طيب بما ان الصفحة بتهوي والناس تقريبا سافروا يصيفوا او عزلوا معرفش
مساء الجمال والحلاوة والدلال
انا مهيسه على الاخر ولا خليني الامود واقول مهيسه اخر حاجة ههههههههههه
بتحصلي حاجات عجيبة اليومين دول
ايدي فيها البركة
امسك الريموت يعمل قفلة ويتحرق
تفتكروا عمركوا سمعتوا عن ريموت يعمل قافلة هههههههههههههههههههه
العربيه لا حياة لمن تنادي معايا ومع جوزي يحط المفتاخ وبرررووووم تدور
اهو كلها اشياء من هذا القابيل
لكن على مين ولا يهمني
ومحدش فكيك يطلع يقولي اني بقيت شرارة
انا زي الفل وجميلة ولا يهمني حاجة هههههههههههههههه

المهم انا قلت ادخل اغلس عليكوا ملقتش حد
فهغلس على نفسي
هقولكوا اخر افتكاساتي المطبخيه
ههههههههه سامعاكوا بتقولوا يييييييييييه مش كنا ارتحنا منها

عيب يا بنات اختكوا برضه ولازم تستحملوها (الي هي انا ههههههههه)
صحيح كل تجاربي مملة ومتعاده بس اديني بتسلى معاكوا
مش عليكوا ولا ايه

المهم عملت كفته بطاطس حلوة اوي
عارفة انها قديمة بس هقول برضه
عصجت اللحمة المفرومة وعلى ما استوت كنت سلقت البطاطس
وبعدين في طبق غويط هرست البطاطس وعليهم شوية لبن علشان تطرى شوية
وحطيت عليهم اللحمة المعصجة وتوابل وقلبتهم على بعض وبعدين كورتهم وفي البيض والبقسماط وقليتهم وعملت معاهم حبيبتي المكرونة
عجبت الولاد قوي وفي السريييييييييع

حد يقولي محطتش اللحمة جوة البطاطس ليه
علشان ولادي باكلوا البطاطس من بره ويسيبوا اللحمة فكدا كانوا مجبرين ياكلوها وطعمها كان تايه مع البطاطس وكان حلو وعجبتهم الكور دي اوي

يلا كفايه عليكوا كده
سلام

انا داخلة اغلس عليكى واخرج على طول عشان اتزنقت فى تاسك :(

البطاطس مرشوشة:44:

السلام عليكم ورحمه الله وبركاته عليكم جميعا
بحبكم جميعا في الله ربنا يسعدكم يارب الان
الشيخ محمود المصري علي قناة المجد قصص
التابعين مشاهدة طيبه للجميع وتقبل الله منكم آمين.

عطر الشموع مرسيه قوى على ترحيبك ويارب يكون معرفة طيبة بينا
memsi شكرا لك حبيبتى وعموما اقدر افيدك على السريع بخصوص ابنك اولا لاحظى بيقول كام كلمة لو اكتر من 5كلمات كويس وكمان لازم تطمنى من الاذن يعنى تكون السمع عنده كويس وبعدين تشوفيه بيعرف يقول ولو جملة صغيرة على بعض
وللمعلومة المفروض بعد 3سنين لو الطفل ما بيتكلم كتير لازم لازم نروح لطبييب اطفال وهو بدوره لو شايف ان فيه حاجة تستدعى بيحولك على دكتور تخاطب ادخلى اللينك ده مهم جداhttp://www.kenanaonline.com/ws/ashrafhakal/blog/84390/page/7
دموع التائبة احذرى اى منوم من اى نوع لان ده فى خطر كبير على الاطفال وبعدين استحملى شوية

السلام عليكم ورحمة الله وبركاته

مي
يوسف ابني كمان عنده سنتين و8 شهور وكل الي بيقوله بابا ماما تيتا بسسسسسسسسسسس
كل ما اقول لحد أني خايفه من الموضوع ده يقولولي عادي عشان قاعد لوحده ومش فيه حضانه ولا أطفال حواليه ولما وديت روما للدكتور استشرته أني اعرضه علي دكتور تخاطب قالي لأ مش دلوقتي مادام قال حروف وبيسمع كويس خلاص بس انا من جوايا خايفه جدا
واللينك الي الحريه حطيته حلو بس انا مش فهمت يعني اروح اعرضه علي الدكتور ولا لأ ؟؟؟؟؟؟؟؟؟؟؟

والف مبروك علي النقل يا حبيبتي وربنا يعينك ويوفقكم للي فيه الخير

كنزي
يارب ييسرلكم الحال ويوفقكم وتنولي كل الي تتمنيه يا حبيبتي

الحريه
ما شاء الله عليكي الروابط كلها احلي من بعض ربنا يكرمك يارب

انووووووووووووج
وحشتيني .......................... ربنا عالم بحالي وبحالك
باقي البنات يارب تكونوا بخير

منمن
انا دعوتي
يارب ادخل الجنه انا وعيلتي كلها ونسدد ما علينا ويهدينا انا وجوزي ويكرمنا في ولادنا ويرزقنا صلاحهم والستر في الدنيا والاخره