السلام عليكم ورحمة الله وبركاته

وحشتونيييييييييييييي مووووووووووت موووووووووت مووووووووووووووووووووووووووووووت

رجعنا اول امبارح بس جيت لقيت النت فاصل طبعا قولت لجوزي انهارده قبل الشغل تكون مرجعهولي ومن
ساعة ما صحيت وانا كل شويه اشوف رجع ولا لأ

الحمد لله اتبسطنا اوييييييييييييييي طبعا مش قادره اوصفلكم لما شوفت ماما كانت فرحتي قد ايه
الاول طبعا اغتسلت في البيت عشان الاحرام وسافرنا بالعربيه طبعا مشوار علقه 1000 كيلو بس الحمدلله ربنا سهلها وبعدين في الطائف اخدنا استراحه وجوزي احرم من هناك وانا جددت النيه للاحرام وكملنا الطريق لمكه
وصلنا طبعا علي اخرنا بس حتي ماما كانت تعبانه اوي من السفر من المدينه طلعنا الفندق وقولنا نعمل العمره بعد ما ننام شويه عشان نرتاح بس قعدنا نرغي لحد ما نمنا من التعب

ولما صحيت لقيت جوزي عمل العمره قولتله كويس انت تقعد بالولاد وانا اعتمر مع ماما لأننا اتفقنا اننا مش ننزل الولاد الحرم عشان انفلونزا الخنازير وفعلا نزلنا انا وماما روحنا الحرم وجوزي اخد الولاد في العربيه وقعد يلف بيهم لحد ماناموا

اما بقي لحظة رؤية الكعبه لا توصف .......... كل مره نفس الاحساس مش بيتغير
كأني في دنيا غير الدنيا كأنه حلم ... فقدت الاحساس بنفسي وكياني وكل حاجه حواليه مش حاسه غير بحاجه
بتشدني للكعبه .... حتي قلبي مش حاسه انه بيدق كأني عايشه برؤيتي للكعبه بسسسسسسس
مهما وصفت مش هعرف اعبر عن الي جوايا
البناء مش مرتفع لكن احسه انه اكبر واعلي شئ في الدنيا
في هيبه ورهبه محببه ومطمئنه للنفس وصعب جدا اني انزل عيني من علي الكعبه كأن في جاذبيه لا اراديه بتشدني ليها
واحنا بنطوف كان كل احساسي اننا بنطوف تحت البيت المعمور مع الملايكه وبنسبح ونحمد ربنا ويبقي هو ده الهدف الوحيد للحياه
طبعا الزحمه كانت رهيييييبه وفي تجاوزات كتيره مش عايزه اتكلم عنها بس ياريت الي تروح تحاول تعمل مجموعه من السيدات يطوفوا مع بعض الحمد لله انا عرفت اجمع مجموعه من غير ما نتكلم عشان طبعا الزحام وعدم مخالطة الرجال
بعد كده الصلاة ركعتين كان الاول خلف مقام ابراهيم لكن للاسف السعوديه هنا منعت النساء من الصلاة في صحن الكعبه خالص فرحنا صلينا فوق في مكان النساء
بعد كده السعي ما بين الصفا والمروه والمرة دي عشان كنت بشرح لماما القصه بالتفصيل حسيت بيها اوي
تخيلوا المكان ده كله كان صحرا قاحله قعدت فيها السيده هاجر تلف وتدور لأبنها علي مايه ولسعي ما بين الصفا والمروه وتقف علي كل جبل شويه عشان تشوف اي ناس او مايه عشان ابنها سيدنا اسماعيل عليه السلام
بس مش عارفه هو فعلا دي المسافه الاصليه ولا اتوسعت عشان الحجاج وزيادة العدد
الي يعرف حاجه يقولنا لأن بجد المسافه مش صغيره ومرهقه وقعدت اتخيل وهي بتجري في الحر والعطش وكمان دلوقتي فيه تكييفات تحت الحرم كله طبعا غير زمان

المهم الحمد لله استمتعت بالعمره جدا وبعد كده كنا بنروح جده يوميا طبعا البلد ماشاء الله تحففففففففففه
والبحر هناك يجنن رغم ان كان فيه شوية رطوبه بس طبعا بالنسبه لسكان الرياض زي حالاتنا كنا كأننا في الجنه
وقعدنا 3 ايام احلي ايام قضيتها من ساعة ما جيت السعوديه

يالا هقوم شويه وهرجعلكم تاني :)

السلام عليكم ورحمة الله وبركاتة
ازيكم يا بنات عاملين اية وحشتونى كلكم
انجى يويو عاملة اية شاطرة ما شاء الله ربنا يديكى القوة على البيت تعالى نشجع بعض ونتفق نعمل اية فى البيت كل يوم اية رايك ماتستغربيش وتقولى مين دى انا ماعرفهاش مانا كمان ماعرفش حد هنا ومحتاجة حد يشجعنى قوى
مى حلو الدعاء دة فى الصبح انا الحمد للة عودت عيالى اول مايقومو بعد مابيقولو صباح الخير يقولو اصبحنا واصبح الملك للة وحلو الرابط اللى انتى حاطاة شكرا
راجية عفو ربى حلوة طريقة الرز ما شاء الله وسلمى لى على ام يوسف
تادو ازيك عاملة اية وانا كمان ادعيلى اعمل المطبخ النهاردة طيب حتى التلاجة بس
شيماء دمك خفيف اوى ما شاء الله

ام يوسف

مبروووووووووك العمرة وعيشيتيني فى احاسيس جميلة يا رب اكتبي لى العمرة او الحج عاجلا غير اجلا

فيميل

جميل انك علمتى ولادك الدعاء دة انتى ماما شطورة بجد وبعدين تعالى هنا ازاى متاعرفيش حد هنا دة احنا كلنا بنشجعك

قولى لى هتعملى ايه وانا اعمل معاك

اية

انا كمان غسلت الحمام وعملت الارض بهاربيك حلو وبينظف بسرعة وبياض

رونى
الف مروك على نجاح العملية وان شاء الله ربنا يتمم شفاؤه على خير

ام يوسف
عمرة مقبولة ان شاء الله
ورنا يجعل ايامك كلها فرحج وسعادة يارب

شيماء
حلوة الشمعة دي
بس اسمحيلاى هبقى استلفها منك شوية
ومبروك اللبس
وان شاء الله ميقاش فيه خناقات
ام البنات
ما شاء الله زوقك جميل قوى فى الملايات
ومبروك الفانوس لجودى
وربنا يشفى والدك يارب

شكرا يا مى على تشجيعك انا نفسى اعمل التلاجة وارتب ادراج التسريحة يا رب اعملهم ادعيلى
ام يوسف حمد لله على سلامتك انا شكلى كنت باكتب معاكى فى نفس الوقت