سر لذة معجناتي ... (العجينة القطنية)

مرحبا

للي يحبوا المعجنات طرية ومنفوشة زي القطن يجربوا هذي العجينة وللعلم انا ماخذتها زمااااان من هذا المنتدى المتميز
ومن اول مااخذتها اعتمدتها في كل معجناتي سواء فطاير بيتزا مناقيش خلية نحل ايش ماتبغي
وحتى لو سويتيها وشكلتيها من غير حشوة بعد بتطلع حلوة ولذيذة

انا سميتها العجينة القطنية
وصدقوني اسم على مسمى :icon18:

نجي للمقادير

3 اكواب دقيق
كوب وربع مويا دافيء
3 ملاعق كبار حليب
2 ملعقتين كبار سكر
1 ملعقة كبيرة خميرة فورية
1 ملعقة صغيرة بيكنج باودر
كاسة زيت
ذرة ملح


الطريقة

حطي بالخلاط كل المكونات ماعدا الدقيق وشغلي الخلاط عليها لمدة دقيقة كاملة لحد ماتتجانس مع بعض بعدين صبيها على الدقيق واعجني لحد ماتتماسك وتصير العجينة كتلة واحدة وانتي راح تحسي بليونتها والمعلومة المعروفة للكل ان كل مازودتي عجن صارت العجينة اطرى واحسن
بعدين غطيها بنايلون ومنشفة واتركيها تخمر ساعة
واخيرا شكليها واحشيها بالي تبغي

وصحة وهناء على قلوبكم ياطيبات