وجبببت لكم سااالفة العقررب <<مابغت تجي ادري بس لايكون نسيتوها
،
،
،
ندخل بالسالفه
بيوم من الايام قررنا نروح للبر طبعا بس تمشيه بسيطه كم ساعه ونرجع طبعا كانت الروحه اقتراح من بنت خالي الي زوجها ولد عمي <<عرفتوه ذاك ايوه
ووافقت امي... بصراحه انا ماكنت ابي اروح ما احب البر كثير بس رحت عشان امي
طبعا من اذان العصر واحنا نتجهز ماخلصة الصلاه الا احنا بالسياره ومشينا
ولد عمي قال لبوي روح لما ذاك المكان ووقف لما اجيك ومشينا لما وصلنا طبعا وقفنا طبعا واقفين بالخط ومافي سيارات الا قليل الي تمر منه
جلسنا جلسنا حلات البر يكون بالعصر او الصبح... والمغرب بياذن وهم ماوصلو وابوي حالف مايدخل وولد عمي ماجا ماسك الوصيه
المهم لما طول ماجا احنا زهقنا من السياره والا امي تفك الباب وتنزل
يا يمه وين رايحه ...
قالت طفشت من السياره ونزلت الفرشه وفرشتها بوسط الخط وجلست <<مو بوسطه لا يسار سيارتنا
انا فيسي كذا:o يمه وش ذا السيارات بتمر فضيحه يشوفونك<<اهم شي
امي ماعليها وصلت معاها قالت لي خلهم يشوفون الحمدلله مستتره وش بيشوفون مني
قلت يا يمه طيب بس والله مو حلو شكلك
قالت تعالي انزلي والله الجو يجنن وجيبي القهوه
كمان تبين تتقهوين يافشلتنا ...
شوي الا تمر سياره عاد التفت عليها بشوف يضحكون ولا شي هههه
ومادريت الا اختي تفتح الباب وتنزل وتبسط عند امي
عاد انا سولت لي نفسي انزل وانبسط معهم بالله محد يعرفنا وشعلي فيهم دامني مستتره على قول امي <<بس قلت بيضحكون علي خواتي لا لا خليني استني يمكن يجون
والله واختي وامي يدقون سوالف.... وكل شوي ينادون علي وانا اقول لا فضيحه:35:<<محد داري عنك يالغبيه
وابوي ...طفش ولد عمي شكله كره الطلعه ذاك اليوم كل شوي متصل عليه قاله ادخل من ذيك الدخله وخلكم هناك لما اجيك ...
وش ذيك الدخله مانعرفها وصح في دخلتين
ابوي قال اخاف ادخلها ويظلم ومانشوفهم
قالت امي خلاص خلنا بمكانا احسن <<أي مو ما شاء الله عليك منبسطه بالجو ههههههه
بس تدرون اني ناسيه انا نزلت ولاجلست بالسياره <<برا
المهم قبل المغرب يمكن بنص ساعه شرف ولد عمي وه ماصدقنا وحركنا
واخترنا لنا مكان ونزلنا
بجلسة الحريم مكان فيه غير انا واختي وامي وبنت خالي
طبعا زي ماذكرت لكم ادناه اني مو حابه الطلعه
وطول الوقت ساكته وبنت خالي تحاول تغريني شوفي الجو وشوفو نكشف ومحد داري عنا وشوفي وشوفي قلت تقهوي بس <<ياكرهي لنفسي هههههه
قالت امي شرايكم نتعشى هنا بنت خالتي قالت ياسلام
قلت وش لا يازين بيتنا <<اكيد كرهوني بذيك الطلعه بس لاتلوموني شكلي كنت حاسه بيصير شي ولا انا حبيبه <<ترقع لعمرها
صلينا المغرب وتقهوينا عادي وجلسنا للعشا او بعد العشا الا قال ولد عمي عندي مشوار لازم امشي
الحممممدلله انا ماصدقت والله ومشينا عاد امي كان عندها مراجعة اسنان عند دكتور العايله <<لازم اقول دكتور العايله عشان تعرفون السبب
نزلنا البيت وامي راحت لدكتور
وهناااك حصلت الحاصله <<الحاصله هي الحصاله الي نجمع فيها النصوص ذيك علبة النيدو تذكرونها <<هيه تعالو امزح احس اني ضيعتكم
الحاصله يا اخواتي العزيزات ان الوالدة العزيزه الله يحفظها ويخليها لنا وهي داخله ورايحه لاستراحة النساء مرت من جنب الممرضه
الممرضه حست بعباية امي شي لفت الا بظهر امي عقرررب
تقول امي الا اسمعها تقول لحظه لحظه في شي وتنفض عبايتي <<تنفض تحركها بيدها
تقول امي قلبي طاح مدري وشو الي بعبايتي
تقول الا طاحة الا انها عقرب ابوي سمع الصوت وجا كانو هم بالممر وذبحها ماشاء الله عليه <<اذكرو الله لاتحسدونه >>فصله
