سر البخاري حق الأفراح عندي (اول مشاركه)

أطباق رئيسية

يابنات حواء ياطبخات
أنا أنسانه ماأحب الطبخ بل أكره حاجة عندي
بس للأسف مجبره أني أطبخ عشان أكل:09:
اول مرة أشارك لأن
مشكلتي ماحد يقدر يسألني لا على مقادير ولا على طريقه
لأني بالعين يجيني الألهام لما أشتهي وبعد كذا أنسى والحمدلله

بس ردا للجميل لكم اخذت منكم طرق حلى كثير لأني ماأحب الحلى وأسويه عشان زوجي بس

راح أكتب لكم تقريبا سر البخاري
كنت اراقب زوج خالتي الله يرحمه وأنا صغيرة لما يعمل لنا ذبيحه العيد بخاري
حفظت الطريقة زي اسمي بس المكونات مو المقادير
مؤخرا زوجة أخويا اعطتني سر البخاري من وحدة بخاريه
وركبتها في راسي وعملته أمس لأخويا وأصحابه
والنتيجة جا أخويا اليوم وقبل رأسي ويدي وقالي
يأختي قليل في البخاري كلمة طعم كأنوا البخاري حق الأفراح وصار يقسم بالله أنه ماقيد أكل زيوه غير في الأفراح


سر البخاري؟؟؟؟؟؟؟يكمن في كثرة الزيت

المكونات:
رز
جزر مقطع طولي مو مبشور
زبيب
طماطم مقطع زي السلطه مربعات صغيرة
بصل مقطع صغير
صلصه
لحم
زيت كثير يمكن كاسه او اكثر لازم تغطي قعر القدر باصباعين زيت
بهارات مشكله تنحط في العلبه الخاصه
فلفل حار مقطع ناعم (اختياري)

الطريقه:
اول شي حطيت الزيت وخليتوا يحمى
بعدين حطيت اللحم طبعا اللحم راح يصير مقلي
غطي القدر وخليه 5 دقايق
وبعدين اقلبي اللحم وخليه 5 دقايق
واستمري لين يروح الدم واللحمه تتحمر
اضيفي البصل والفلفل الحار الى ان يصفر البصل
اضيفي الطماطم اتركيها الى ان تذبل
اضيفي الصلصه+علبه البهارات المشكله+ماء يغطي اللحمه او اقل
اتركيه ربع ساعه
ثم الجزر+الزبيب
(انا يابنات طبخت في قدر الضغط بعد الربع ساعه قفلت الغطاء وفي نص ساعه استوى اللحم)
اللي تعملوا في قدر كبير الله يعينها راح تستنى لين تستوي اللحمه
اضيفي بعد كذا الملح والرز وطبعا المرقه فوق الرز باصباعين او على حسب الرز اللي عندك

وبالعافيه:26:
جربوها بالضبط ماراح تندموا صدقوني
وبليييييييييييييييييييز
ادعوا لزوج خالتي بالرحمه مو شرط تكتبوها لو بس تقولوها

وأي سؤال أنا حاضرة إن شاء الله
157
19K

يلزم عليك تسجيل الدخول أولًا لكتابة تعليق.

تسجيل دخول

ريتاج14
ريتاج14
الله يعطيك العافيه
ام علاء
ام علاء
وينقل من اطباق عالم حواء للساخنه
سمر الحسينى
سمر الحسينى
الف شكرررررررررررررر

وان شاء الله حجرب البخارى وارد عليكى وشكلة كدة جميل جدااااااااا

تسلم ايدك مقدما
احلا ورده
احلا ورده
تسلم ايدك
جوانا**
جوانا**
الله يعطيك العافيه