الله يجيب الشتاء يارب على خير ❄☃
ومثل ماتعرفون من يوم مايبدا يتغير الجو تصير البشرة تحتاج أهتمام أكثر وأكثر وطبيعة بشرتي مختلطه ولازم الترطيب طول الوقت ، عاد طايحه لكم على سكراب يجنن وبسيط وماياخذ حتى منكم وقت وأعتقد منتجاته متوفره في بيت الأغلب ، فمره من المرات قد قريت وحده في السناب مايحظرني أسمها بصراحه كانت تستخدم كبسولات القهوه بعد ماتسوي لها أو تستخدم القهوه المطحونه اللي تسويها ، و ماكنت مقتنعه بكلامها أبد مع العلم أنو فوائد القهوه للبشرة مره كثير أقرو عنها بس أهمها تنعيم البشرة وتفتيحها ، مرت الأيام وخلاص نسيتها .
بس قبل فتره خلص السكرب اللي أستخدمه يهبل هذي صورته حطيتها لكم ، ما أستغني عنه أبد ممتاز مره ولما رحت بشتريه من المحل اللي أخذه من عنده لقيته برضو مخلص بس كان فيه نوع ثاني وترددت أخذه، طبعاً أستسلمت وقررت أسوي سكرب القهوه بس ترا الطريقه من راسي ماحطيت عليها أي إضافات زياده 😂
وعشان آلة القهوه عندي حقت الكبسولات اللي أسمها ( دولتشي ) ، واللي أستخدمتها ( كبسولات القهوه السوداء ) .
لما شربنا منها أخذت الحصيله كلها وجمعتها في علبه قزاز صغيره تقريباً كانو اربع كبسولات 👀
وحطيت معها زيت زيتون الكميه ثلاث ملاعق كبيرة وخليتها بالثلاجه يوم واحد بس ومن بكرا أستخدمتها .
تجنن تجنننن أتعب وأنا أقولكم النتيجة مره مرضية تنعم البشرة وتخلي ملمسها كأنو بشرة بيبي ، أنا أسويها مره إلى مرتين كل أسبوع 💖😭
طريقتي أحطها تقريبا عشر دقايق وبعدها أستخدم قفازات الجسم أخذتها من ( محل ميني سو ) حطيت لكم صورته
وتبدين بحركه دائريه وتضغطين بخفيف أبداً لاتسوين بقوه وبعدها تكملين الشاور نفس المعتاد👌
بس بقولكم أنتبهي إذا بشرتك حساسه مادري إذا يناسبك أو لا .
ودائماً بعد ما أخلص أستخدم ( زيت جونسون مع كريم جليسوليد ) على كامل الجسم وما شاء الله الطريقه هذي مره فادتني وإن شاء الله تفيدكم بعد✨
انا احب اخلط معها سدر وكركم شوي بعد وشوفي النضاره والنعووومه 💅🏽