استخدم عجينه سويتز
الحشوه جبن ابيض مه نعناع
دجاج مفروم
جبن كيري
الزيت زيت كانولا

بصراحه ولا مره جربت اسوي العجينه لاني اخذها جاهزه مثل سويتز او اخذها جاهزة من الهندي

بس شجعتوني وان شاء الله اجرب عجينه واعلمكم عليها

:)

واحلى حشوه عندي هي جبن كرافت مبشوووور مع فلفل اخضر

وحشوة البطاط والبزاليا ايضا احبها

أخواتي وين الاقي عجينة ألفت للسنبوسه أنا جبتها مره من جده رائعه بالمره
وقالي على محل في الرياض ولكن نسيته اللي تعرف
مكانها تدلني عليه ولها جزيل الشكر

انا العجينه بيضه ونص فنجان زيت ورشه ملح وكوبين دقيق واضيف لها حاجتها من المويه
الحشوه بصل محموس بعدين اضيف الحم والبهار والملح واتركه شويه بعدين جزر مبشور ولمن اطفي عليه اظيف البقدونس والكزبره والشبث
وتطلع خطييييييييييييييره

.

هلا حياتي مرة الدب..

مشكورة عالموضوع الحلو وبالفعل أغلب المائدات لازم يكون عليها سمبوسة بحشوة مميزة سواء فطور أو عشاء أو سحور..

أستخدم دايما عجينة السنبلة.. أحسها أحلى نوع..


أنا أحب سمبوسة الجبن الأبيض واخترعت حشوة خفيفة ولذيذذذذذذة..

جبن أبيض + جزر مبشور ناعم + فلفل رومي مفروم بس لاتخلونه ناعم وايد عشان لايصير فيه ماي..

وبس بدون أي بهارات أو اضافات تطلع خفيفة ويميييييييييييي..

الحشوة الثانية مجموعة أجبان..

تشيدر وموزاريلا وشوية جبن سائل بعد تطلع حلوة..

الحشوة الثالثة هي حشوة البيتزا..

على النار نضع بصل مفروم ناعم + فلفل بارد مفروم + جزر مبشور + فطر مفروك وممكن زيتون + صلصة البيتزا الجاهزة وجبن موزاريلا..

الحشوة الرابعة.. حشوة الدجاج ..

على النار.. بصل مفروم ناعم + دجاج مسلوق مسبقا ومفتت ناعم + فلفل رومي مفروم + ملح وفلفل أسود ولما تخلص اما نحشيها جذيه أو نخلط معاها ملعقة جبن سائل ..

حشوة اللحم العصاج العادية.. حشوة البطاطس المهروس مع المطيبات.. بس هذول من زمان ماسويتهم لأني أحس الجبن أخف شي..

وهذا موضوع شامل لأنواع السمبوسة مثبت حاليا بقسم المقبلات ان شاءالله بيفيدكم بعد..

ملف لطرق اعداد أنواع السمبوسة

تحياتي..

.