هدي حبيبتي الف سلامه عليكي يا قمر ان شاء الله تكوني كويسه دلوقتي
بس اخر ساعه ده كان عشقي في وسط البلد خلااااااااص توبه
ومبروك الفانوس لجودي يارب يكون وصل عندنا بتاع كرومبو عشان اجيبه للكتاكيت بتوعي
بس قوليلي تفتكري موضوع التسمم ده عادي يعني مافيش دسيسه او محاوله للاغتيل كده ولا كده
ما انت دلوقتي بقيت الريس يعني لازم تاخد بالك
هو انتي مش عينتي حد في المخابرات ولا لسه انا رأيي تعملي تحقيق علي نطاق واسه في الموضوع ده

ايمان
الف الف مبروووووووووك وصول ساندي بالسلامه ويارب يرزقكم برها ويجعلها من الصالحين
ما شاء الله لا قوة الا بالله عقبالك انتي وانجي ورانيا وتوته الجزائريه واسماء صاحبتي يارب
ايجيبتي
يا قمر طيب مش كني كتبتيلي قبل ما اسافر الطلبات دي بس بجد قعدت اضحك اوي لما قريتها
اصل كمان اخو جوزي ومراته طلبه كاجو وفزدق هههههههههه قوليلي انتي تعرفيهم

فيمل
طبعا حضرتك قعدت ادور علي سبب مشكلتك لقيت ليكي مشاركه ممسوحه ؟؟؟؟؟؟؟؟؟؟؟؟؟؟
مالك بس يا فيمل ما احنا اتفقنا لازم يكون فيه مشاكل وشويه كده وشويه كده
انتي ليه كل مره تقولي مافيش فايده وانا مش هتغير و و و و الكلام اياه
لو انتي الفتره الي فاتت لقيتي نفسك اتغيرتي بنسبة ولو صغيره يبقي خلاص نكمل ونزود للأحسن
ولما تحصل مشكله يبقي عادي جدااااااا كلنا بتحصل معانا مشاكل وساعات بنغلط كتيييييييير جدااااااا
لكن لو انتي شايفه انك زي ما انتي والاخطاء كل مره بتتكرر يبقي العيب فيكي ولازم تشوفي حل
ولو اني شايفه ان افكارك حلوه وبحب اقرا كلامك اوي خصوصا للبنات
تعرفي ساعات وانتي بتتكلمي عن نفسك بالاسلوب اياه بحس انك بتتكلمي عن واحده تانيه او شخصيه انتي مش شايفه
غير سلبياتها وعيوبها بسسسسسسسسسسسسسسس
فيمل حبيبتي خدي دش قوي ونزلي كل الافكار السلبيه وابدأي من اول وجديد انا تقريبا كل اسبوع ببدأ من اول وجديد
وساعات انجح وساعات يبقي فيه تقصير عادي مش نهاية الحياه يا فيمل
يارب يصلحلك الحال ويرضيكي في الدنيا والاخره وتنولي كل الي تتمنيه

كنزي
موضوع صاحبتك هو موضوع الساعه كل شويه واحده تكتشف مع جوزها حاجه زي كده
يارب ما نشوفش اليوم ده ابداااااااااااااااااااا
اولا هو اكيد كان فرحان باحساس انه محبوب ومرغوب وبدايات الحب بتاعة زمان
حتي لو كان مش في دماغه جواز بس صيغة الماسيج ان فيه ود وكلام و ...... الله اعلم
بصي صاحبتك لازم تاخد موقف جامد جدااااااااا بس طبعا من غير ما تعرف حد خليها تعاقبه بذكاء
وتحسسه انها مش هبله وان الكلام باين انه هو الي ادالها الفرصه وكمان قعد اسبوعين مخبي عليها
مع انه لو كان امين معاها ميه في الميه كان قالها مش يتمادي ويدي فرصه للي قدامه انها تتمادي
وتتصل بالهانم التانيه وتقولها ان جوزها حكالها وبعد كده تقولها كلام يخليها تحترم نفسها
عشان ما تنسيش انها معاه في الشغل ولازم التانيه تحس انها قويه جداااااااا ومش هتسمحلها تاخد جوزها منها
وياريت لو تخلي جوزها هو الي يكلمها قدامها ده ممكن يبقي شرط عشان تصالحه وتنسي الموضوع
ومش تتدخل حد ده هيبقي احسن واحسن عشان التانيه تبعد عنه خالص
يارب صبرنا علي ابناء سيدنا ادم مش عارفه هنرضيهم امتي وازاي

رانيا
الف حمد لله على سلامة عمرو و ربنا يتم شفاه على خير يا رب
و فعلا احنا كلنا سالنا عليه في الملف القديم



ام يوسف
الف الف مبروك العمرةو ربنا يتقبلها منك يا رب و عقبالي لاني فعلا مشتاقة جدا بقالي 10 سنين ما رحتش حاسة اني هاتجنن نفسي اوي ربنا يكتبهالي
بالنسبة لمسافة السعي بين الصفا و المروة فهي ده فعلا المسافة الاصلية اللي السيدة هاجر كانت بتهرول فيها لان ممنوع تغيير المسافة طوليا باي حال من الاحوال
هو كان فيه جدل الفترة اللي فاتت بين علماء السعودية انهم يوسعوا المكان افقي يعني بالعرض لكن الكل متفق ان التوسعة الراسية او بالطول يعني لا تجوز نهائيا

