دى طريقة الالا زنيا


المقادير:
1- الباشميل:
معلقتين كبار سمنة
نص كوب دقيق
3-2 بيض حسب الحجم
كيلو لبن وزيادة شوية
فلفل- ملح

2- العصاج:
بصلتين وسط
نص كيلو لحمة مفرومة احمر
صلصة(معجون طماطم)
مكعب مرقة فراخ
سمنة للتحمير
فلفل-ملح

3- خلطة الجبنة:
نص علبة جبنة ريكوتا
كوب جبنة موزاريلا
كوب جبنة بارميزان مبشورة
بيضة
رشة ريحان مجفف

4- لازانيا:
انا افضل المستوردة لها طلع احلى وكمانمش بتلزق مع بعضها
وفي منها اللي لونها اخضر معمولة من السبانخ جميلة برضه
العلبة على قد الصينيه بتاعتي تعملها مرتين


الطريقة:

1-الباشميل:
نسخن السمنة ونحط عليهم الدقيق ونحمره لحد ما يصفر شوية
نحط اللبن عليهم ونفضل نقلب مش نسيبه الا لما يدوب الدقيق في اللبن ويبقى تقيل بس يكون اخف شوية من باشميل المكرونة بالفرن بعدها تضيفي البيض وتضربيه بالمضرب عشان الباشميل سخن والبيض ممكن يستوي
بعدها تحطي الملح والفلفل وتسيبيه...

2-العصاج:
نفرم البصل ونحطه على السمنة لحد مايبقى ذهبي بعدين نضيف له اللحمة ونقلبهم ولما نحس ان اللحمة استوت نضيف نصف برطمان الصلصة ومكعب الماجي وكوب ماء او كوب وربع ونخليهم يتسبكوا شوية..
ونحط ملح خفيف عشان المكعب مالح وفلفل
أختياري
ممكن نضيف جزر مبشور مع خلطة العصاج ويستوي معاها

3- الجبنة:
نخلط الأنواع مع بعض ومع البيض والريحان

دلوقتي احنا حضرنا كل حاجة
نجيب صينية كبيرة ونحط فيها مية وملح وشوية زيت ولما تغلي نحط قطع اللآزانيا تقريبا اربعة او 3 مش كلهم مع بعض عشان مش يلزقوا مع بعض....
في الوقت دا نحضر صينيتنا اللي هنعمل فيها
1-ندهن الصينية في قعرها شوية باشاميل
2-نحط اول طبقة من اللآزانيا بعدين طبقة من العصاج ونرش من خلطة الجبنة على العصاج بعدين طبقة باشميل وماتقلقوش انهم يدخلوا في بعض عادي..
3- نضع طبقة تانية من اللآزانيا ونعيد نفس الخلطة.
4-نضع طبقة اخرى من اللآزانيا ودي اخر طبقة بعدين نغطيها بالباشميل فقط ونرش جبنة موزاريلا وبارميزان.

ملحوظات:
1-الطريقة دي تنفع من غير جبنة الريكوتا والريحان لو مش متواجدين,,,
بس انا دقتها في مطعم ايطالي كانوا فيها عجبتني جدا وبقت في وصفتي دايما...

2-ممكن تزودي الطبقات بنفس الطريقة حسب عمق الصينية بس الحقيقة هي كده كفاية عشان تعرفوا تاكلوها ومش تكون تقيلة..بس اهم حاجة ان اللآزانيا تكون اخر طبقة

3-ممكن تحسوا ان الطريقة صعبة بس حقيقي هي سهلة لو جمعتي كل الأحتياجات وبجد محدش داقها عندي الا لما نسفوهاااااااااااا

السلام عليكم ورحمه الله وبركاته
اَللّهُمَّ ارْزُقني فيهِ الذِّهنَ وَالتَّنْبيهِ ، وَباعِدْني فيهِ مِنَ السَّفاهَةِ وَالتَّمْويهِ ، وَ اجْعَل لي نَصيباً مِن كُلِّ خَيْرٍ تُنْزِلُ فيهِ ، بِجودِكَ يا اَجوَدَ الأجْوَدينَ

السلام عليكم دوللي بحبك في الله
جزاكي الله خيرا تعبتك معايا ربنا
يكرمك يارب وكل رمضان وانتي
بخير والاسرة جميعا بارك الله فيكي.

اَللّهُمَّ ارْزُقني فيهِ الذِّهنَ وَالتَّنْبيهِ ، وَباعِدْني فيهِ مِنَ السَّفاهَةِ وَالتَّمْويهِ ، وَ اجْعَل لي نَصيباً مِن كُلِّ خَيْرٍ تُنْزِلُ فيهِ ، بِجودِكَ يا اَجوَدَ الأجْوَدينَ

اخباركم يا حلوين إن شاء الله بخير..
مبارك عليكم شهر رمضان المبارك جعلنا وأياكم بخير وعافية وسرور وقرب من الله.
يومياتي مش عارفة ملخبطة وحاسة نفسي مش انا.. مافيش نشاط في اية حاجة واستغفر الله ، كل حاجة اعملها بالعافية..
انظف البيت على السريع واعمل اكل عادي وحاسة اعصابي تعبانة اوي ومش حاسة كتير برمضان.
يمكن عشان الظروف العامة وخاصة لما قلت لكم في واحد من معارفنا فقد في التفجيرات الأخيرة وهو لسة من المفقودين ومالوش اي أثر وربنا وحده العالم بحال مراته واولادته واخواته. كل يوم يمر عليهم مثل السنة ومش عارفة انا حاسة نفسي عايشة معاهم كل يوم وعايشة اللحظات كلها..

