ســـــــــــــــو ا لـــــف الــعــجـايــــز فــي الــتـــلــيــــفـــــــــــون

ســــــــــــــــــــو ا لـــــف الــعــجايــــز فــي الــتـــلــيــــفـــــــــــون

--------------------------------------------------------------------------------



السلام عليكم ورحمة الله وبركاته



سوالف عجايزنا بالتلفون الله يحفظهم لنا ان شاء الله

ام سعيد : تقول لولدها سعيد اقول : شو رايك نتصل على ام لطيفه نشوف شخبارها وشعلومها ؟؟؟

تليفون ام لطيفه : ترن ترن ترن

ام لطيفه : آآآآآآآآآآآآآلو؟؟

ام سعيد : ألووو هلا ختيه ام لطيفه شخباركم وشو علومكم ؟؟

ام لطيفه : والله طيبين شلونكم انتم شعلومكم وشخباركم؟؟

ام سعيد : والله بخير شو علومكم اليوم؟؟

ام لطيفه : والله حنا بخير شلونكم انتم شعلومكم وشخباركم؟؟

ام سعيد : والله بخير شلونكم انتم؟؟

ام لطيفه : والله حنا بخير شلونكم انتم شعلومكم وشخباركم؟؟

ام سعيد : شو غداكم اليوم؟؟

ام لطيفه : ابو العيال اليوم كان خاطره في جشيد .. وطيبنا خاطره بالغدا السنع..

ام سعيد : عليكم بالعافيه مطرح ما يسري يمري خخخ عيعيز آآخر زمن..

ام لطيفه : ربيعتي عازمتني على عرس بنتها في بوظبي وقالت لي : هاتي وياج ام سعيد..

ام سعيد : نحن بعد عندنا عرس بنت خالة عمت يدَت ابو ولد عمتي...
انزين ما دريتي يا ام لطيفه البارحه ولد يارتنا تزوج على حرمته .. وحرمته طاحت في المستشفى يوم سمعت الخبر..

ام لطيفه : ترى حرمته الاوليه ما تـيـيــب عيال .. خليه الولد يبغي يشوف اعياله..

ام سعيد : وبشكارة اربيعتج ام عاشه تراها شردت من البيت..

ام لطيفه : الخدم ما وراهم إلا الندم . ما شاء الله كم وصل راتب ولدج سعيد ؟؟؟؟

ام سعيد : راتبه 10000 والحمد لله عايش هو وحرمته وعياله.. وانتي ما شاء الله على بناتج مدرسات وكل وحده تستلم فوق 12 الف وغير الاسهم بعد .. وعندهم احسن سيارات..

ام لطيفه : شو الفايده يا ام سعيد ما عندهم لا ولي ولا صاحب .. الحين كل وحده عمرها فوق 28 ومحد راضي يتقدم لهم !!!!!!!!!

ام سعيد : تحيدين قبل 8 سنوات يوم قلت لج ولدي يبغي بنتج الكبيره وانتي قلتي : بناتي بعدهم يدرسون ولازم يحققون طموحاتهم خخخخخخخخخخ.. الحين ولدي عنده ولدين وبنت الله يحفظهم ....

ام لطيفه : صدقج يا ام سعيد انا ندمانه من هاك اليوم.. لان لو تزوجت الكبيره .. كلهم بيلحقونها.. الله كريم..

ام سعيد : والله اشتقنالكم نبغي نزوكم بعد كم يوم ان شاء الله ونسمع اعلومكم ؟؟؟

ام لطيفه : والله حنا بخير شلونكم انتم شعلومكم وشخباركم؟؟

ام سعيد : والله بخير شو علومكم اليوم؟؟

ام لطيفه : والله حنا بخير شلونكم انتم شعلومكم وشخباركم؟؟

ام سعيد : والله بخير شلونكم انتم؟؟

ام لطيفه : والله حنا بخير شلونكم انتم شعلومكم وشخباركم؟؟

ام سعيد : سمعت صوت شي انكسر .. لا يكون عيال ولدي الشياطين كاسرين علي المكتبه اليديده

ام لطيفه : إلحقي عليهم لا يكون كسروا الدرايش

ام سعيد : يا الله في امان الله .. طااااااااااااااااااااااخ بندت التليفون في الويه

ام لطيفه : يالله مع السلامة

ام لطيفه : في أمان الله ..

ام لطيفه : سلمي على ابو العيال

ام لطيفه : ولا تنسين تبوسين لي عيال ولدج

ام لطيفه : ألوو ألوووو ألوووووووو