يااااااااااااااااااااااااااااااااااااااااااه
صعب اوي الحمد لله
بجد يا ام سوسو زي ما البنات قالوا قطعتي قلبي
لا حول ولا قوة الا بالله
قدر الله و ماشاء فعل
ربنا يحميكوا يحفظكوا
و يحمي العراق و يهيأ لكوا حياة امنه مطمئنه باذنه تعالى

السلام هليكم و رحمه الله وبركاته على كل حبايبى الحلوين

و كل عام و انتم فى صحة و طاعة و إلى الله أقرب

و جعلنا الله جميعا من عتقائة فى الشهر الكريم

طبعا مش هاقدر اسلم عليكم كلكم بالأسماء

ام سوسو ............ قدر الله و ماشاء الله و نحسبهم على الله من الشهداء يارب و لله الفضل و الحمد على ما نحن فيه و نعمه كتيره علينا اللهم ادمها و احفظها من الزوال و ربنا يحفظك و كل من تحبى من كل سوء

اللهم يا مالك السموات و الأرض يا حافظ يا أرحم الراحمين
اللهم انا نستودعك اختنا فى الله ام سوسو و بناتها و زوجها و كل اهل بيتها
و نسالك بمعاقد العز من عرشك و منتهى الرحمة من كتابك ان تحفظهم من كل سوء و ترفع عنهم البلاء و تدخلهم فى رحمتك يا على يا قدير

ميرو ............... قدر الله وما شاء فعل ربنا يجعلك من عباد الأحسان لا عباد الأمتحان يارب و يبارك لك فى حياتك و طلعى صدقة شكر لله على السلامة و ان شاء الله نسمع عنك دايما كل خير

و طبعا كنت ناوية تطبيقا لكلام ايمان جزاها الله خيرا انى اعتزل النت على قدر الأمكان فى شهر رمضان و ربنا يقدرنى و ان ربنا جعلنا من اهل الدنيا ارجعلكم بعد اجازة عيد الفطر ان شاء العلى القدير

بس عايزة اقول حاجة بسيطة اوصيكم و نفسى بتوقى الله فى الحياة عامة و فى رمضان خاصة هى فرصتنا بجد و خصوصا المقصرين مع رب العالمين و انا اولهم

احنا اولى الناس برمضان لأنه ان شاء الله يكمل عندنا نواقص كتير طول السنة

على قد ما تقدرى اقرى قرءان فى كل وقت و فى أى مكان لو رايحة الشغل بمواصلات اقرى لو راجعة و تعبانة و عطشانة من الصيام و كمان مش مركزة اقرى و قبل ما تقرى ادعى ربنا انك تاخدى الثواب و تفهمى ما تقرأى و تعملى بيه كمان

بعد افلطار تعبانة و وراكى كوم مواعين و اطباق و بلاوى فى البيت و يادوب هتغسليهم و تروحى تنامى على السرير لغاية السحور لألألألألألألألأ اوعى تعملى كده استعينى بالله و توكلى عليه و ممكن تصلى العشاء و التراويح و بعدين تغسلى الكلام ده

صلاتك و علاقتك برينا اولى من المواعين
مش باقولك اهملى بيتك بس بقولك رتبى اولوياتك " الله ثم الله ثم الله " و بعدين ربنا هيبارك لك فيما ما بعد ذلك

لو عليكى اثقال فى صلاة التراويح فى انك عندى اولاد صغيرين ومش بتعرفى تروحى المسجد يبقى اتوكلى على الله و صلى فى البيت

لو مش بتقدرى تفضلى فى الصلاة مدة طويلة عشان جوزك مش موجود و اولادك صغيرين و بيعملوا بلاوى فى البيت و انتى مش هتعرفى تطلعى من الصلاة يبقى صلى التراويح بقصار السور و بعدين عوضى الباقى من القرءان بالقرءاة العادية حتى ممكن ساعتها تتابعى اولادك اكتر و تعملى اى حاجة فى النص

لو تعبانة من الصلاة و مش قادرة تقفى يبقى خلاص صلى و انتى قاعدة على كرسى ( ديه مش حجة للقادرين ) بتكلم لغير القادرين صحيا او بيتعبوا جدا من الوقفة لكن لو قادرة تعالى على نفسك و اجتهدى لأن الأجر و الثواب مضاعف ان شاء الله

