]
شوفو فكرتي لليوم
سرير اطفال من اعواد الشوي فكره حلوة وبسيطه وما تكلف شيء
بس اهم شيء الترتيب فيها علشان يطلع عملج حلو ونظيف
براويكم نتيجه العمل حتى اشوقكم اكثر وتتابعون معاي الخطوات
ها شريكم بذمتكم مب فكرة خطيرة <<< وايد شايفه نفسها خخخخخخ
والحين مع خطوات العمل/
نحتاج الى :
غراء
اعواد شوي صغيرة وكبيرة الحجم
مقص
وصبر منكم
والخطوات
اول خطوة هي شلون نكسر عود الشوي ويصير مرتب انا براويكم الحين
بالمقص نقص عود الشوي في المكان المرغوب وطبعاً هو ما بينقص
بس بيتحدد مكانه مثل اللي في الصورة وبعدها كسري في يديج وبيطلع لج مرتب
3- خطوة اكسري رأس العود الكبير المدبب بنفس الطريقه
4- اكسري كم عود وبنفس القياس و خليهم يكونون من الاعواد الكبيرة
5- واكسري رأس العود المدبب الكبير وخليهم عودين
6- بعدها رتبي الاعواد مثل اللي في الصورة عودين كبار على جنب والاعواد الصغيرة
مرتبه فوقهم بهذا الشكل
7- وبعدها الصقيهم بالغراء (( غراء الخشب )) واتركيهم الى ان ينشف اتركيهم يوم واحد
تااااااااااايعوني
8- وبعد ان يجف الغراء ويصبح قوي اكسري رأسين مدببين من الاعواد الكبار وضعيهم فوق الاعواد الاولى بهذه الطريقه واربيطهم بشيء حتى يثبتو مكانهم
9-اكسري كم عود من الاعواد الصغار انا سويت الواحد 2 ونص قطيته لان مو متساوي معاهم واكسري رأس عود مدبب كبير ورتبيهم بهذا الشكل والصقيهم بالغراء
10-ثم الصقي اللي سويناه في الخطوة 9 على الاساس بهذه الطريقه
واعملي واحد ثاني بنفس الطريقه والصقيه في الجهه الثانيه
11- ثم اكسري 4 اعواد من الاعواد الكبار وو7 من الصغار وهذا شيء يرجعلج بالعدد
12- والصقيهم بهذا الشكل واعملي واحد ثاني بنفس الطريقه
13- وخلصنا من اساس السرير وهذا شكله الاساسي
الحين بنعمل الاشياء المكمله للسرير مثل الفراش والمخده وغيره
14- نقص قطعتين من القماش بنفس حجم السرير من الداخل
15- ثم نخيطه من الجوانب عدى واحده منها حتى ندخل القطن ومن ثم نخيط الجهه
16- نقص من نفس القماش قطعه مستطيله طويله