ويارب يعرفوا عنه اي حاجة ويطمن قلبهم.
ثاني حاجة بناتي سما ومينا تعبانين سخونة وزكام وطول الليل امبارح كنت باعمل كمادات لمينا واديتها لبوس والحمد لله اليوم افضل كتير.وطول النهار عاوزة ترضع مني وده صعب اوي مع الصيام وهي بقىى لها فترة زنانة اوي عشان بتطلع الاضراس.الحمد لله على كل حال.
ثالث حاجة خلتني اكون مش في المود واثرت اوي اوي على نفسيتي ، في اول يوم رمضان كان عندنا امتحان سورة البقرة كاملة وقبل ما نمشي بنية صافية قلت للمعلمة واللي معاي من البنات انه في برنامج على الرسالة لعمرو خالد ساعة 11 بالليل وياريتني ما تكلمت..
المعلمة قالت لي انتبهي من عمرو خالد لان عنده اخطاااااااااااء كتيرة وهي مش بتحب اسلوبه لا هو ولا مصطفى حسني ولا حبيب علي الجفري وطارق سويدان . المهم حاولت اقنعها ما قدرت وبعدها كلمت واحدة من البنات قلت لها ممكن تشرحيلي اي السبب في كلامكم قالت لي انت ما سمعت راي فلان وفلان فيه ، روحي على اليو تيوب وشوفي بنفسك وعمرو خالد لازم ما تسمعيش منه لان كله اغلاط..
بصراحة انا اتغاطيت اوي اوي وقلت لها والناس الكثيرة التي اهتددت على ايده كله ده مالوش اي اثر قالت طبعا كل ده هو مش مهم لان اصلا بيهديهم بطرق خاطئة.
والله حسيت ببركان يغلي بصدري واتصلت بابن عمي وهو دكتور في الشريعة وماشاء الله عليه احسبه عنده الله من الاتقياء قلت له ايه رايك في عمرو خالد قالت ما شاء الله عليه داعية مبدع قلت له انا سمعت كدا وكدة قال بصي احنا لازم نوزن الامور بعقلنا وما نركزش على السلبيات بس وهو صحيح عنده اخطاء يمكن مرات زلال لسان او هفوات او غير متقن للغة العربية بس في الجانب الأخر مبدع واهتدت على ايده الكثير من الناس.
قال لي ابقي اسمعي له وما تسمعيش للكلام ده. المهم انا صار عندي فضول ودخلت على اليوتيوب وياريتي ما دخلت سمعت علماء كبار اوي متكلمين بقسوة شديدة على عمرو خالد ..
زعلت اوي ، طب ليه علماء فضلاء زيهم يتكلموا بالقسوة دي وعلى الهواء وامام الملايين من الناس، مش كان الاولى يبعثوا له ويفهموه الحاجات دي.
حسبي الله ونعم الوكيل ويارب ربنا يظهر الحق.
والله بقى لي يومين وانا اسمع لبرنامجه قصص القران ما شاء الله اسلوبه في غاية الروعة.
وللاسف علماءنا يكون مستواهم كدة ويهينوا عمرو خالد امام الناس..
والله يا جماعة ديننا دين يسر ودين وسطية بلاش نعقد الدين والله دين دين حلو كتير.
اسفة كتير نكدت عليكم بس كنت مخنوقة اوي ولازم افضض.
الحمد لله صليت تراويح في البيت طبعا واقرا كل ركعة صفحة من سورة البقرة وده برنامج المعلمة اعططنا اياه عشان التثبيت.
واقرا قران بس حاسة نفسي متأخرة ولسة في نص الرابع.ويارب يقدرنا ويثبتنا.
عملت امبارح نوع معكرونة حلوة اوي.
قطعت صدر دجاج بدون عظم وقليتهم في الزيت شوية وعلى جهة حمرت حلقات بصل وفاصوليا مسلوقة وفطر وجزر مسلوق وحطيت فوق الخضار الدجاج والثوم المطحون الباودر وفلفل اسود ومكعبين ماجي وماي لحد ما استوى الدجاج، بعدها على جهة عملت صلصة بشاميل (زبد وطحين وحليب وشوية كريمة طبخ) وضفتها للكل وعلى جهة عملت مكرونة وبعدها خلطتها كلهم وكان طعمها تحفة وفيها عناصر غذائية كتيرة.
وكل يوم لازم شوربة عدس وتمر (انزع عنه النوى وهو فيه سمسم ويانسون ) مع شوية زيت واقليهم وبناكلهم مع اللبن الزبادي.
اول يوم عملت حلو كاسترد وامبارح عملت مهلبية الشوفان وكان تحفة والحمد لله.
اتمنى تدعوا لي يهدي ربنا بناتي ويصلحهم ويصلح احوالنا اجمعين .
بحبكم في الله.

تم شوشو ربنا يهدي بناتك يا رب
برنامج عمرو خالد فعلا رائع و انا مستمتعة بيه جدا بس انا باشوفه على ابو ظبي لاني للاسف مش عندي الرسالة
و الناس اللي بتشتم سيبك منها ربنا يهديها