السلام عليكم
مي و أم يوسف متخافوش عن تجربتي إبني الكبير فضل لغاية ٣ سنين كلام ضعف جدا و كنت خايفة عليه بس بعد كدة إتكلم ماشاء الله هما فعلا علشان لوحدهم ف الغربة و محدش بتكلم معهم كتير يعني أنا مكنتش بتكلم مع إبني كتير و ده غلطكنت فكرة علشان طفل مش يفهم كلام ربنا يبارك لكم فيهم
أنا في أجازة الحمدالله بس عند إمتحان بكرة و يوم ٢٥ بس فرحانة أوي بالاجازة
كنزى ربنا يصلح لك الحل و ييسر كل أمورك
إنجى ربنا يصلح ما بنك و بين مامتك أنا سمعت مرة إن الشيطان بحاول يدخل الناس ف مشاكل قبل رمضان علشان طول رمضان ييتليخمو و يضيع عليهم
يعني أنا الصبح لسة تخنقني أنا و جوزي في صمت يعني محدش له نفس يكلم التاني و نظام يأكل لواحده بأداء شفت و إحنا على أبواب رمضان

الحرية

هو بيسمع وبيفهم لما اقوله حاجة لكن يجي يرد ما يعرفش يقول اى كلام ملخبط وانا افهم مع نفسي واوقات يكون عايز حاجة يشدنى ويشاور على اللى عايزه وانا استهبل واقوله مش هاقوم قول انا عايز كذا يقولى كذا لا ههههههههه

يعني بحس انه مكسل يتكلم ولما بيحاول مش بيعرف
وقصدك بيقول اكتر من 5 كلمات مع بعض ولا عموما يعني؟؟ هو ممكن يقول مثلا ماما عايز عصير
كدة مع بعض لكن مش بيعبر عن نفسه فرحان زعلان جعان ممكن لما اساله على حاجة ايه دى يقول وممكن يبقى عارف وقالها قبل كدة وما يرضاش يقول

ام يوسف

انا ابنى سنتين و 10 شهور واكيد طبعا قعدتهم هنا لوحدهم مأثرة شوية وانا كنت عايزة ادخله حضانة عشان كدة لكن باباه للاسف مش راضي دلوقتى بيقول صغير:09: مع انى بشوف اصغر منه ما شاء الله بيتكلموا كويس وانجليزي كمان

فيميل

طيب طمنتيني شوية الحمدلله ربنا يسهل ويتكلم ويعلم اخته الكلام كمان هههههههه

اخبارك ايه ؟؟

فعلا مرة واحدة كانت بتحفظنا قران قالت ان الشيطان بينشط اوى في شعبان عشان يلهي الناس وعشان بيكون محبوس في رمضان


منى

الدعاء نفسه بتاعك و عليه الدعاء بالهداية والتقوى والصلاح لزوجى واولادى

السلام عليكم

ازيكم يابنوتات جميعا

ام البنات:اتمنى اكون صابره لكن بحاول اصبر نفسي كل ماانسى لان الواحد ممكن وسط الضغوط ينهار والشيطان يدخله ويخليه ييأس والعياذ بالله...ربنا يجعل كل اللي بتمرو بيه في ميزان حسناتكم ويخفف عن والدك ويكون ده تكفير عن كل الذنوب ويوم القيامة باذن الله لمايرى النعيم اللي منتظره ينسى اي مشقة وتعب..وشكرا حبيبتي على ردك على سؤال التفريز

ام عبدالله:ماشاء الله عليكي عجبتني جدا طريقة وضع التوم في علب التلج فكره حلوة جدا وتدل على شطارتك ماشاء الله...والقصة اللي كتبتيها راااااااااائعه وخلتني افكر مع نفسي شويه لاني بحس كتير باحساس الولد لاني بسبب انشغالي الجسدي والذهني للاسف معدتش بشعر بالايمانيات الحلوة اللي الواحد كان بيحسها زمان والشيطان بيثبط الواحد وممكن فعلا يوصله انه ميقرأش قرآن...القصة فيها عبره جميلة ماشاء الله جزاكي الله خيرا

