سفره لا تونسا

السلام عليكم ورحمة الله وبركاتوا

ولا يا بنات الحلال اني لما اتذكر سفرتنا السنه الماضيه امووت من الضحك
من مواقف وهوشات واللي ظاع بس المهم بقولكم السفره من اولها لتاليها
بختصار

اول يوم يوم انا سمنا الخبر السعيد انا بنسافر تشققت :D ورحت ارتب جنطتي قبل
السفر بسبوع من الفرحه

يوم رتبنا اتى ذالك الصباح السعيد والتعيس في نفس الوقت عندما قررت

نجله هي وراعينها يروح معنا

رتبنا قشتنا وركبنا السوبر

بس شلنا الكشن اللي ورى علشان ديره اللي يبون يسافرون

ركبنا طبعا قدام ابوي واخوي مشعل وخالد و سعودي

وفي المرتبه الثانيه امي ومرت بيي واختي نجله و ونوره

واللي ورى الله الله على اللي ورى
طبعنا حفظني الله ورعاني انا وشمه وخزنه وعذاري وهديل بنت اختي
ومعالي والوراعين

وطبعا يوم انا قاعدين متحاشرين زين السياره ما انبطت

مشينا اول منطقه وصلنا لها هي الدمام والخبر

سكنا بالخبر
ولاكن حصل موقف لي لا انساه طبعا بعد مانزل اهلي كلهم الفندق

كنت انا وشمه اخر الناس لانا كنا نتفقد السياره
ولما رحنا كنت انا واقفه عند الاصنصير انطر شمه موقفته بيدي
( قنديزر مو شقحه)

المهم ولا تجي شمه كان اوخر ايدي مادريت ولا يصكر الباب على
كتوف شمه كان تتطلق ذيك الصرخه اللي

قعدت سنه وانا اضحك وانا اطالعها وميته من الضحك

كان ترفع ايدها ومدري وش تقول

وانا اطالعها وماكو احد في العالم ما قلتله

ومن بكره وحنا راجعين من سوق الراشد ( صارت مواقف بالسوق اسكت احسن)

المهم ولا اجيك اعدي ابي الحق قبل لا يسكر الباب ما دريت ولا سكر الباب
على كتوفي كان اصيح وشمه قعدت تضحك ربي ما يطق بعصا

يليتني انا نفس شمه كان ماكو احد بس هندي ينظف انا كان فيه شباب

قولوا بس شنو ما قالوا ضحكات وسلامات وكلام ما اقدر اقوله

كان اروح للشقه وانا كلي بكوه وحزن ليه كذا امنيتي اصير عاقله لو يوم
واحد

وجاء الظهر تغدينا وبعدين رحنا الى مكه اه يا حلوها

ويوم رحنا اثناء ما كنا بطريق كنا نلعب جنجفه ولا يطب علينا مشعل
يلعب معنا
بس ياني خسرت ياني علقت على اذني حق الغسيل

لين ورمت

المهم وصلنا عند اللي نتسبح فيه ما عرف شنو اسمه كان ندخل ولا نشوف ايرانيات
يتسبوحون جيش
ما شالله
كان ندخل رحت طلعت ملابس كان ادخل انا بالول ونوره بالثاني وشمه بالثالث
كان افتح الماي ولا يصبع على ذاك الماي الى ثلج

وقعت اصيح ياووووووووووووو يابرد البرد برداه

والبنات يضحكن على كان ارفع راسي مدري حسيت فيه شي
ولا اشوف شمه تطل من فوق
كان امسك الشامبو وهفه بوجهااا

كان تزلق وقعدت اضحك لين مت من الضحك

كان نمشي عقب ما تسبحنا وتحذف بالصابون والشامبو

ورحنا مشينا لمكه وقمنا نررد لبيك اللهم لبيك ( الله والله ما انسا ذاك الشعور)

كان ابوي يروح يحجز لنا شقه قبل لاندخل مكه علشان نروح على دفعتين

الدفعه الاولى
ابوي وامي ومرت ابوي ونجله وعذاري اختي ومعالى وهديل
والدفعه الثانيه
انا ومشعل وخالد وخزنه وشمه ونوره وسعيدان

