السلام عليكم
انا من كنت طفلة سمينة و لي كرش كبيير و منفوخ و البنات اللي في المدرسة ينادوني يادب ياحامل يا ام كرش و كنت ابكي و اتعقد من سمنتي لكن ما الومهم لان كرشي كان كبير بشكل يلفت النظر و انا قصيرة يعني سمينة و قصيرة و عضمي عريض شوي فاكتملت الاشياء مع بعض و من صار عمري 13 سنة صرت اسوي رجيمات لان كنت في فترة مراهقة و تعرفون البنات المراهقات في المدرسة ما يخلون احد في حاله لااازم يجرحون لدرجة ان ما كان عندي صديقات بسبب جسمي صح ماكان وزني كبير لكن قصيرة و لي كرش الرجيمات اللي سويتها في مرحلة المراهقة كانت خطيرة جدا كنت اكل يوم فقط خيارة و اليوم الثاني فقط فاكهة و يوم اعتمد فقط على الماء لكن بعد اسبوع اغمى علي و صارت حالتي خطرة و اهلي ضربوني و لهذا السبب صرت من القهر اكل و اكل و نسيت شي اسمه رجيم و بعدها تخرجت من الثانوي و دخلت الجامعة و صرت اشوف اجسام البنات رووعة رشاقة و صرت اقارن نفسي فيهم كان وزني 80 و طولي 155 سم و قلت لااازم انحف و دورت في هالمنتدى لكن بصراحة ما عجبتني اغلبية الرجيمات لانها قاسية خصوصا رجيم التمر واللبن مع ان اغلبية البنات يمدحونه لكن قاسي جدا و غير صحي و بديت في التخفيف و المشي و الرياضة و صرت يوم في الاسبوع اخرب فيه و استمريت و كل اسبوع اخلي لي يوم في الاسبوع اخرب فيه و اكل كل اللي اشتهيه و الكاكاو و الكيك و الحلا احط لي كمية و اكله و ما انسلى المقالي و صار لي 6 اشهر في الرجيم قست وزني تتوقعون صار كم
قوولو مااشاء الله 55 كيلو جرام سر نزول وزني هو يوم في الاسبوع انسى الرجيم و اخرب فيه و اليوم اللي بعده التزوم في الرجيم و هالطريقة اكثر من رائعة لانها تنسيك الحرمان و تنزل وزنك بشكل كبير
ادري طولت عليكم بس انا حبيت افيدكم ادري ان السمنة تتعب النفسية و انا وحدة كنت معقدة جداا بسبب السمنة لكن هذا ما يعني انك تحرمي نفسك من كل شي حتى الحلويات الجسم يحتاجها حتى ينزل وزن و اذا جربتي هالطريقة اكيد بتفيدك لكن لاتوزني بعد اليوم اللي تخربي و استمري شهر فقط و بتشوفي لكن امااانة اذا نقص وزنك ادعيلي و الله يوفقكم
يلزم عليك تسجيل الدخول أولًا لكتابة تعليق.
الصفحة الأخيرة
مشكورة عالتجربة المشجعة