روشانا ياقمر تسلمي على اللينكات..مش عارفه ليه عندي فضول اعرف اسامي بناتك..غلسه صح؟؟

الحرية:ماشاء الله عليكي شكلك شطورة خالص نفسي يكون ليا خبره في تربية الاطفال لان الواحد للاسف ضايع خالص في الموضوع ده

ريهام:مبارك التغيير واحساسك ده طبيعي اولا لانك بتحاولي تتغيري بعيد عن زوجك ومهما كانت المشاكل والخناقات لازم نعترف ان الواحد وهو رايق مع الزوج النفسية بتفرق لكن ان شاء الله التغيير منك هيغيره هو كمان يعني بردوا يكون ده هدفك انك تغيري زوجك وان شاء الله ساعتها هتحسي بالراحة وبالسعاده

منمن :ضحتيني على الفار بتاعك..ههههههه من حكايتك نفسي اشوف القمر ده معدتيش بتحطي صور ليها ليه؟

انوج:معلش هي الامور ساعات كده تلاقيها كلها ملخبطه مع بعض وطبعا الواحد بيبقى عايز يسيب كلللللللل حاجه ويروح في اي حته لوحده بس باذن الله تتظبط تاني وطبيعي ان اي حاجه جديده بيبقى الواحد قلقان منها ...انا بردوا اسماء بنتي لسه هتدخل المدرسة السنة دي وحاسه اني مش عارفه المفروض اعمل ايه...تاخد معاها ايه...اتابعها ازاي...بس اكيد لمانبدا في المعمعه هنعرف

نرمو ربنا يثبتك كلامك جميل ماشاء الله


ام يوسف ومي وفيميل وكل البنات اتمنى اتكلم معاكم اكتر لاني فعلا نفسي اتغير في حاجات كتير اوي وان شاء الله اتغير لاني حاسه اني لمابشوف كلامكم بتشجع في كل حاجه

يومياتي واللي هي بالنسبالي انجاز لاني اول مرة في حياتي افرزن....فرزنت حاجات بسيطة بس تسهل الطبيخ بصل وتوم مفرومين وعملت كمية من صلصلة الطماطم وبامية وقمعتها للتفريز وطبعا طبخت وروقت الترويق العادي كنس وتغيير ملايات ومواعين وشلت الستاير للغسيل بس العميق بقه مبعرفش لوحدي علشان البنات مستحيل يخلوني اعمل حاجه فبستعين بواحده بتيجي تساعدني وان شاء الله الحق اخلص كل حاجه قبل رمضان

memsi ,والله ما اقصد أزعجك بس بالعكس بس ان عاوزة اقول نصيحة مهمة لكل ام ما تعتمدش على الخبرات بتاعة اى ام تانية لان فى النهاية فى حاجة اسمها فروق فردية حتى بين الاخوات وبيبقى بين التواءم كمان عشان كدة الطبيب مهم قوى فى الحالة دى
ولازم يكون فيه دكتور يبقى عاملة عنده ملف لاولادك ولمتابعة نموهم حتى لو كل كام شهر انا والله كنت عاملة كدة مع اولادى ووالدتى الله يمسيها بالخير تقولى حرام الفلوس اللى بترميها عند الدكتور على الفاضى والمليان
بس كنت بطنش الكلام حتى لو اروح للدكتور المختص وادفع دم قلبى والحمدلله اطمن ويهدا بالى واحس انى ماشية فى السكة الصح بعون الله
انا قلت اللى عندى بأمانة شديدة ومعلش ادخلى اللينك اللى جاى فى نفس مشكلتك ارجوك حاولى تقرأيه
http://www.lakii.com.sa/vb/showthread.php?t=538811&page=2
اللهم بلغت اللهم فاشهد