ســـوآآلف ليليه سالفة التقويم ومن يبي الدح ..<<مابي اخرب

مسسائكم /صباحكم

خيرراات من الله

شخباركم شعلومكم عساكم طيبين وكل عام وانتم بخير وعاد عيدكم وعاش حبيبكم ....وين لحمتنا ماوصلت <<اخلصي بس

:)

ذا فاصل للفصله الي فوق ...

المهم اني بصراحتن عندي سالفتن تقرقع ودي اقولها لكم هذا الله يسلمكم

لي خمس سنين ابي اصير كشخه واركب حديد اقصد تقويم ....<<ترا قريب عرفت اسمه :42:
وكل هالخمس اوصل لباب الدكتور واريوس ...:44:
المهم طفشت من هالحال البنات اتزوجن وانا باقيتن....<<وش دخل الزواج الحين :eek:
وبعدها قلت خلاص مابداها مسويته مسويته...

والله لايوريكم ذاك اليوم الي رحت فيه اركبه ياضحك علي الدكتور ...بس مموب معلمتك وش صار عشان ماتضحكون علي ...
شطحه على طاري الدكتور مره جينا من البر وامي عندها موعد عند الدكتور نزلنا لبيتنا وامي راحت للعياده وهي تمشي الا الممرضه تصيح وتبكي امي انفجعت وش بلاها اخر شي تدرون وش طلع ....طلع بعبايتها ...عقرب
وصارت مشهوره امي بالعياده ذيك ...
وابوي كل ماجاهم قالهم رخصو السعر ولا اجيب لكم حنش ...<<يافديتك يابوي ههههههه
المهم نرجع لسالفتنا
بهاك الليله ويوم ركبت التقويم وحطيت لونن فصفوري عشان يوضح الزين المهم عدتو لمنزلنا وانا افتح فمي لاخر شي عشان يشوفونه خواتي...

حطموني من شافوني كانن يقلون وااااااع ... واحس بنغزه بتسبدي ..ادري عنهن غيرانات ...وجيت لميمتي قلت يمه وشرايك زين... طالعت فيه ولوت فمها وهزت براسها لا فديتها ماتبي تجرحني قلت انتم ماتعرفون الزين والموضه والكشخه <<عصبت عليهم ...

ملاحظه انا اول وحده بالعايله والجماعه اركبه يعني مو متعودين على هالشكل ..<ارقع

بعد ماقهروني وانا اروح اوقف على مرايتي ومره ابتسم ومره اسكر فويمي ومره اهل قروني وبكل الحالات وش زيني مدري علامهم بس مثل ماقلت ماعندهم ذوقن ابد اصلا انا الي دايمن اقضيلهم لبسهن

وتجيني بنت اخوي ياحبيلها عمرها 3 سنين واجلس وافتح فمي<<حسيت اني تمساح كل شوي فاتحته ههههه
المهم وتحط اصبعها واقرطها <<نذله
قلت لها تبين مثله قالت ايه وانا انبسط والتفت على خواتي واقول ذي الي ورثت الذوق من بعدي واعود لبنت اخوي واقولها روحي لأبوك وقوليله ابي مثل عمه عند دكتور <<صعوبات تعلم
وكل ما قابلتها وانا احفظها هالكلمتين لما حفظتها وقالتها لبوها وانا صفق لها بس اخرتها افضحتني عند خوالها :icon28: بوسط جلستهم قالت سنوني عمه وتاشر على اسنانها عند دكتور هم الحمدلله مافهمو قلت لكم صعوبات تعلم بس امها انقذت الموقف وتقول صرفت :icon33:

المهم <<ياكثر ماقلتها وانا ماعندي غير الهياط
مازالت التجريح لي ولمشاعري قائم من جميع افراد المنزل كبارا صغارا رجالا ونسائافردا فردا ..

ومره كنا على سفرة الاكل وبينما توي اجلس وازين جلستي التفت لابوي ... وطالعت فيه مبتسمه قبس بوجهه وقال سنونك سوود لاحول ولا قوة الا بالله يايبه الله يخليك لي ذي حدايد شلون تبي لونها واكملت عشاي ولله الحمد والمنه <<شوفي تسيف اني قويه هههههههههه

وكل يوم يسالوني هاه يوجعك هاه فكي فمك هاه ورينا سنونك وانا افهمهم لعل وعسى يفهموني ولايفضحوني عند الخلايق
وكل يومن والثاني تجي وحده من خواتي شط صديقتي سوت تقويم قلت طيبا قالت قلت لها انك سويتي <<يعني تعرفون الي احد يسوي شي ويتميز به وماغير يجيبون سيرته حسيت نفسي كذا <<مدري فهمتو ولا مافهمتو بس زحلطو





وبعد سننه تقبلو وضعي وصرت معادني مميزه وابوي يهاوشني فاضيلك كل يومين وديني للكتور قلت يبه تعود وهو قريبنا ماهو بعيد يعني وابشركم حدا خواتي اوضحت حقيقتها وقالت بتسوي <<نص فصلها مسوي ياشين غيرة البنيات بس حضها مهدتلها الطريق وصرت لها قدوه وفديتني تقبلت الاسائه بوجه بشوش وحسن <<نسيت اقولكم اخوي يناديني يام سنون حديد بس اردها له قلت احسن من الي سنونه جبس <<برا






لاتنسون من يبي الدح لايقول آآح <<مقولة امي قبل اركبه

برايفت ؛كل الي ابو الموضوعن شطحات من راسي بس سالفة العقرب صحيحن وسالفة اني ركبت تقويمن صحيحن وسالفة بنت اخوي صحيحن<<وش خليتي

حبيت اونس صدورك واعلمكم انه مابه شي مستحيل وكل العقبات تذلل لتحقيق الطموح.... ومهما كان اهلنا لازم نتحملهم ومصيرهم يتقبلون الوضع بس اهم شي الي نسويه صح <<فدتني صايره فلفسوفه



انتظروني بسالفتن جديده :26:

شط البحر ...!ّ