وقتها الممرضه المسكينه استوعبت وبدت تصيح <<ما الومها لو انا يمكن اغمى علي
وامي جلسة تهديها هههههههه ياحليل امي بس والله امي اخذت لها فجعه لما جاتنا اول ما دخلت فسخت عبايتها وجلسة تنفض فيها وتقول بنات شوفو عبيكم
قلت ليش وش فيه قالت كانت بعبايتي عقرب <<انا فتحت عيوني وفمي وسكرت اذاني <<وصف لصدمه
بعد برهة من الزمن استوعبت قلت العقرب كانت معنا بالسياره من البر لبيتنا <<كنت اتخيل لو انها جاتني عاد كنت جالسه خلف مقعد امي <<برهه وخلف وشعندك عاللغه العربيه
والحمدلله تداركت نفسي قلت اشوا يمه ربي سلمك منها الحمدلله <<لا بالله بدري
قالت ايه الحمدلله لاني قاريه الاذكار ربي حماني شفتو الاذكار الي ماتحافظون عليها <<وتغير المسار للاذكار وفضلها
والحمدلله الي ربي ارزقنا بها والي احنا مهملينها عشر خطوط تحتها
يعني تخيلو المسافه من البر لبيتنا للمستشفى يمكن ساعه وعليها
عاد تخيلو لما رحنا البر مره ثانيه <<ماتبنا بس كنت رايقه ذاك اليوم وكان قمرا يعني في نور
قالت بنت خالي يلا نسوي سباق <<لحد يضحك
انا قلت لا مابي بمشي تسابقة هي واختي يوم شفتهم تحمست قلت يلا بسابق معكم <<ليتني ماقلت
تخيلو شكلي اسرع واطالع تحت ههههههه اخاف يطلعلي عقرب ولا حيه يمممممماه ولا ادعس عليها وتلتف على رجلي <<حسيت نفسي اني خكريه هههه
وصارت سالفة امي سالفة المستشفى وابوي ماسكه تهديد لهم هههههههه
وبما اني الحين عند نفس الدكتور اذا ابوي زعل من الدكتور قاله ترا اجيب لكم حنش المره الثانيه هههههه عاد اسمع الممرضه تف على عمرها وتسمي <<الحنش هو الحيه بس المقيمين يسمونها حنش
ومره كانت في ممرضه جديده وسالت وش السالفه عاد الي شافت العقرب وحده ثانيه معاها يحكونها وتقول جلست ابكي وخايفه وانا اسمعهم ومت ضحك الممرضه الجديده تقول الحمدلله اني ما كنت فيه وقتها
عاد بعدين معاد شفت الممرضه الجديده <<تهقون خافت يوم تسمع ابوي يهدد
ولا الممرضه تقول جيبي امك معاك <<عاجبتهم امي شكلها داقه صحبه معاهم المهم تقول جيبيها بس لاتجيب معاها عقرب هههههههه
وخلصت سالفة العقرب .. وماخلصت سوالفي
،
،
،
في سالفه قصيره حابه اقولها :35:
مره رحنا السوق وكان رمضان رحنا الصبح عاد انا وقتها سلك المخ مفصول عندي كانت زوجة اخوي واقفه عند المكياج وانا جنبها وتسال البائع وطولت لفيت كذا الا اشوف الارواج قلت خلني اتفرج عاد اخذت روج
وبفتحه واسحب مايفتح واسحب بقوه الا انفتح لما انفتح طلع الغطاالي جوه ابيض عاد وقتها محد داري عني بس فضحت عمري قلت ذا ليش كذا لفت علي زوجة اخوي قالت انتي ليش فاتحته كذا
انا وقتها استوعبت انا فتحت الروج كله هو كان مفتوح بس الفه وخلاص انا من التناحه سحبت سحبت لما طلع اصل الروج اتمنى فهمتو
عاد قال البائع مو كذا ينفتح هاتي هاتي وقتها لاتدروني اصلا رميت الروج ورجعت وانا اضحك اضحك بس بالصامت وهو يسويه ويقول كذا ينفتح ويلف وكذا يتسكر زوجة اخوي راخيه راسها وتضحك ياربي والله موقف
وهو يوم يقولي حسسني اني ماعمري شفت ارواج ههههههههه بس كانت تناحه مني وياما صارت بس ناسيتها للاسف :35:
وأَنْتَِهَِتِِِْ سُواَليٍِِفِي ....
بنوتات شرايكم بتصميمي :35:
:eek:>هذا المستخدم قاعد يتنفض خايف من العقرب خخخخخخخخخخخخخخخخخخخ
ربك ستر الحمدالله يممممممممه عقرب :09:... بس بصراحه أمـك اعجبتني تسير صاحبتي :22:هع
وأوما سالفة الروج ههههههههههههههه الحمدالله ماحد يعرفك{دايم أقولها لاسويت شيء يفشل:30:
يالبى قلبك وسوااالفك تعالي كل يوم قولينا قصه :26:{عجبها الوضع:42:
ههههههههههههههههههههههه
ربي يسعدك ويعطيك الف عااافيه يا عسسسسل:26: