سر الحريم السنعات ،،، اذا تعتبرين نفسك سنعه أدخلي

انا ولله الحمد احب النظافه والتنظيم واحب السنع ،،،، حتى بعد زواجي بكم يوم زوجي قالي انتي تحبين الترتيب والتنظيم بشكل فظيع ( زوجي يعمل بمجال الصحه ونظيف ومرتب لابعد الحدود)

بسسسسسسسسسسسسسسسسسسسسسسس فيه مشكله اني أتعب بسرعه ،، وأجلس اشتغل ساعات وساعات بالبيت وبالاخير أشوف نفسي ما صلحت الا حاجه او حاجيتين :44:

على قولة المثل العربي



لا أرضا قطع ولا ظهرا أبقى



حتى مره قالي :arb: انا ملاحظ عليك حاجه انك تدبسين ( تشتغلين ) طول الوقت وبالاخير شغلك قليل :(

مع العلم اني ماني كسوله ولا أنا بطيئه بالعكس حتى مشيتي سريعه وانا أشتغل

يعني أشوف قريباتي اذا صرت عندهم بالبيت يسوون أشياء واشغال كثيره بوقت قصييير ومن غير تعب ـ ماشالله تبارك الله عسى ربي يزيدهم

والله يابنات ماني جاهله بأمور النظافه والشغل ــ الحمدلله من يوم كنت بثالث ابتدائي وأمي كارفتني كرف انا وخواتي

ولي اربع سنوات أحفر بقسم التجارب والحلول والتنظيم واستفدت اشياء كثيييييييييييييره في حياتي وطبقتها في بيت اهلي وبيتي ،،،ومن قبل انا عندي افكاري في التنظيم والترتيب

وانا انسانه أمووووووت في الفرزنه ،،، يعني تحصلي الفريزر مليان من كل شي مسويته من قبل
حتى المرق احيانا يكون مجمد بأكياس خاصه اذا كنت مسويه مرق لحم كثير
ومصلحه جدول لتنظيف وترتيب البيت ،،، يعني ماعندي خربطه بشي



المشكله الحين ليش اقضي وقت طويل بالشغل وبالاخير الانتاج قليل

ليش اتعب بسرعه مع أني ولله الحمد والمنه ماعندي أي مشاكل صحيه



ودي اذا صار فيه عزيمه او ضيوف أصير هابت ريح على قولتهم ،،،، والله اني اعرف حريم يطبون عليهم ضيوف فجأه من غير ميعاد ،،، ويضيفونهم أحس الحلويات ووالعشاء يكون رسمي ،،، رز ولحم وسلطات وعصائر ،،، وكله من شغل البيت ومافيه أي شي من برا ،،، لاني غالبا أحضر مثل هالحالات الطارئه وأشوف كل شي يصلح قدامي ولا فيه شي من برا البيت :angry:


وعلى فكره انا ناقشت الموضوع هذا مع بنات وحريم كثااار وطلع فيه نسبه نفس حالتي ،،، يكرفون وبالاخير الانتاج قليل



الحريم السنعات وش سرررررررررررررر سنعهم وسرعتهم في الانجاز؟؟؟؟؟؟؟؟؟؟





انتظر ردكم