سفرتي الرمضانية اطباق روعة متجدد باستمرار بالصور

فطر مع بطاطا ورز معجنات وخلية نحل محشية جبنة
للمعجنات ستعملت عجينة ١٠ دقتيق الطريقة فوق والفطر طريقتو كتير سهلة فرمي البطاطا مكعبات صغيرة واقليها وحطيها علا جنب قلي اللحم المفروم وحطي فوقو الفطر قلبيهم مع بعض شوي واضيفي البطاطا مع ملح وبهار وتركيهم لمدة ١٠ دقايق علا نار خفيفة وقدميها مع الرز الابيض.





يتبع

فتة شوربة دجاج مع بطاطا وجزر بالفرن بيتزا سمبوسكة بطاطا مقاية وكبة نية

وهيدي صورة الشوربة بالعدس الاحمر طيبة كتير وسهلة كباية عدس احمر ونص كوب رز قصير غسليون وتركيون علا جنب جيبي بصلة وفرميا ناعم وقليها بشوية زيت وحطي فوقا الرز والعدس واخلطيهم وبعدين اضيفي ٢ مكعب دجاج ثم اضيفي المي والملح والبهار وتركيهم حتا يغلو ويعقدو وكلي بالهنا والعافية لذيذة جدا ومفيدة للجسم
الكبة النية هينة نص كيلو لحمة هبرة ٣ ارباع كوب برغل ناعم ربع كوب زيت زيتون بصلة حبق ونعنع وملعقة فليفلة حمرة مطحونة نفرم البصلة والحبق والنعنع سوا ونضيفهم فوق اللحمة ثم نضيف ملعقة الفليفلة والبرغل الناعم ومنخلطون بايدنا بعد ما يندمجو سوا حطي الزيت الزيتون وخلطيهم منيح بايدك ومديا بالصحن وزينيا بالنعن وصحة وهنا عقلبك

مبدعه 😍👍🏻استمري
يعطيك الف عافيه

ماشاء الله تبارك الله ام علي مين قال لي ادخل موضوعك قبل الفطور هههههههه
بسم الله عليك فنااااانه اطباق مرتبه وشهيه تسلم يدك

وهيدي فطورنا كمان رز علا دجاج كوسا وبطاطا وجزر محشي فتوش ستيك كبة نيه وسمبوسكة

طريقة الكوسا كتير سهلة
المكوّنات
كيلو كوسا
٥ حبات بطاطا
جزرة او تنين حسب الرغبة يكون شوي كبار
كوب ونص رز مصري ( قصير الحبة)
300 غرام لحم مفروم
ملح
نعنع
فلفل أسود
سبع بهارات
صلصة البندورة
صنوبر حسب الرغبة
طريقة التحضير
نقسم اللحمة قسمين قسم للكوسا وقسم للبطاطا والجزر نحفر الكوسا ونقوم بغسله جيدا ونحفر البطاطا والجزر
نقوم بنقع الأرز 10 دقائق
بعدها نغسل الأرز ونضع فوقه اللحمة وجميع البهارات والملح
نقوم بحشو الكوسا بالرز واللحمة وللبطاطا والجزر نقلي اللحمة المفرومة ونضيف صنوبر وملح وبهار حسب الرغبة ونحشيهم فيها
نصف الكوسا والبطاطا والجزر ونسكب الماء المغلي ونضع صلصة البندورة والتوم والنعنع والملح ونتركها على النار لتنضج وصحة وهنا


افخاد دجاج حسب الكمية اللي بدك تستعمليا نحنا ستعملنا كيلو ونص
بهارات دجاج
ملح
فلفل اسود
بودرة توم
بودرة بصل
بودرة الماستردة
بابريكا
بودرة زنجبيل
ربع كوب زيت
نضفي الدجاج وحطيلو بهارات الدجاج وكل البهارات والزيت خلطين مع بعض وتركي الدجاج منقوع حوالي اربع ساعات. بعد اربع ساعات بتحطيه بالفرن لحد ما يستوي.
للرز تحتاجين لكوب ونص رز او كوب حسب رغبتك
عصفر
كاري
بهارات منسف
خضرة مفرزة
ملح
اغلي مي مع رشه ملح وبس تغلي المي حطي الرز بعد ما تغسليه وخليه ينسلق بياخد شي عشر دقايق وكل شوي حركيه وبعد شي عشر دقايق بيستوي الرز بتدوسي الحبه اذا استوت صفي الرز بلمصفايه وبتكوني غاسله كبايه خضرا مفرزة بمي سخنه ومصفيتيه بتحطي الرز بلجاط وبتحطي فوقو الخضرة وبتحطي عصفر وكاري وبهارات المنسف وبتشيلي من زوم الدجاج يالي غلي بلفرن للن بيصير عندو زوم هو عم يغلي بالفرن وبتحطي فوقو بيعطيه طعمه طيبه لان بيكون معقد من الغلي وبتخلطيه كلو مع بعض وبتسكبيه بصحن التقديم وبس يخلص الدجاج بتحطيه فوق الرز فيكي تزينيه عكيفك وصحة وهنا