انا بالعربى كده بقولك سهلى على نفسك و يسرى امرك بس متسبيش الحاجة اعمليها بابسط الطرق ليكى المهم تتعمل

عشان تقولى لرب العالمين يارب انا عملت بس على ادى المهم مكنتش متهاونة و مكنتش مفرطة

و طبعا احتسبى اجر افطار صائمين و اطعام مسلمين و انتى بتطبخى و بتعملى حلويات و حسن تبعل لزوجك و ادخال السرور فى قلب مؤمن من انك تعمللهم الأكل اللى بيحبوه و ان الأكل ده اعانة على الطاعة بامر الله

و نامى بس مطوليش السنة طويلة نامى فيها زى ما ناتى عايزة و لكن برده بما لا يضر صحتك يعنى انا واحدة من الناس مش بقدر اسهر و مش انام لأن بيجيلى حالة من التنفس السريع و ضربات القلب الزيادة مع عدم القدرة على عمل اى شىء فطبعا بحاول انام كويس

و طبعا خلى للصدقة نصيب معاكى حتى و لو نص جنية كل يوم

و كمان لو ينفع تفطرى حد صايم غير اهل بيتك يبقى جميل و تصلى رحمك حتى لو بتليفون بسيط فى الأسبوع
ابعتى مع زوجك بكرة فى صلاة الجمعة كيس بلح يديه لأمام المسجد و يقوله ان شاء الله لرمضان عشان اى حد يجى يصلى يبقى يفطر منه فكرة جميل و بامر الله هاعملها و ربنا يتقبل


حاولى دايما تحضرى السحور بنية اتباع السنة عشان الرسول صلى الله عليه و سلم اوصانا بيه و كمان حضرية قبل الفجر بوقت كافى مثلا تكونوا مخلصين سحور الساعة تلاتة او تلاتة و ربع حلو جدا عشان بعدها تستفيدى بوقت الأسحار

بالعربى خليكى مختلفة للأحسن و جاهدى نفس على قد ماتقدرى و ربنا هيعينك و هيعنا على سوء انفسنا ان شاء الله

اخر حاجة احب اختم بيها و ان شاء الله ربنا يذكرنى و اياكم بها هى الأستغفار و الدعاء


استغفرى الوقت اللى مش هتقدرى تقرى فيه قرءان زى اوقات الطبخ و الترويق و كل وقت متاح و كمان قبل الفجر فى وقت الأسحار عشان ربنا يكتبك من المستغفرين بالأسحار و نوعى فى النوايا بتاعت الأستغفار بس خلى نيتك الأساسية التطهر من الذنوب و تنفيذ وصية الرسول صلى الله عليه و سلم فى انه اوصى النساء بكثرة الأستغفار و ان ربنا يديكى الجنة و حطى بقى اى نوايا تانية زى ما تحبى

و الدعاء بقى هو عيد القصيد زى ما بيقولوا املى صفحتك مع ربنا بالدعاء للدنيا و للأخرة ليكى و لزوجك و لأولادك و لأهل بيتك و للأسلام و للمسلمين و للمستضعفين فى الأرض ان شاء حتى تقوليله يارب انا نفسى اكل كذا عادى جدا المهم تدعى افتحى الصلة بينك و بين رب العالمين

اقلبى الموجة بتاعتك على الدعاء مع التضرع و الخشوع و استحضار عظمة رب العالمين و قدرتك عل تحويل حالك بين الكاف و النون " كن فيكون "

الدعاء جميل جدا جدا جدا و هيبقى اجمل و اجمل لما تحسى ان ربنا استجاب دعواتك مهما كانت بسيطة و ان شاء الله يكون فى يوم الفرح الأكبر لما نلقى رب العالمين يوم الحشر و فى الجنة تلاقى ربنا شايلك كل دعوة مش ادهالك فى الدنيا عوضك بيها فى الجنة بما لا عين رأت و لا أذن سمعت و لا خطر على قلب بشر

بجد انبسطت جدا انى كتبت الكلام ده ليكم لأنى استشعرت معاه حاجة جميلة و نعمة من الذى لا يغفل و لا ينام و استحضرت كمان مشاعر جميلة لرمضان ربنا يكتبنا فيه من العتقاء و يرزقنا شهادة فى سبيله وحده

