يا بنات خلوا دعاء اليوم يكون دعاء لؤلؤتنا روشانا :
اللهم ارزق اولادي صحبة الاخيار وخصال الاطهار
الله بلغنى فيهم كل املى ومناي
اللهم ارزقنى ببرهم في حياتي
وبدعائهم عند مماتي

السلام عليكم و رحمة الله و بركاته على كل حبايبى الحلوين الحاضرين و الغائبين


عروستى .............. وصلتنى الرسالة يا جميل و تحفة يوميات شعلة و اخواته بجد عسل ما شاء الله بس على فكرة لما كبر هيبقى عاقل جدا ما شا ءالله اللى بيبقى كده و هو صغير بيتحول وهو و كبير لشخصية نقيضة تمام سبحان الله و ربنا يخليهمولك


عطورتى ............ ماشى يبقى هتغيظى زوجك بيا ماشى يا عم بس ابقى قوليلى قبلها عشان نزود الجرعة حبيتين و نحط حبة ملح و فلفل و الذى منه مش ان كيدهن عظيم يبقى لازم نطبقها ( شريرة انا مش كده )
و بالنسبة لموضوع حماتك يبقى خليكى فى السيف سايد و جيبى تورتاية مع زوجك و خلاص و ممكن تعزموها بره عل الغدا فى اى مكان ظريف

و مامتك بجد يا بنتى انتى فيكى حاجات زى بالظبط عارفة انا اعانى منذ قرون من هذا الأمر و لغاية دلوقتى مش لاقيه حل غير انى بطلت اقو ل تفاصيل اوى عن الحياة و خصوصا عن زوجى يعنى حتى لما بيخرج مع صحابة و اقربها امبارح بقول لها انه فى الشغل و كمان ماما لو عرفت انه مع صحابة تقعد تقولى و هو سايبك و عايش حياتة انتى تشتغلى جوه و برده من عير ما يساعدك و كلام الأمهات اللى خايفة بزيادةعلى بناتها فانا عشان مزعلهاش و لا ازعل بطلت اقول

بس كمان مش الحلو بس اللى بتقوله لأ كمان الوحش و المشاكل و ديه اكتر حاجة بتقتلنى بجد لما بيقى فيه مشكلة هى بتحكيها من وجه نظرها و الناس بتبنى انطباع عليها و لكن ممكن الموضوع مش يكون كده بس هنقول ايه ربنا يخللنا امهاتنا يارب مهما كانت عيوبهم دول نعمة ربنا يحفظها من الزوال



هدهود ............ يا جامد انتى يا ابو تونك موف و طرحة لفتها جديدة و بقيت تنافسى البنات انتى كمان يلا يا عم هاعكسك و اللى يحصل يحصل
و بالهنا و الشفا على البصارة يا قمر و تسلم ايديكى و ربنا ينجح ايه يارب و يهدى جودى و تنام كل يوم باليل من الساعة 12 لغاية الساعة 10 الصبح

ام يوسف .............. ربنا يقدرك و يعدى الفترة ديه على خير و يسهلها يارب و يعطى فطام مريموة على خير ز مععلش فى الأول متعب بس هى هتبقى احسن و تاكل و كله هيظبط بامر الله تعالى


رانيا .................... كلنا مبسوطين جدا عشان انتى احسن و فعلا سبحان الواحد القهار لما الجنة يبقى كلها زهور و ثمار و نخيل اكيد يبقى معناه ان ليها اثر كبير جدا على النفوس و اسعادها و فكرة حلوة انك جبيتى الورد ده و معلش يا قمره ممكن تسيه " تباع الشمس " و ليس عباد عشان اعتقد لا يجوز لأن العبادة لله فقط و الله اعلم
حتى كان فيه اعلان عن ترشيد المياه بيجى فى رمضان اللى فات على ام بى سى اسمه قطوره الندى بيغنوا فيها تباع الشمس


نوران................ عاملة ايه يا قمره و اخبار الولاد تمام و بالمناسبة انا كمان عملت البتى فور ده بس مش رضى ينزل من الفرمة برده مش عارفة ليه بس هاجربة بامر الرحمن و يكون فى الفرمة أحسن حاجة عشان اضمن يعمل شكل لأن اخر مرة عمله بقى كلة كور و لصقتها فى بعضها من غير اى شكل

لميا ........... اخبارك ايه يا قمره و بلاش الضرب بيزود العصبية عند الأطفال و استغفرى كتير بنيه ان ربنا يديكى الصبر على الولاد

هايا ............ الحمد لله يا هوبة ان المكشلة اتحلت و ان شاء الله تعدى خالص على خير و اخبار الكحة ايه أحسن دلوقتى ؟؟ خدتى الدوا اللى قلتلك عليه

ام سوسو ............... حبيبتى مش بنشوفك كتير ليه بتوحشينا خالص ياريت تطمنينا عليكى و البنات ربنا يخليهمولك عسلات ما شاء الله لا قوة اللا بالله و مستنين موضوع الأسبوع و مشتنية رابط ايمان بتاع الموقع



أية .................... مبروك حاجات المطبخ الجديدة ربنا يدبرلكم امرك بالخير يارب و تتهنوا بيها و هنونه تمام و مستنياكى يا حبيبتى ماشى