كنزي
موضوع صاحبتك بصراحة البنات كفوا ووفوا يعني هي طبعا ما توصلش للطلاق خاصة انه هو حاسس بالذنب لكن فعلا لازم تاخد موقف جامد جدا علشان ده ما يتكررش تاني و ربنا معاها و يصبرها

ميوش وفيمل والرمال ورواء شكرا ليكم يا قمرات ويارب تنولوا زيارة الكعبه عاجلا غير اجل ياااااااااااااااااااارب انتوا وكل محروم
والله دعيت للبنات كلهم بكل الي دعيتوا لنفسي وفي ناس معينه عزيزه علي قلبي دعيتلها بالاسم وان شاء الله ربنا تقبل بفضله وكرمه

ام سوسو فييييييييييييييييييييييييييييييييييييين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا فريت علي السريع وقلقت عليكي يا توأمي الجميل يالا تعالي طمنيني

بنات بسلم عليكم كلكم ونفسي اكتب لكل واحده بس فاقده التركيز ومش عارفه اجمع الي فات
بس هكتب الي فاكراه
شيمو عندي فكره ليكي عشان الاكل مش يبقي يومين متكرر
مثلا انتي سلقتي لحمه وعملتي لوبيا ممكن تعملي صينية بطاطس صغيره عشان بكره او تشيلي الشوربه وتعملي ملوخيه
لو عندك في الفريزر تاني يوم او اي صنف تاني عندك عشان ما تحسوش ان الاكل متكرر
انا ساعات بسلق فراخ ولحمه واحضر اكل ل 3 وممكن فيه صينية مكرونه في الفريزر يعني نحاول نوفر وقت ومجهود وغسيل مواعين

بالنسبه للبفتيك جوزي الدكتور قاله لازم تخس جدااااا وبقالي فتره غيرت كل عادات الاكل يعني الحاجه المقليه منعتها تماما
وكل طبيخي بزيت الدره او زيت الزتون
استبدلت البفتيك بالاستيك اطلعه من باليل واتبله (( معلقتين صويا ومعلقة بودرة توم وبهارات وفلفل اسود وملح مش كتير وخل ))
وتاني يوم اسخن الطاسه التيفال واشويهم فيها يبقي حلو اوي وخفيف من غير زيت او اي دسم خالص وبيستوي حلو اوي
وكمان بانيه الفراخ بنفس الطريقه بيبقي احلي من المقلي
والمكرونه البشاميل بردوا اللحمه المعصجه في الطاسه التيفال والكريمه من غير دسم خالص حليب ودقيق واقلب علي النار لحد ما تتخن
والمسقعه نفس الكلام البتنجان احمره تحت الشوايه في الفرن والصلصه يا دوبك معلقه صغيره زيت
وجبات العشا
بيض مسلوق مع جبنه قريش وعيش برده وبسس
ويو م تاني طبق سلطه محترم (( خيار طماطم بقدونس بنجر دره فاصوليا حمرا او حمص مسلوق نعناع جزر مبشور لمون ملح كمون )) طبعا ناكله وننام فورا عشان مش نجوع بسرعه
يوم تاني زبادي منزوع الديم مع جبنه قريش
ولو جعان يبقي طبق فول صغير بزيت الزتون وعيش برده
السناك لوز مع مايه كتير او فاكهه
والحمد لله الوزن نزل بطريق ملحوظه

السلام عليكم و رحمه الله وبركاته لعى كل الحلوات الحاضرات و الغائبات

اولا ........... ام يوسف حمد الله على السلامة يا قمر و ان شاء الله عمرة مقبوله يارب و بجد تعبتى قلبى و انتى بتوصفى فى الكعبة انا عمرى ما رحت بس بجد نفسى اروح اوى و ان شاء الله ربنا يكتبهالى و ساعات لما بقعد اتفرج على اى صلاة فى اقرا من الكعبة ببقى متحصرة انى مش هناك معاهم و ساعات دمعى تسبقنى
و عارفة يا قمره انك دعتيلى ههههههههههه ة ربنا يتقبل منك و منا صالح الأعمال
و مبسوطة كمان عشان شفتى ماما ربنا ما يحمكيش منها ابدا

هدهود............. عاملة ايه يا جميل اخبارك ايه يارب فى احسن حال و اخبار بابا ايه طمنينا طيب و فضفضى و ان شاء الله خير

فيميل ................ هاه يا جميل عامتلى ايه قلتى لأهلك و لا لسة و ان شاء الله تكون الأمور احسن

رواء ............ عاملة ايه و اخبار احمد و عمرو تمام و ان شاء الله ربنا يتولك زيارة بيته الحرام عاجل غير أجل يارب

رانيا ........... حمد الله على سلامة عموره يارب دلوقتى احسن و ما تشوفى فيه اى مكروه يارب

مى ............. مبروك نضافة الحمام بس عارة الهربك ده بحس رحتة مش حلوة مش بتعجبنى اوى بس ان شاء الله اجربة و يطلع حلو و اخبار تورتة الأناناس ايه عمليتها و لا لسة

ام عبد الله ........... عاملة ايه يا جميل وحشانى بجد و فى اقرب فرصة هاسمع صوتك الجميل تانى بامر الله تعالى

انوج.............. طال الغياب دون اسباب و لا ايه الموضوع ؟؟؟؟؟؟؟؟

نوران .......... عاملة ايه و اخبار الولاد و صحبتك ان شاء الله يكون موضوعها اتحل على خير

ام سوسو ................ ندار عاجل انتى فين وحشتينا محتاجين جرعة حنان مكثفة تعوض غيابك

و بسلم عليكم نفراية نفراية من غير أسماء :39: