عطر الشموووووع

ازيك يا جميل عجبنى اوى السحور خفيف خفيف

النهاردة بصراحة كان مفيش جوع بس عطش لاننا اضطرينا ننزل نعمل مشوار ومشينا شوية في الشمس

ورجعت عملت سمك في الفرن ورز

و فطرنا الحمدلله ونمنا كلنا في نفس الوقت هههههه السمك عمل تاثير فظييييع المهم صحيت 8 كدة صليت العشا والسنة و اربع ركعات وقريت من المصحف الحمدلله وكانوا خفاف وبعدين ياسمين قاطعتنى قعدت معاها شوية واكلتها وحميتها ونامت وكملت الصلاة والشفع والوتر وغسلت المواعين

طريقة الصلاة بجزء حلوة وسهلة وهى ان الجزء 20 صفحة انا بدات بسنة العشاء وبعدها التراويح كل ركعة صفحتين على ما تخلصي هتلاقي انك خلصتى الجزء بالضبط تقريبا و كانت خفيفة ماحسيتش انى وقفت كتير او تعبت الحمدلله

وحاليا عملت السحور واتسحرنا وهاصلي وانام

وتصبحوا على خير

انجى الوصفة دى حلوة وزودى معاهم 7 تمرات الصبح بتدي طاقة او بعد الفطار يعني

ميوشي
يا حياتي سحور الهنا ان شاء الله

و فعلا الصلاه بالقران احلى كتييييير و فعلا تخلصي الصلاه و تلاقي انك قفلتي الجزء الحمد لله

قبل السحور قمت صليت ركعتين قيام و الوتر

و اتسحرت بيضه مسلوقه وواحده لافاش و زبادي و لبن رايب اساسي

و لااااااااااا للنشويات ولا اي حاجه فيها توابل او ملح

عشان بجد لما الواحد بيكون خفيف الصيام بيبقى اسهل جدااااااا

قوليلي ايه اخبار النقل و العزال ؟؟ربنا معاكي ان شاء الله و يقويكي


يااااااااا يا قمرات تصبحوا على خيييييير هصلي الفجر و انااااااااااااااااااام

السلام عليكم يا بنات

وحشتوني جدا جدا كل سنة وانتو طيبين والى الله اقرب

معلش اختكم كانت مزنوئى زنئه الحلوين في الشغل مش هقول حاجة تانية بس الحمد لله الدنيا ابتدت تهدى شوية

يلا عايزين شوية يويميات دينية للتشجيع

انوج ازيك يا سكر زعلانة منك مش تسألي على مغامراتي الشوارعية

عموما المدرسة اتأجلت كام يوم وصلك الجواب ولا لسه

كل البنات بوسة كبيرة اوي جدا ليكم

يلا فاصل ونواصل

السلام عليكم جميعا

الحمد لله اليومين اللى فاتوا صليت التراويح بجزء قرءان واول امبارح كان فى الجامع بس اشك انها تتكرر عشان الاطفال الحلويين المؤدبين

السحور الافتكاسة اللبنة اللى قولت عليها جبنة تلاجة ملح خفيف وزبادى بلدى يتهرسوا فى بعض وعلى الوش زيت زيتون وحبة بركة طعمها تحفة حبيتها جدا وخاصة ان فيها زيادى لانى من البنات الحلويين اللى لا بيشربوا لبن ولا بياكلوا زبادى ولا بيض الا نادرا

امبارح الفطار كان عند ماما حمام ومحشي كرنب وطبعا استمتعت جدا جدا بالاكل مع حبايبى الحلويين ماما اشرب ماما فصصى دى ماما اكلينى ماما يمنى زقتنى ماما يمنى وقعت العصير على السجادة ماما بيبيى :) فضايح العيال دى


اللهم آت نفسي تقواها , وزكّها أنت خير من زكّاها , أنت وليّهاومولاها

السلام عليكم يابنات

ماما سفرت بالسلامة يوم الخميس الي فات طبعا ملحقتش اعمل اي حاجة خاصة برمضان

رغم انها عرضت عليا انها تساعدني بالتفريز او التجهيزات لاكن بس مكنش في وقت فيوم الجمعه عملت حملة نضافة علي

البيت كلة فطبعا هلكت جدا وشكل الانيميا اليومين دول زايدة جدا لئني باستمرار عندي صداع وبحس اوقات بدوخة

والحمد لله امبارح خلص علي خير وكان يوم خفيف في الصيام

ام سوسو

انت فين طمنينا عليكي يارب تكوني في افضل حال

مي

ربنا ييسرلك النقل ان شاء الله

عطر

حلوة الوصفة بتاعتك دي ياجميل اذا ربنا اراد اجربها ان شاء الله والف سلامة عليكي من الحساسية