جينــان @gynan_1
عضوة فعالة
ســــــــــــــــهــــــــــــــره بنـــــــــــــــات
جاء الصيف والحر والعجاج لاح.....
انتهت الدارسه والشقى وكد الصباح......
وجاء الطفش والزهق وهاجس النجاح.....
ذيه خاطرة كتبتها في يوم وانا طفشانه ووصاله حدي لأنه اهلي مايطلعونا
في ألأجازة ولا يسفرونا على اوروبا او امريكا مافية إلا الرياض والخرج
بسسسسسسسس ويوم يكشخون يودونا على جدة نزور دوار البسكليته
يقالهم يورونا معالم المملكة خخخخخخخخخخخخخخخخخخ
إلا بلاكم ابوي ضاحكين عليه قالوله بعنالك كفرات البسكليته وكل يوم يروح
يطمن عليها ........
المهم مانيب مطوله عليكم
تسع ونص صباحن اتصلت منيرة بنت فلاح . قالت يابنت لا تتاخرين
زانت عندنا الأفراح <<<<<<<<<<<< موضوع تعبير فاشل لطالب في الثانويه
ليليه لم ينجح احد ....
قلت وش عندها ام كشه مع هالصبح ؟؟ <<<<< اعقلي بس
قالت يابنت ابيك تكشخين وتتسنعين <<<( بلاها ماتدري ماعندي إلا اصباعين
روج احدهم اخوي دافسن فيه بطاريه ريموت والثاني منتهيه صلاحيته
كل ماتسنعت منه تحوشني ذيك الحومه والمره طعمه تسنه ديتول يخ بس )
المهم قلت لها ابد ولايهمك ابتولم بس وش القصه لايكون ابوتس ضاحكن
على احد وبيزوجك اياه ؟؟
سكتت وكأنها تقول وش خلاني اتصل على هالخبله اعزمها .....بس انا اليوم
حسيت انها بدت تنفخ خنافرها وتطرطش نار <<<<< ( حشا تنين ماهي منيره)
قلت لها وش المناسبه علميني مير اعرف وش البس
قالت : سهره ............. سهره بنااااااااااااااااااات
قعدت اتشرط عليها ساعه وانا اعزمي فلانه ولاتعزمين ذيك منيب احبها
خلقه وهي ماغير ساكته وترد ردود مقتضبه <<<< توني متفرجه على الاتجاه المعاكس وابتفلسف
ههههههههههههههه
يعني حسيت كنها تقول ليتني مااتصلت خخخخخخخخخ
المشهد الثاني في المطبخ بيتنا في الركن الغربي عند دولاب القدور
يمه يمه وش فيس سافهتني
هاه جعلتس تعرسين وش تبين على بالي ابوك يبي يخرعني <<<<< عايشه دور
نجلاء فتحي منتظره عماد حمدي
ابروح الكوفيره اللي جنب بيت خالتي ابيها تسنعني
وش تسنع وش تخلي يابنت تحمدي ربك بس انه للحين ماقضبوك هيئه
حمايه الحياه الفطريه <<<<<<<<< سحليه
قلت وش هالذب الشين يمه وهذا وهم يقولون اشبهلس
المهم لايكثر ابتولم لانه منيره عازمتني
ليه هي بتعرس :icon28: <<<<<<<<<<< نفس تفكيري مغربلنا الزواج وطاريه
يمه البنت ناجحه وفاضيه وتبي تقهرني ..... لارحت بيتهم القهر يموتني
وربي احس اني من جد انرحم اجل هذا بيت !! الحين يقالك كاشخه بهالمطبخ
لانه فيه مايكرووووووويف
ليتهم يدرون انك من يوم فزنا به وانتي ماشغلتيه وكذا مره تصورتي قدامه
على انه صدفه يبان في الصوره
المهم تراني رايحه
روووووووووحي ليتني ماجبتسسسسسسس <<<< تذلني حتى على انها جابتني
هئ هئ هئ :icon33: :icon33:
المشهد الثالث في سيارة ابوي وانا رايحه لبيت منيره