بحكبكم كلكم فى الله

سبحانك اللهم و بحمدك لا إله إلا انت استغفرك و اتوب اليك

ممكن بقى حد يغير مود الصفحة ومودنا كلنا
وحد كمان يبتدي ويقول جهز ايه لرمضان
ولا ممكن نعمل ايه في رمضان
طيب انا بشتغل ووقتي مش كتير
ممكن افكار لاكلات تنفع في الزنقات
ارجوكوا اتوسل اليكوا غيروا مود الصفحة ومودنا كلنا


يا جماعة معلش انا ليا اعتراض بسيط
مش معنى ان رمضان جه ننا نعتزل الناس للعبادة بس
في جزء من العبادة في التواصل واعانه الغير على الخير
لازم عين بعض ونشجع بعض ويمكن كمان نقول يومياتنا في رمضان واكيد كتير كتير هيستفيدوا
ممكن يكون الكلام ما قل ودل
لكن تفتكروا لو دخلت الصفحة في رمضان ولاقيتها مهجورة هكون مبسوطة او اي حد غيري هيتبسط
خلينا مع بعض ايد واحدة في رمضان او في غير رمضان نعين بعض على اي ظروف او اختلافات في يومنا بتعدي علينا سواء كان رمضان او عيد او صيف او شتا
محتجاكم اوي
واكيد غيري كتير محتاجكوا
وانتوا كمان محتاجيني
خلينا مع بعض نشجع ونساعد بعض
اكيد هنلاقي وقت لكده وهنلاقي وقت لاي حاجة تانيه بس نكون عايزين وبارادة وتصميم


يمكن يكون ربنا نجاني امبارح علشان دعوة منكوا
يمكن يكون نصيحة من اي واحدة فينا تعتبرها نصيحة بسيطة لكن هي عند الله عظيمة وممكن تغير مجرى حياه واحدة تانيه
ممكن يكون دعاء اتقال وغيرك ردده او سنه اتبعتيها وقلتلنا عليها ومشي عليها كتير منا تكون جزاءها قيام ليلة
ممكن ولا مش ممكن احنا منعرفش قيمة اللي بنعمله هنا لكن اكيد ربنا عارف
انا بعتبر الملف ده منبر لينا ويمكن يكون احلى حاجة في حياتنا بنعملها
مستنياكوا في رمضان

اللهم انا نسألك بأسمك الاعظم الذي اذا دعيت به اجبت واذا سألت به اعطيت
اللهم انا نسألك بأنك انت الواحد الاحد الفردالصمد الذي لم يلد ولم يولد ولم يكن له كفوا احد
ان تحفظها هي وزوجها واولادها من كل سوء
وان تجعلهم في معيتك وكنفك
وان تنزل عليهم الامن والسكينه والامان
اللهم انا استودعناهم اياك
فأنك ياربي لا تضيع ودائعك
امين يارب العالمين
ويشفى والد هدى يارب ويعطيكم جميعا الصحه والعافيه
ويحفظ اولادنا يارب ويهدى ازواجنا علينا ويهدينا عليهم

يارب

اضحكوا شويه بقى

ميروووووووووووو
هههههههههههههههه فكرتيني بجوزي والعربية القديمه
بصي فجاة كده في خلال شهر العربية بقت تعمل حاجات غريبة جدا
يعني الموتور يقف فجاة و احنا على كوبري او ع السريع
بصي قلبي كان بيقف ولا مرة كنا ع السريع وورانا عربية نقل اللي عامله زي الفيل دي
تررارراراراررررررررااااااااااااااااااااااااااااااااااااااااااااااااااااااااااا
و فجاة العربية تقطع و مش عارفين ده ايه وانا اطلع ايدي لبتاع ا لنقل و مسخرة هههههههه
و جوزي لف بيها ع كل الميكانيكيه بتوع طنطا
و خلاص بجد يا عيني قرف
وف يوم واحد عرف سبب المشكله كانت برضه خرطوم البنزين و الفلتر حاجة كده
وهما بيصلحوها عند الميكانيكي فجاة بيقولله دور الا و العربية تولع ههههههههههههههه
طبعا الناس بتجري وكل حد بيدور على حاجة يطفي بيها جه محمد يطلع الطفاية ما اشتغلتش
ههههههههه بيقوللي جاللي هيستريا ضحك متواصل و الناس تقول اتجنن ده ولا ايه
بس بجد يا عيني من كتر العكوسات قال خلاص تولع بقى ولا تروح ف داهيه انا ح اعمل
و الناس يا عين تجري و تطفي وهو واقف يتفرج
معلش يا بنتي بتحصل ف احسن العائلات