رحنا ندور مكان نحط فيه نعولنا لانا ماجبنا كيس معنا

كان نروح نطوف انا ومشعل وخزنه لحالنا ( داجين ما نعرف شي)
وخالد ونوره وشمه لحالهم تواعدنا عند بوابة الملك فهد ( الله يرده سالم)

انزين كان نطوف وكان قدامنا رجال ايراني ومعه 60 ارانيه وراه ويقلول
هو دعاه وهم يرددون وراه

كان يقول مشعل اقول خلونا نردد وراهم وقمنا نردد وراهم داجين
كان نخلص ورحنا صلينا ركعتين

وبعدين رحنا نسعى

والله لا يوريكم السعى صار سبق مسابق اف ( والله مدري شلون عمرتنا )
لما يجون عند هذا الاخضر نسيت اسمه يركضون الرياجيل صار مشعل وخالد وسعيدان

يتسابقون وانا الحقهم وتجرني نوره ابك انثبري

وبعدها لما خلصنا رحنا ندور نعالنا واهوس وادور ما لقيتها

كان الف ولا حرمه ما سكه كيس وتركض كان اصيح مشعل

ابك اطرح المره النعال معها

قام مشعل يلحقها لين صدنها ويم رجع ولا ينقطع حزام مشعل

اف لا تشوفون شكله وانا طحت على الارض من الضحك
ما قدرت اكمل
هههههههههههههههههههههههههههههههههههه

المهم
خلصنا من مكه قعدنا فيها 1 ونص بس ما ملينا كان نروح المدينه

ويوم وصلنا على صلاة الفجر رحنا نصلي

وبعدها رجعنا تريقنا وخمدنا وقمنا الساعه 9 على فتح اروض اللي فيه
قبر الرسول

كان اشوف امت محمد دز مدتزز
كان امشي وادز الحريم وقمت صليت بس شنو صليت اللي تجيني وتكمخني بورعها والله برجلها

كان اطلع من الروض بس لحمد لله اني صليت


وبعدها قعدنا يومين بالمدينه تمشينا فيها ورحنا بعدها الطايف

وقعدنا اسبوع وأهني بدت الفله والهبال

رحنا لمنتزه الجبل الاخضر

فيه لعبه سياراة الله لا يوريك على جبل روعه

لعبنها بس ضحك والله فله وشلون نعلق على بعض

وبعدها لعبنا هذي اللي يدور من فوق لي تحت انا ومشعل
وخزنه
وختلد ونوره
وامي ومرت ابوي
وكلنا العبه ملينها

وقمنا نصيح وضحك وطاحت جنطتي

وبعدها لعبنا لعبة كوخ الرعب يمااااااااااااااااااااااااا


اهي سوالف اهي مصخره دخلنا لعبه انا وشمه ونوره وخالد ومشعل
وعذاري ومعالي وهديل

انزين زاللعبه ماتركبون مركبه لا تمشين على رجيلاتك
كان امشي اول شي دخل مشعل ونوره وخالد وعذاريس
بعدها انا وشمه وخزنه ينا صارت مواقف

يوم انا طلع لي الوحش كان اهفه بجنطتي واصيح ولا تطيح نعلي وقوم ابي اجيبها

كان اطلع واجيبها وارجع ادور الباب ولا اطلع لا تشوفون شكلي

النقاب طلع نص وجهي والعبايه تسحب وراي

وثوبي طلع كان اطالع وابكي اه يا بسه يا بسه

قامو يضحكون كل اللي بره

وانا اطالع كان نرجع بعد اللعب والفله

رحنا لمنتزهنا اللي ساكنين فيه
وقمنا نشوي ونقول سوالف وقصايد واهبال

واستمرينا على هالحال اسبوع منتزهات واسوقه وبلاوي

وبعدها رحنا للكويت وقعدنا فيها شهر بس حتى لكويت اونس

ومواقف وضحك والله ما انساها وخاصه السياره لما كنا متحاشرين
وكنا نلعب ورق وغمزه وشاهي وحب

بس انشالله انسافر السنه هذي واحجي لكم السالفه وتكون اونس من اللي طافت

وجااااااااااااااااااااااااااااو

والله تبي تروح حياها الرحمان بس شقتنا والبانزين عليها