ســـــــــــــــــــــــــــــ ــاعدوني((تمنع العناوين المبهمة ))

مادري والله انا في بريطانيا
بس برفعلك الموضوع علشان بنات امريكا يساعدونك

وعموما ترى عادي جدا بنات كثير زيك والحمدلله مشت امورهم

واتوقع كلام زوجك صحيح بالنسبة للورقه اللي بيعطونكم اياها>>>

وكلي ربك وان شاء الله السنين بتعدي

برفع لك الموضوع وان شاء الله بنات امريكا يساعدوكي او اي ام عندها اطفال بالمدرسه ,,ليش حبيبتي مدخليها مدرسه اسلاميه انا سمعت عنها ان هي حلوه بعلموهم انجلش وكمان يعلموهم امور الدين والقرأن ,,وطولي بالك هي الغربه كذا بس لازم تضيعي وقتك في اي شغله علشان متحسي بالملل ,,موفقه حبيبتي ,,

السلام عليكم ورحمة الله وبركاته
هلا فيك اختي في قسم تجمعنا فيه الاخوة والغربه الله يجمعنا في الفردوس الاعلى
شوفي يالغاليه لا تضيقين ولا تزعلين ترى الغربه صح كربة بس فكري فيها من ناحيه ايجابيه تصقل شخصيتك وتطور لغتك ولغة اولادك وهذا اهم شي وباذن الله ماجورة بغربتك لان جهاد المراه حجابها وايش تبغى الوحده اكثر من كذا شوفي استغلي غربتك افضل استغلال وربي يطوي غربتك على خيروغربتنا جميع ونرجع سالمين غانمين
بالنسبه لبنتك عادي دخليها مدرسه سواء اسلاميه او ببلك وفي البيت ذاكري لها كلنا كذا بالويك اند خلي ساعتين ثلاث او متى ما لقيتي وقت وذاكري لها الاساسيات العربي والدين ووكلي امرك لرب العالمين ولا تخافين سهاله باذن الله بتمر الغربه ان شاء الله على خير ما يحتاج تزعلين وتعبين نفسيتك كل هذا التعب وانتي نظمي وقتك ويتنظم الوقت ترى بالغربه اكثر من لما نكون بالسعوديه لان النظام غير ما فيه سهر ووووو المهم انتي حاولي تتعرفين على صحبة صالحه مو شرط عرب وادرسي لو سنتحتلك الفرصه واتعلمي السواقه وبتستمتعين بس اهم شي لا تفكرين انه يوه قرف غربه صعبه ووو انا عندي ولد بصف رابع وانتي عارفه مناهج رابع تاريخ وجغرافيا ووو بس نحاول وربك يعين الجميع
موفقه يالغلا ولاتنسينا من صالح دعائك

حياك الله في قسم المغتربين
حبيبتي عادي هذا الموضوع صرنا نشوف زي موضوعك كل فترة
تجي الوحده قافله معها لانها في الغالب تكون جديده والا ماتطلع من البيت
ماازيد على كلام الاخت ام اللوس شي
اهم شي حطي بنتك بمدرسه وروحي ادرسي لغة وكملي دراستك عشان ما تحسين بالملل

السلام عليكم

انا في كندا بس حبيت ارد عليك يمكن افيدك بشي

شوفي غاليتي

احنا جينا على نص ترم دراسي وزياده على كذا جلسوا عيالي اسبوعين

من غير مدرسه

كان زوجي زيك يقول يصبرون الى السنه الجايه بس انا جلست وراه وخليته يبحث في الموضوع
اخرتها سجلناهم في مارس اسلاميه وهي طبعا على حسابك يعني اهليه
يدرسوهم كل المناهج والاضافه الى المدرسه السعوديه كل سبت
هم بيقدرو وضعك ومو لازم تسجلي من بداية الترم الدراسي

حاولي حبيبتي تسجلينها وروحوا واسئلوا المدارس ويكون كل اوراقها الرسميه معاكم

لا تترددين اسئلي المدارس نفسها عشان بعدين ما تندمين لو راحت على بنتك سنه

اسئل الله لي ولك التوفيق