طبعن انا الحين راكبه السيارة وابوي يسوق وانا راكبه ورا<<<< ماتركب ابد قدام
لاهي ولاامها بتتوديها هيئه الشسمه
والبلا اني خايفه على التسريحه لاتنعفس يقالي مسويه تسريحه اثر الكوفيرة
ماتعرف إلا للشعور الناعمه
فششششششششششششششلتني ذيك اللبنانيه اللي مدري ملامحها وش تبي
قالت لي يامؤلعه روحي مابعرف اتعامل مع شعراتك بجيها من ميله بتروح
للميله التانيي <<<<<<< حسستني اني قنفذ :hahaha: :hahaha:
المهم وهي اللي تكرفسه وتقول خلاص روحي وسلمي على صحباتك
قلت ابد يبلغ
شوي واسمع صووووووووت مدوي اللي خلاني ارتجف كيلو على بالي
تفجيرات في حارتنا اثره ابوي يكح
تدرون عاد انا تركيزي على التسريحه مابيها تنعفط
مغلعه <<<<<< ابوي عنده مشكله مع حرف القاف :pinklove:
سم يبه
خويتك ذي امها ارمله صح؟؟
ايه يبه ابوها ميت وهي في المتوسط
ماتبي تعرس على رجال وفي وصط عمره يدير لها اعمالها !!
ليتك تسكت يبه اقصد شسمه لاهي نذرت نفسها لتربيه عيالها
<<<<<<< جابت اقرب جمله سمعتها في فلم مصري ابيض واسود
قال اجل علميها لو غيرت رايها انه ماعندي مانع تقعد في بيتها نفسه مع
عيالها <<<<<<<<< يسمع بالمسيار خخخخخخخخخخخخخخ :S_45:
قلت ابششششششششششر
شوي وتوقف جنبنا سيارة وتضرب بووووووووري واللي فيها يأشر
من ناحيه بابي <<<<<<<<<< على بالها يعاكسها وطت راسها :biggrin2:
وهو يأشررررررر لين ابوي انتبه له وفتح الدريشه وتو يبي يسبه
الا وهو يقوله العبايه العبايه
اشوف إلا وعباتي نصهااااااا برا مسكره عليها الباب ياويلي ويلاه
اشوا ماشدني الكفر ورحت فيها
قاله ابوي مشكور يالطيب ويسكر الدريشه وهو يتفل ذيك التفله ويقول لمي
عبايتك لابارك الله فيك يالخبله <<<<< دايم يسمونها خبله :icon36:
المشهد الرابع بيت منيره في الحديقه
انا جالسه في الركن الغربي من الصاله وماغير اناظر واخزززز بعيوني
كني ضفدعه في موسم التزواج تدور على شسمه خخخخخخخخخخخخخ
والبنات اشكال واللوان حشا ماكني في الرياض الا كانه حفله مس لبينون
وش هالبس وش هالاجسام وش هالملح
وحده شااده وجهها ونافخه براطمها
والثانيه منفخه خدودها وواشمه حواجبها
والثالثه مسويه تان وصايره كنها لاميتا الفرنجيه
ولا الركب ياويلييييييييييييييييييييييه يخسوووووون اللي قالو ركب السعوديات
سود بلاهم ماشافوا يعني الحفله كلش موب في الرياض
جت وحده من البنات من وراي حطت يدها على عيوني يقالها تبيني احزر
منهي وانا تفكيري كله منصب على التسريحه اخاف انها تنهار
من انااااااااااااااا ؟؟
انتي فتحيه <<<<<<<< ماقد تعرفت على بنت اسمها فتحيه
لا
اجل سميره
لا
اجل أي وحده بس تكفيييييين ارحمي التسريحه <<<<<< تصيح
يؤؤؤؤ تسريحه ؟ والله على بالي للحين مافسختي الشيله <<< ابوك يالتحطيم
وهي تجيني من قدامي واشوف البنت سبحااااان الله من خلق وابدع إلا
