز بتسمع فى الأذن و حتى لما تكون ملتهبة بتسبب وجع فى الأذن و ساعات الالتهاب بيطلع عليها
و اكيد من اثر العملية و احسن حاجة راجعى الدكتور و خلية يديلة مسكن قوى شوية عشان و ربنا يطمنك عليه
و ركزى على اكل الحاجات السهلة المفيدة يعنى كريم كراميل - رز باللبن - شوبرة خضار فى الخلاط - بطاطس مهروسة عشان مش يتعب من الأكل



ايه أزيك يا قمره فيتنك لما تدخلى اون لاين قوليلى عشان نتكلم شوية زى ما قلتلك المرة اللى فاتت




تسلميلى يا زوجة مصرية انتى اللى ما شاء الله عليكى عندك فن ادخال السرور فى قلوب الأخرين بكلامك الحلو تشجيعك ليهم
و ان شاء الله ادعيلك و ربنا يتقبل يارب و يصلح حالك و يشفيكى شفاءا لا يغادر سقم ابدا
و روان من فضل الله بخير بس لسة على ماهى عليه يمكن يكون حكمة من عند رب العالمين انا المستفيدة منها ان شاء الله
و اخبار الولاد ايه ؟؟ و بعدين مش قولتلنا عريس بنتى نجح و لا لأ ؟؟ طمنينا و فرحينا معاكى


هدهود........... ربنا يبارك فى زوجك و يزيكم من فضله و يشفى والدك و يطمنكم عليه و اخبار جوج ايه تمام ؟؟ و ايه الف مبروك انها حلت كويس فى الأنجليزى عقبال باقى المواد يارب


ام سوسو ............ ضحكتينى على القمرات بتوعك ربنا يخليهم و يبارك فيهم و يقر عينهم بصلاحهم و يرزك برهم يارب و فعلا كلامك 100% صح لازم نساعد ايمان اكتر من كده ياريت تبعيلى الرابط بتاع الموثع و ان شاء الله احاولى اساعد و لو بكلمة و سامحينى مقرتش المقال حاسة هيبقى صعب عليا ربنا يعافينا جميعا من كل سوء


لميا ............. عاملة ايه يا قمر و اخبار الولاد و بالنسبة للسلك اعتقد لو اتمسح بيصدى فلازم يتغير و اخبار والدك ايه ان شاء الله يكون الخير ظهر طمنينا و فرحينا

ام عبد الله ............. ما حد يقدر يطنشنك يا جميل انتى نعم الأخت ما شاء الله عليكى و تسلم ايديكى على صينية الطعمية بالهنا و الشفا
و صحيح يا ام عبد الله لما ربنا يسهل و تروحى عمره لا تنسينا من صالح الدعاء امام الكعبة :26:

توتة البطوطة ..............ميفعنش تغيبى عننا كده هنقللق عليكى و خصوصا فى الأيام ديه ان شاء الله تكونى فى احسن حال و ربنا يقومك بالسلامة

ميوش............... حبيبتى فينك وحشانى تعالى عايزة ارغى معاكى شوية


بوتا ................... فينك يا حلوة طمنينا عليكى

المحبة للرسول ........... ايه يا ام سهيلة تعالى فورا وحشانا كتير

ماما زوزو............... حبليبتنا كلنا ربنا يكرمك و يبارك فيكى و يخليكى لنا يارب

شيمو............. ما احنا اتفقنا الخلفة للجدعان يا قمر استحملى شوية و كله هيقى زى الفل عارفه انا لو قلتلك عليا هتضحكى لانا من فضل الله اجوزت اخر شهر يناير و بعدين حملت اول 3 مثلا و قعدت ارجع و اتوحم و تعبانة لغاية شهر 6 مثلا و بعد ستة ابتدت المشاكل التنية وحع فى الضهر و تقل فى الحركة و و هكذا
و بعدين ولدت شهر 11 و اول 3 شهور كنت مدمرة من قلة النوم و عدم الخيرة فى التعامل مع روان و هكذا و توالت الأحداث مع روان كل مرحلة و ليها سمة مميزة ليها لغاية دلوقتى بقالى حوالى 2 و خمش شهور مجوزة منهم 8 شهور و نص حمل و سنة و سبع شهور مع طفل
قوليلى بقى امتى حسيت انى عروسة ؟؟؟؟؟؟؟؟؟؟ بحاول اقنع نفسى

كل حبايبى الحلوين نانسى و ريهام و فيميل و ام جميلة و ام ادهم و ايناس و نيرفانا و الرمال و مادو المختفية و حنان كهرمانة و اسماء ام اروى و تسلم ايديكم و نرمو و توتا و ايجيبتى و نوران و حنان ام مريم و كل الحاضرين و الغائبين صباحكم سكر زيادة

صباحكم تفاؤل وامل ورضا

منى رورو لسه بتسهررر ولابقت شطورة وبتسمع الكلام وتنام بدري

اخويا النهارده بيمتحن ماده ربنا يوفقه داعواتكم يابنات اخويا الاكبر كان بيذاكرله ويقراله وهوا كان فاكر حاجات وربنا يسهلها من عنده ويكرمه يارررب

