سعووووودى انزلن يابنات

هذا السالفه اليوم سمعتها في قناة المجد واحد يحكى عن صديقه يقول المسيكين جايه يشكى له يقول انو عنده ليموزين بس مايربح منه شئ مثل هاللى يربحون وان الشباب والعوايل دايم يتاحشون يركبون معاه رد صديقه قال تعال معاى وان بسنعك راح راعى الليموزين مع صديقه وشرى الصديق لراعي الليموزين تكميلة وكاب ولبس مثل الباكستانيين خصوصا وان راعى الليموزين ماشاء الله ملتحى طلع كنه بستكانى (( ترا متعمده اكتبه لان امى هيا ) تقول كذا
الوكاد ان راعي الليموزين تحسنت اوضاعه بس بعد فترة جاء لم خويه وقالو ياخى صارت لى السالفه رد هذاك وش صار عليك ,, قال السواق كنت ماشي الا عايلة معاها بزارين وحرمه كبيرة وبنات واقفين عند قصر افراح :icon28: ويشرون لى مير واوقف السيارة ويركبن طبعا العجوز صارت قدام ومعاها 2 من البزارين والبنات ورى والباقي وانا طول الطريق ساكت وهن الله يهدينه ماخلن شئ ماقالوه صرت كانى حاضرن الزواج والولد اللى قدام ضايق السواق على الرادو يلعب بهالموجات شرقا وغربا وانا اشيل يدو الا وحده من البنات تمد يدها من ورى صديق خذ شغل الشريط ذا عاد السواق ماودوه بالاغانى رد عليها صديق هازا خربان مسزل بعدين سريط انتا خراب
قالت وه لا هاته عاد يخرررب شريطى يقول والبزر ضايقنى حيل ماعاد اقدر اتحمله بس يلعب بالمسجل ويخرفش بالاغراض وانا انفجر عليه ياورع ابلشتنا الله يبلش ابليسك يقول مير العجوز وتغطى عيونها بعباتها واى سعودى
يقول وكلهن سكتن ماعد يحكن ولا يتكلمن ماغير انا اسال من وين اطلع وتشرلى العجوز بيدها يمين والا يسار واخر شئ يوم اوصلوا البيت وتنطل العجوز الفلوس بوجهه وهى تقول الله لايربحك يالخايس