وذاك الغزال اللي كنه القمر يمه بس
مين انتي ؟
ماقد تعرفت على مزاييين كل خوياتي ماركه عوجا لوجا
الا وهي ساره بنت لولوه الحولا <<<<<<< مدري ليه يسمونها الحولا معنها
بعين وحده
عرفتيني ؟؟
ايييييييييييييييييييييييه سويره اقعدي بس علميني عن اخبارتسسسسسسسس
ابد ابتزوج بعد شهر وبسافر مع عريسي امريكا يكمل دراسته <<<<
كأنها تدري انه هالموضوع حساس عندي وعندامي تهئ تهئ
ماشاء الله مبرووووووك
وقعدت تسووووووولف علي وانا في دنيه ثانيه قعدت اتخيلها مع عشر
سنين بتصير زوجة الدكتور فلان وعيالها يتنططون حولها وهي في منتهى
الاناقه ,, واتخيلها ماتستغني عن الرشاقه المشكله انه ساره ذي كانت اغبى
وحده في الفصل والابله كل يوم تهاوشها لانها تجيب معها عطوووور وفرش
للمدرسه وموتها وسمها تقولين لها انك شينه او خشمك كبير ولا عيونك
مسحوبه يعني كان عندها جنون الجمال
المهم شوي وتجي وحده وتقول ممكن اقعد معكم
قالت لها ساره ابد تفضلي وانا شاكه انها تبي تتفرج على تسريحتي
وتقعد معنا وتبدا سوالفها بضحكه مدوووووووووويه وكل سالفه تقولها
تضحك عليها قبلنا يعني انواع المصاله وحنا نضحك من باب المجامله
>>>>>>>> ماصله ومتميصله قعدو مع سامجه ومتسميجه
المشكله كل سوالفها عن الجوال والبلوتوث والمسجات واختكم في الله
جوالها ابو بصمه يعني ماجازلتي سواليفها
تدرون وش قعدت اسوي ؟
طبعن قعدت اتخيلها بعد عشر سنين وش بصير وضعها وتخيلت انها
بتسولف على زوجها وعيالها وضحكتها مازالت مدويه وهي يضحكون
وينافقونها مايقدرون يقولون لها يمه يامصلاك مصلاه
ومارجعني من دنيا الخيال إلأ ذيك البنت اللي تنادي من بعييييييييييييييد
مقلعععععععععععععه مقلعهههههههههههههههه
قلت هاااااااااااااه
قالت وهوووووووووواااااه <<<<<< ماحد يقولها تسذا إلا بدوووووور
خويتها وصديقتها دربها في عالم الحياه الفطريه <<<< سحليه ثانيه
ورحت اركض لمها واقرب واقرب واستغرب من اللي اشوفه
يووووووووووووووووو بدور وش ذا ؟؟
وش فيك <<<<<<< وهي تخمني يقال مشتاقه
يختي وش زينتي تغيرتي مره <<<<<< شكلها بتصير وحيده في عالم الحياه إلي انتم خابرين
ابد ياخيتي كبرنا واحلوينا
<<<<<<< كبرت واحولت تهئ تهئ تهئ
بس تعالي يامقلعه ابسألك وراك تسذا دبدبتي ؟ وسمنتي وصايره تسنك
تفيخه <<<<<< ياكرهي إللي يتميلحون على حسابي
ابد يختي كل مااسوي رجيم ولا العب رياضه وانا اللي اسمن بزياده كنه
عناد لين طفشت وقلت مااوسع من الارض
المهم علميني وش اخبارتس ؟؟
ابد منيحه كتير خير الله نويت اكمل دارستي واخذ الديكتوراه في علم النفس
تعالي اعرفك على صديقاتي
واوديها لساره بنت الحولا وام ضحكه مدويه
واعرفهم بهاااااا
ونقعد كلنا
شوي ويقولون يلا بوفيه
ونروح للبوفيه وانا اتخيل هالعنز بدور وشلون بتصير عقب عشر سنين
<<<<<<<<<<<<<< ذبحها التخيل