لميا ربنا يوفق بابكى للخير يارب ويرزقه بنت الحلال

هايا ربنا ييسرلك امورك ويحلها من عنده يارب على خيررر

ام البنات مبروك لزوجك باباكى عامل ايه دلوقت ربنا يشفيه ويعافيه

ايويا هنا عامله ايه وانتى عامله ايه في السعوديه
هقرا اللى فات وهاجى

حبيبية حمدا لله علي سلامتة وربنا يتم شفاه علي خير انا بعد معاملتها كنت حاسة ان دماغي تقيلة جدا وبتوجعني

دة بيكون من تاثير البنج والاكل دة عادي معلش لئن دة جرح في الزور انتي اعرضي علية الاكل كل شوية حتي

ان خد معلقة معلقة

صباحو نادي لبن زبادي

معلش انا مقصرة معاكو بس بجد كل ما اقول ادخل اشارك الاقي موضوع مؤثر يوجع قلبي ويخليني في مود مش تمام فمعرفش اقول حاجة
انا مش مصدقة يا رحاب كل اللي مريتي بيه ده وروحك الحلوة دي علطوول معانا
كمان انت واخدة الامور ماشاء الله ببساطة ورضا
ربنا يجعله في ميزان حسناتك ويعوضك خير يا رب

ام سوسو قصتك بتوجع برضه وعندي سؤال................ لازم يعني البنت باباكي يسميها مروة هههههههههه

المهم انا كويسه الحمد لله بس لسه مش واقفة على ارض صلبه مع جوزي وكل اللي بتمناه وبدعيه ان ربنا يثبتني في معاملتي ليه لاني خايفه من نفسي اتنرفز او من الضغوط اتعصب واضيع كل حاجة

الراجل مخلوق اناني وزي الطفل المشاكس
عايز اهتمام وتفرغ ولو حصل غير كده بيلفت انتباهك ازاي يرميكي بحاجة في وشك....... يزعق ويتنرفز ...........يتلكك على اي حاجة.............. يغضب ويخاصمك
ده اكتشفته مؤخرا كنت فاكرة اني متجوزة راجل ناضج هيقدر تعبي وانشغالي باولاده هو والله مش ولاد حد غريب ههههه
وهلاكي في الشغل والبيت علشانه وعلشان وضعنا
لكن لقيت اني عندي تلات طفال مش زوج وطفلين

ربنا يعيني عليهم وانا بعتبره حرب وجهاد في سبيل الله
لان المغريات بقت كتييييييييييييييييييييييييييير اوي اوي
والوازع الديني والاخلاقي قل كتييييييييييييييييييييييييير كمان
والمسئوليه بقت تقيله ومحدش طايقها
الراجل بقى في بيته عامل زي العصفور في القفص مستني اليوم اللي الباب يتفتح فيه علشان يطفش ويطير بعيد هههههههههههههه

يلا الحمد لله بس ربنا يثبتنا ويمدنا بالقوة من عنده ويحلينا في عيون ازواجنا وينفرهم من الحرام حتى لو نظرة لكليب او صورة
وبعدها تشتغل المقارنات











يا رب اهديهم ويتعدل حالهم كلهم بقى ايه القرف ده هههههههههههههه
اصلي مقدرش اكمل بعقلي كده لازم اضرب في الاخر

ام سوسو ربنا يحفظ بناتك واهلك جميعا ابكانى ماحدث لمروة اصبح منتشرا ماعاد للرحمه مكان في قلوب هؤلاء الشياطين

حبيبه اوسو ربنا يشفي مؤمن ويعافيه

راجيه عفو ربى تسلم ايدك على صنيه الطعميه هجربها باذن الله

رونى عامل ايه ياااااقمر


عروس وزوجه مصريه كلامك عبرر ربنا يحفظكم بجد بحب اقرا مشاركتكم كلمه كلمه

عروس تروحى وترجعى بالسلامه بس لما توصلى مصر طمنينا عليكى

انوج يااحلى عطر عاجبنى انطلاقك ماشاء الله خليتنى اتحمس و خرجت امبارح لوحدى اول مرة اعملها خدت محمد ابنى وعملنا شوبنج انا هوا بجد انبسطت اوى دايما بخرج مع البيه وكل فين وفين

رشا ام خالد اين انتى عودى ياهاميس

امبارح بقى قمت نضفت الشقه تنضيف عميق وغشلت المشايات بتاع الطرقه ونضفت المطبخ ماعملتش اكل وبعدين

خرجت انا ومودى وكلت بره انا وهوا اخر صياعه وبعدين رجعنا واستنيت البيه بتاعى على ماجه من عنده مامته حماتى اليومين دول ربنا يهديها شغاله في الازرق ربنا يسترها وتبطل زن على دماغه هيا واخوه ربنا يشغلهم بنفسهم عنى