زوجة مصرية :

السلام عليكم ميرو من فضلك لو مش عندك الرقية الشرعية نزليها اهه بصوت الشيخ مشارى راشد ربنا يحفظه ويبارك فيه http://audio.islamweb.net/audio/index.php?page=audioinfo&audioid=125065 وبما انى هاغيب شوية ففيه حاجة هاتكلم فيها والحقيقة انا اخص بها اللى بيتابعونا من برة اكتر من أى حد مشارك معانا فعلا اولا كلنا بنشكركم على اهتمامكم بمتابعتنا بس ليا عتاب بسيط كتير مننا عانت ويمكن بطلت تشارك لأسباب قد يتعجب منها بعضكم وانا كنت اول الرافضين للتفكير بهذا الامر لكن الحقيقة التجارب اثبتت العكس ليه يا اختنا يا اللى بتقرى ....ليييييه ليه بتعتقدى ان حالنا افضل من حالك مين قالك ان كلنا ما عندناش همووووووم كتييرة جت لى أكثر من مرة رسايل من نوع غريب منها مثلا اللى بتقولى انتى شكوتك من حاجات تافهة والهموم عند البشر اكتر بكتير من كده ومنها الاخت الفاضلة اللى اقسمت انها تعرفنى وتعرف همومى الخاصة وعارفة انى عندى مشاكل ف حياتى الزوجية ومنها اللى تمدح مشاركاتى وبتستغرب انى باشتكى احيانا ..مع ان شكوايا عمرها ما كانت هنا..اقصى ما باطلبه بيكون الدعاء..... ليه بتدونا شيطاننا القوة اننا ما نشاركش ونفيد ونيتنا تكون خالصة لله وان اى كلمة اقولها يمكن تفيد غيرى وتكون ف ميزان حسناتى حاجة كانت مضايقانى وحبيت انهيها واقولهاقبل ما امشى من فضلكم يا متابعات ويا قارئات اعينونا على المشاركة اللى ما لهاش اى هدف والله غير فايديتنا كلنا وصلاح حالنا كلنا كزوجات وامهات مسلمات بنحاول نربى جيل مسلم بجد.. ممكن واحدة تكتب عن طريقتها مع اولادها ف اللعب ف المذاكرة ف غيره ده مش معناه انها بقت دكتور سبوك..هى بس واحدة اجتهدت وطبقت وجايبة لك الخلاصة لحد عندك،،،،،،وعمر الاولاد ما بييمشى معاهم طريقة واحدة للتربية ......التجديد والتدوير مستمر ممكن واحدة تانية تكتب عن اسباب السعادة الزوجية وهى ربنا يعلم بحالها وامورها مع زوجها وصلت لأى درجة من السوء هى بس دورت من غلبها ويمكن من يأسها وحبت تفيد غيرها باللى هى بتحاول تطبقه يممكن دعوة غيرها تفيدها وترفع بلاء عنها وواحدة تالتة بتكتب يومياتها ف التنظيف وتوضيب بيتها طلبا للتشجيع يمكن نفسيا تحت الصفر ومحتاجة اللى يقولها برافو ...جو آهيد مفيش حد عنده الحياه ماشية على وتيرة واحدة كلنا عندنا فوق وتحت:44: من فضلكم......لطفا وليس امرا ما تكتفوش ايدينا عن فعل الخير هى سهلة وبسيطة جدا ابتدى وانتى تكونى واحدة من اللى هنا قولى ما شاء الله عشان ربنا يبارك لك ويبارك لنا بس خلاص سبحانك اللهم وبحمد أشهد ان الا اله الا أنت استغفرك وأتوب اليك

السلام عليكم ميرو من فضلك لو مش عندك الرقية الشرعية نزليها اهه بصوت الشيخ مشارى راشد ربنا يحفظه...

تسلم ايديكم :

رواء الاسلام كل عام وانتم بخير و كل المسلمين فى اوربا و اهل المهجر عموما و علينا جميعا يارب يحفظكم فى الغربه و يسلمكم من كل شر رانيا اسينش انا فرحانه اوى انك رجعتى تانى وشكرا على فتح باب المجموعه لينا يارب يسهل امورك و يحقق مرادك ام البنات المصريه انت فى القلب علطول يعلم الله وانا فرحانه ان بابا اطال الله فى عمره لرمضان لانه شهر رحمة و عفو و فيه بركه و خير كتير و نفحاته ان شاء الله تكون شفاء و رحمة عليه لسه واحد قريبى ميت اول شعبان و هو فى قمة صحته قلت سبحان الله مات قبل ايام من رمضان نعمة كبيره اننا نطول رمضان ويمكن اخر رمضان ميرو الحمد لله ربنا سلم ان شاء الله هتتصلح و كله بيعدى ويارب يسلمك انت و الاولاد دايما فى السفر اللى بتسافريه كل يوم فيميل طب انا مبسوطه اوىى انك احسن دلوقتى ومش طمع ولا حاجة وانا اوقات بدخل فى المود ده برضوا بس نصيحه متبعديش كتير خليكى دايما مع الصحبه الطيبه دى بيتغير المزاج كده و تعلى الهمة و عايزه اقولك على حاجة بجد افتكريها مفيش حاجة بتدوم التغيير سنة الحياة ام عبد الله يارب يتقبل منك الطاعه و الصيام و القيام و هتوحشينا جدااااااا جزاكى الله خيرا على مشاركاته الرائعه شيماء ازيك و ازى البنتوته سجى يارب تكونى بخير يا شيماء و يعدلك الحال و تلاقى البنت سجى اتنفخت كده و بقت كلبوظة بس متقلقيش دى ازمة جيل هههههههههههههههههههههه و لادى مركة عود القصب الحمد لله على كل حال لسه واحده شايفه يوسف و هو عنده سنه واربع شهور و بتقولى عنده كام شهر ده هههههههههههههههههههههههههههههههه هيه ابنها اكبر من يوسف بثلاثة شهور فقط بس ما شاء الله لاقوة الا بالله يارب يبارك فى صحته و شوفى كده موضوع الصيام مع الرضاعه ايه و معاكى رخصه لو لاحظتى قلة اللبن ابقى طمنينا عليكى ام يوسف الف مبروك على الشقه يا عسل وتعمريها كده بالطاعه و السعادة و الايمان و بالنسبه للاقساط معلش كأنك داخله جمعيه بس راحه نفسيه الله يعينكم و يرزقكم و تخلصوا الاقساط بدرى قبل المعاد كمان رونى امين امين امين لدعائك الجميل ويارب يعطيكى انت و كل المشتاقات هنا فى السرب وكل اخوتنا جميعا الذرية المعافاة الصالحة و يفرح قلبك بيها يارب استجب بلو روز ازيك يا قمر و كل سنه وانت طيبه و تقومى بالسلامه يارب مادو الحمد لله على سلامتك و يارب نطمن عليكى قريبا يارب يبارك فى اولادك يارب روشانا ههههههههههههههههه ضحكتينى على الحسد ما شاء الله ....لاقوة الا بالله سبحان الله مش بخاف هنا خالص رغم عارفه ناس كتيره بتابع بس بحس بالامان ويارب يصلح حال الناس جميعا و يبارك فى بناتك و فى زواجك و يرزقكم حفظ كتاب الله جميعا

رواء الاسلام كل عام وانتم بخير و كل المسلمين فى اوربا و اهل المهجر عموما و علينا جميعا يارب...