وتخيلتها دكتوره مثقفه لابسه نظاره منزلتها على طرف خشمها وحاطه
قلم ورا اذنها <<<<<< حشا هندي في محطه بنزين
وتخيلتها مغروره مره وتكلم الناس بنفس خايسه بلاكم ماتدرون هذي بدور
وحنا صغار كنا نسميها كرنبه بضم الكاف لانها كانت دافوره وتاكل المعلومات
اكل وتقول المعلومه قبل تقولها الابله
ويدلعونها الابلات يعني يلوق عليها اسم كرنبه بلاكم ماشفتوها وهي تاكل من
البوفيه يسفابي بس اللي يشوفها يقول ذي تذوووووووق مهيب تاكل تاخذ
حته من كل صحن وفي النهايه صحنها كنه عينات ماهوب اكل
<<<<<<<<<<<<<< صحنها كنه قمه افرست
وهي اللي تتميلح يوم رحنا الفندق الفلاني كان عنده الازانيا لذيذه
ويوم زرنا المطعم العلاني كان عنده الشسمه طعم لين حومت كبدي وبغيت
اكب صحني يعني هالبنت تحب الاتيكيت والفنادق والاكل السنع ومسويه
انها سيدة مجتمع(( ماهي بهينه كرنبه ))
خلصت الحفله
جا ابوي ياخذني للبيت
قلت له يبه قبل لتوديني البيت ابروح مشوار
قال وين بهاليول بتروحين
قلت ابد مشوار بسيط
تدرون وين
هيئه حمايه الحياه الفطريه
وحرمت بعده احضر اي سهر حتى لو كانت
ســــــــــــــــــهره بناااااااااااااااااات
( منقول)
21
2K
يلزم عليك تسجيل الدخول أولًا لكتابة تعليق.
زائرة
•
ههههههههههههههههه
قصة حلوة ومضحكة
تسلمين
قصة حلوة ومضحكة
تسلمين
ماادري
•
هههههههههههههههههه
رههيييييييييييييبه هالمقلعه خخخخخخخخ ياليت تسجل بواحتنـــــــــا
خخخخخخخ
ولا تسريحتهـــــــــــــا نفس حالتي لمن اسشورت شعري زين ويجي احد
يمسكني من ورى يستخف دمه
وانــــــــــــا واصله لخشمي
والله معاناة مايدرون اني متبهذله وساعتين قدام التسريحه عشان يزين
>>>>> صح انتو مثلي
<<<<< خابرتكم لاتنكرون
ولا الركب السود معاناة لوحدها هع هي هع
ماابغا اكثر حتسي تطلع كل الفضايح خخخخخخ
استروا ماواجهتو خخخخخخخخخخييييييي
وسلامي لاحلى مقلعه
ولجينان الغاليه ناقلة الموضوع
المهم بيني وبينك بسجل بموقع مقلعه شكلها توسع الصدر ارسليلي رابط الموقع ع الخاص
خخخخخخخخخخخ
>>>>>>>> عيني عينك
رههيييييييييييييبه هالمقلعه خخخخخخخخ ياليت تسجل بواحتنـــــــــا
خخخخخخخ
ولا تسريحتهـــــــــــــا نفس حالتي لمن اسشورت شعري زين ويجي احد
يمسكني من ورى يستخف دمه
وانــــــــــــا واصله لخشمي
والله معاناة مايدرون اني متبهذله وساعتين قدام التسريحه عشان يزين
>>>>> صح انتو مثلي
<<<<< خابرتكم لاتنكرون
ولا الركب السود معاناة لوحدها هع هي هع
ماابغا اكثر حتسي تطلع كل الفضايح خخخخخخ
استروا ماواجهتو خخخخخخخخخخييييييي
وسلامي لاحلى مقلعه
ولجينان الغاليه ناقلة الموضوع
المهم بيني وبينك بسجل بموقع مقلعه شكلها توسع الصدر ارسليلي رابط الموقع ع الخاص
خخخخخخخخخخخ
>>>>>>>> عيني عينك
الصفحة الأخيرة
>>>>>ماحد قالك حطي مووووزوع طووووووويل
خخخخخخخخخخ
بس ابي اكوووون اول وحده تررد