السلام عليكم ورحمة الله وبركاته
صباح الخير يا رمال...
روشانا...بجد ربنا يكرمها لا روزا الملف تحفة
هو فيه موضوع للملخص ده؟
أستأذنك لو موجود حطي اللنك بتاعه
ميرو...تسلم ايدك وكيبوردك يا افندم على ملخص أم سوسو...عارفاكى طمعانة تاخدى ثواب معاها:)...جزاكم الله خيرا انتوا الاتنين
الحدوتة الأولى..
شخصية ف نطاق العائلة عندنا اسمها الحركى..القرداتى..عارفينه؟
اتحكالى عنها كتير وشفت بنفسى بعدين..هى زوجة محترمةوأم طيبة جدا ومحبة لزوجها جدا..واتربت فى جو دينى معقول واحتكاكاتها بالمجتمع الخارجى كان ف حدود ،تزوجت من شخصية عصبية جدا،غيورة جدا"مش عليها" وعنيدة جدا وكمان عنده حب الاستعراض بشكل ملفت لأى حد..ففى كل جلسة لازم حكايات عن انجازاته الفظيعة فى مجال شغله،ولازم حكاية من كل بلد سافرها برة مصر ،غير المشكلة الاعظم والمتعبة لأى زوجة وهى حب التعامل مع الجنس الآخر بمناسبة وبدون وكلام وحواديت ...لكن الموضوع للأمانة بيقف عند كده...وكمان ده بيحصل قدامها مش بعيد عنها
حكت لى لما علاقتنا سمحت..انها ف بداية الجواز كانت بتزعل جدا وتترعب جدا من صوته العالى وتحكماته وافكاره اللى عايز يفرضها عليها وعدم اتفاقها مع طبيعتها اللى اتربت عليها ، وكانت ممكن تقعد تكلم نفسها كمان من الحزن والالم والاستغراب من الطبيعة المختلفة ودايما كانت دائمة النقد له ولتصرفاته وأفكاره...صراع البداية اللى كتير عاشوه او جربوه...وكانت عندها مشاكل شبيهة بمشاكل توتة مع اختلافات بسيطة مع الاهل..لانه كان الابن المفضل والاحن على الام فى نطاق أسرته
لكن وعت لنفسها بدرى...وبدأت تعمل ايه؟؟؟؟؟؟كل اعتراض منها تحول لكلمة حاضر واللى انت تشوفه صح اعمله وانا معاك وكده..وكل ذم ونقد تحول لمديح..يعنى مثلا بدل انت بتكلم فلانة او علانة ليه بقت انت محبوب واجتماعى وكل الناس بتحبك ..بقت تتعرف على البنات اللى بيكلمهم فى نطاق أسرته مثلا او حتى زميلات العمل...واكتر شئ حرصت عليه..ان الناس تتعود على وجودهم سوا مع بعض...محدش بيشوف فلان من غير فلانة...افتكر مرة كان عندها حالة وفاة خالها او عمها وعادى لقيناها جاية حفلة يوم ميلاد طفل ف العائلة ...ما بتسيبوش وحده ابدااااااااا
وفتحت بيتها لاهله بالود والمجاملات والهدايا البسيطة حتى لو توكة شعر لبنت حد منهم...
طبعا لازم اقول ان ربنا قذف فى قلبه حبها...وده ساعد جدا ان كل اللى عملته يكون فى ميزان حسناتها عنده..وكمان معروف عنه انه ف بيته ومعاها بجد نموذج كويس جدا للزوج والأب، يعنى طبيعته بيحب بيته واولاده وحنين جدا معاهم لدرجة انه ممكن يساعد كمان ف المطبخ بس على فكرة هو اصلا بيحب كده ..مزاج يعنى، جايز احساسها ان ميزاته بتعادل عيوبه شجعها على تنفيذ خطتها الذكية دى
وجايز فيه سبب تانى، بس الأكيد انه توفيق من ربنا سبحانه وتعالى.
و الاكيد برضه انها زوجة ذكية جدا...بتقول له اللى انت عايزه ، لكن مساحة الامان والحرية اللى وفرتهاله "مقيدة برضه لانها فعلا معاه فى اى مكان" خلته سلم لها وبقت هى اللى بتوجهه وتعمل اللى يرضيها ويريحها مش العكس...عرفتوا قرداتى ليه؟
السلام عليكم ورحمة الله وبركاته
صباح الخير يا رمال...
روشانا...بجد ربنا يكرمها لا روزا الملف...
احيانا لما الام تقسو على حد من اولادها توجه اخوة او اخته انه يروحله ويطبطب عليه ويسانده في الوقت ده
يعني مثال لو انا زعقت لشيكو وهو بيعيط اقول لشادن روحي صالحيه وخديه في حضنك
ده بيربي فيهم التماسك وانهم يحبوا بعض ويتلهفوا على بعض لما يكون حد فيهم بيواجه موقف معين
كمان بيعلمهم المساندة وانهم يكونوا يد واحدة في مواجهة اي حد حتى لو كان امهم
ده للمستقبل القريب والبعيد