سفرتنا في الصيف

اهليييييييين بالمصرقعات
وش اخباركم في الصيفيه ان شاء الله انبسطتو :24: إنا والله سافرنا لابها وتمشينا فيها ورحنا تمشينا فيها والله براد فيها وصخنتنا (اتحداكم تفهمونها) انا وعيالي على بالنا ماتعودنا على البرد والمطر بس احسن شي في رحلتنا اني كل يوم اكلم اهلي واخواتي واغايرهم واقول الله برررررررررررررراد ومطر وينقهرون ويقولون يحظكم مهوب مثلنا متنا من الحر :23:
ومن المواقف الي حصلت لنا هناك ( حلوه كلمة حصلت ) مره قال ابو الشباب وش رايكم نروح نشوف القروده قلنا يالله خل نروح نشوفها وطلعنا واثر القروده في نزله يسمونها نزلة تهامه هذي النزله تخووووووف مرررره يعني تنزلين من جبل طووووووووويل مره والله اني مت من الخوف :08: واقول لابونا وش حادنا على هالنزله مهوب لازم نشوف القروده ويصر ابونا والعيال على اننا نشوف القروده وانا مغير جالسه اقرا المعوذات واسمي على نفسي ومطمني راسي مابي اشوف الجبل واقول لهم الحين انا رايحين نتمشى ولا رايحين ننكد على نفسنا :31: وعيو الا نكمل النزله ونزلنا الى ان وصلنا الى القروده ووقفنا عندها عشان نشوفها ولا ولدي الله يهديه ( تكفون ادعوا له ان الله يهديه والله انه مبهذلني ) المهم ولا ولدي جايب معه موزه وحده وما علمنا ومادرينا عنه الا وهو راميها عليهم ويوم شافت القروده الموزه :eek: وتجي تركض على سيارتنا تبينا نعطيها زياده ونروح ونسكر قزاز السياره ونمشي طايرين عنها ونرجع مع هالجبل الي اقول لكم :mad: وشافني ابونا خايفه ويجلس يتميلح ويلفلف في الشارع ويقول شوفي شوفي بنطيح تحت وانهبلت :08: وقلت والله حرام عليك رجعنا للرياض يازينها ويازين حرها على الاقل ارض مستويه :27:
وماصدقت طلعنا من هالجبل بس بعد ماطلعت روحي :10:
وسلامتكم