رانيا () ام عمرو) ........... يا بخت عمرو انك مامته ما شاء الله بتديلة حواديت جميلة و بتلعبى معاه طي مينفعش اجى انا شوية بدل عمرو ؟؟؟

ريهام .............. ازيك و ازيك حمادة بخير تعالى قوللنا اخر الأخبار المطبخية عارفينك بتحبى الحاجات الجديدة يلا علمينا حاجة حلوة زيك

زوجة مصرية ................ معلش هيبقى عندك توأمين هدى و لو سمحتى انا انتى تؤام برئة واحدة و انا وانتى خلينا تؤام بأيد واحدة على سبيل التغيير يعنى ممكن ؟؟؟ و اخبار صوتك ايه أحسن

رشا ( ام روان ) نداء عاجل فينك يا قمر وحشتنيا تعالى


رحاب,................ طبعا ندلعك يا قمر ده انتى تستاهلى كل خير و الف سلامة عليكى من الهبوط خلى بالك من النونو لحسن عنده خالات شرسة جدا لو تهانتتى فى حقة مش هيحصل كويس


و كل حبايبى الحلوين سومة رشا ام خالد و يوكى و فيميل و ام جميلة و ام نادين و الرمال ( المختفية ) و ايجيبتى و ناسى و مى ( تعالى يا حبى ) و توتة البطوطة و ايناس و نيرفانا ( اوعى تكونى تهتى فى الشقة الجديدة ) و ايمان و ماما زوزو و ميرو جواهر السريع و حبيبة اوسو و المحبة للرسول و نرمو و سها الأسكندرانية و حنان كهرمانة و بابى ايمى و اسماء تسلم ايديكم و حنان مرمر البتول و اسماء ام اروى و مرمر و ام عبد الله و ام ادهم و كل الحاضرين و الغائبين صباحكم سكر زيادة




اما بالنسبة ليومياتى :

اول امبارح و انا مروحة حصلتلى حاجة ظريفة جدا بما ما وصلت تحت البيت بقيت البواب بيقولى ان البلوزة بتاعتى فيها حاجة و هى كانت جديدة لسة مفصلاها و اول لابسة المهم طلعت البيت لاقيتها مقطوعة على شكل حركة L قلت الحمد لله قدر الله وما شاء فعل

امبارح بقى روحت و الغذا كان من فضل الله خضار سوتية و كفتة مشوية و عيش و طبعا المطبخ بقالة فترة مش عاجبنى اوى و كنت عايزة ارتب الضلف بتاعت
استعنت بالله و شمرت ايديى و بسم الله ما شاء الله لا قوة الا بالله دخلت عليه و رتبت درف المواعين و الخزين و الأجهرزة الكهربائية و البلاستيكات و غيرت الفرش اللى فيها و رتب الحاجات و رميت كل اللى ملوش لازمة و رتب البرطمانات بتاعت التوابل و الى حد ما وحدت حجم البرطمانات مش حبة صغير و حبة كبير حاسة انه احسن كده
و بعدين دخلت عل البوتجاز دعكتة و غيرت الفويل و العيون و الجوانب و الحيطة الله حواليه و شبالك المطبخ برده صبتنة و الحيطة اللى عند الرخام بتاع المطبخ و الأرضية اللىبين البوتجاز و الحوض و دواليب المطبخ و بعدين مسحت الأرضيات و دعكت الدهون اللى فيها و مسحت و نفضت المشايات و كنستها و كنست غرفتى و الليفنج و دعت الحمام عل السريع و بعدين دخلت استحميت و عملت حمام كريم لشعرى و جميت روان و زوجى جه سبت معاه روان و اغمى عليا لوحدى و نمت
بس و انا بشتغل بجد كنت حاسة انى مرهقة جدا و دخت كذا مرة و حسيت ان الدنيا بتلف مش عارفة ليه يلا ربنا يستر



اللهم ارزق اولادي صحبةالاخيار وخصالالاطهار

الله بلغنى فيهم كلاملى ومناي
اللهم ارزقنىببرهم في حياتي
وبدعائهمعند مماتي

السلام عليكم
عروس....ام سرحان ونفيسة وشعلة...ايه يا بنتى دى عصابة...هههههههههه
انوجى......يا واد يا مدلع انت....يالا انا كمان حاعاكسك...وبالنسبة لحماتك ...هى التورتاية يا حبى اللى جوزك قال عليها من باتيسرى محترم وغالى واسم كده ...ومش تنسى تكتيبلها السعر فى فورقة وتحطيه على التورتاية من فوق...هههههههه
كده كده مش حايعجبها حاجة فوفرى فلوسك احسن
هدهود...ايه يا عم الالوانات الحلوة دى ليها حق بنتك تغيير
منمن....ازيك يا قمر وازى الجزرة الصغيرة ....خلى باللك من نفسك ولما تحسى بدوار خدى معلقة عسل وبعديها اشربى مية ...وحاولى تاخدى فيتامين
كل الناس الحلوين بسلم عليكم فردا فردا ...ومستنية يكون عندى يوميات كويسة علشان اعرف احكيها
سلام

اللهم ارزق اولادي صحبة الاخيار وخصال الاطهار
الله بلغنى فيهم كل املى ومناي
اللهم ارزقنى ببرهم في حياتي
وبدعائهم عند مماتي

جزاك الله خير يا روشانا دعاء جميل هاحفظه واقوله دايما ان شاء الله