السلام عليكم ورحمة الله وبركاته
كيفكم يابنات
انا من زمان منقطعه عنكم بسبب ظروف خاصه ويمكن تعرفوا مشكلتي من مواضيعي اللي نزلتها قبل ... طبعا انا مشكلتي اني قلت لكم بسكن عند اهلي والكل نصحني اني اسكن عندهم وانا سمعت بنصيحتكم وسكنت
انا كنت قبل ساكنه انا وزوجي وبنتي عمرها 4 سنوات الله يخليها لي في منطقه بعيده عن اهلي واهله وزوجي عنده ديون وقروض والتزامات ويشتغل شغلتين بس عشان يلحق مو ملحقين شي لدرجة انه صار في الفتره الاخيره مو قادرين نسدد الاجار وكل نطلب من اهله وهم بعد على قد حالهم وبعد
ين ملوا خاصه انهم يبنوا بيت ملك ولنا شقه فيه بعد يعني مضغوطين بعد ... وابوه اصر عليه انه يسكن في بيت اهلي لانه عندنا جناح خاص لنا غرفه مع حمام ولها مخرج خاص كل مره اذا نزلنا يومين نجلس فيها واصر عليها نجلس فيها على طول وزوجي وافق بحكم انه ماعنده مجال ثاني وانا اقوله لا ماراح نرتاح احنا ننزل يوم يومين وانت ماترتاح وتتضايق وتتحسس انك جالس في بيتنا شلون على طول وظروفنا ان شاء الله تتحسن ونشيل من الراتب كل شهر للاجار وماسمع كلامي وسكنا الحين عند اهلي وصار لنا شهرين تقريبا ...
المشكله وين ...
بنتي واخوي الصغير اللي كبرها تقريبا على طوووووووووووول خناق بشكل لايطاق واحنا بس جالسن نفك بينهم وهم ولا كأنهم يلعبوا شوي ويرجعوا خناق طفشت من الوضع مانعرف ناكل ولا شي نقوم من على الاكل بسببهم البيت كله صار متوتر امي زهقت واحس فيها بس ماتبي تتكلم عشان ماتجرحني والا الوضع لايطاق واذا اخذت بنتي وجلست مكان ثاني ماترضى تجلس ماتستغني عنهم تبي ترجع تطلع والا اخوي يلحقنا ويقول انا هذا مو بيتكم وش حقه جايين لا تتابعوا التلفزيون ويطفيه ولاتجلسوا على الكمبيوتر ويطفيه لاتشربوا ماي لاتاكلوا اقصد الصغير هو ماينشره عليها بس انا اطفش ... هذا غير انه بنتي صارت عصبيه جدا جدا ماحد يكلمها الا تصارخ من قمة راسها وتصيح متعوده هي على الدلع ابوها مدللها رايح وجاي ماخذها السوبر ماركت وطلعات والعاب والحين ولا شي يجي بس في الاسبوع يوم واحد بس ...
توني قبل شوي لما ضاقت فيني الدنيا كلمته وقلت مو قادره اتحمل خلااااااص طقت روحي وهو قالي انا بعد متضايق ومتندم اني نزلتكم من نزلتوا للحين وانا متحسف قد شعر راسي ساكن لحالي عزابي لا اكل ولا شي ولا احد يهتم فيتي قلت له ياما نصحت بس انت ماسمعتني اهم شي في الزواج الاستقرار والراحه النفسيه والا الفلوس تروح وتجي ... اهلك مع احترامي مو هامهم راحتنا اللي هامهم الفلوس يخافوا نطلب منهم اكثر اذا جلسنا في شقه ... والحين قرر يتسلف وياخذ لنا شقه ... احنا سكنا هنا قصدنا نسدد ديونا ونبني شقتنا بس الوضع صعب اتحمله على طول اخواني يتذمروا من بنتي وانا ماالومهم هي مشاغبه حيل ودلوعه بس بعد ما ارضى عليها انا اللي ماضرب بنتي قمت اضربها ضرب قاسي خلاص ماعاد فيني عقل ما اوزن الامور تعبت من الدنيا ما اقدر اسوي شي لاني مو قادره اصبر واتحمل واحكم بنتي ولا انا قادره حتى اقول لابوها طلعني لانه ماعنده يعني ممسوكين من كل الجهات ايدينا مربطه انا دقيت عليه واعتذرت منه هو مو ناقص بس انا شسوي والله ساعات اقول ليش وافقت على واحد فقير كان ماصار حالي كذا كان ماصرت مسخره للناس انا وحده مدللـه اخرتها هذا حالي والله اهلي مو مقصرين معي بس انا حساسه حيل اقوله لو انا لحالي عادي بس معي بنتي صعبه يتحملونا اثنينا قبل شوي امي قالت لي اذا تخانقت بنتك مع اخوك ماتطيقيه ابد ودك كان انتي تضربيه والله انقهرررررت حيل عمري ماصرخت عليه حتى بلعكس اضرب بنتي جرحتني هالكلمه حيل اخاف علاقتي تخترب مع اهلي بسبب هالمشكله واصر منبوذه بيهم انا وبنتي
والله الدنيا قاسيه علي قاسيه مدري لمين اشكي احس فيني ضيقه مايعلم فيها الا الله ظروف صعبه ماعندنا حتى بيت يلم شملنا وش اصعب من كذا مدري شسوي
ادعولي يابنات الله يفرجها علينا ويهدي بنتي ويسخر لي زوجي والله محتاجه دعائكم وذا انا غلطوني انصحوني وعلموني الصح ارجوكم ساعدوني ماعندي احد اشكيله غير ربي هو العالم بحالي وبالضيق اللي انا فيه صار لي 5 سنوات متزوجه وانا في عذاب كل يوم اقول بتنفرج ماعليه واصبر نفسي بس اشوفها كل يوم تتعقد اكثر
بس الله كريم
بانتظاركم
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
حبيبتي
اقعدي بجناحك وسكري بابك
لابنتك تروح لاهلك ولا اخوك يجي لعندك
اصبري الدنيا صبر
يجيكم شقه الملك وترتاحين ان شاء الله
اقعدي بجناحك وسكري بابك
لابنتك تروح لاهلك ولا اخوك يجي لعندك
اصبري الدنيا صبر
يجيكم شقه الملك وترتاحين ان شاء الله
الصفحة الأخيرة
انتي تقولين لك جناح خاص فيك خلاص اجلسي انتي وبنتك ولاتنزلين لأهلك كثير
عشان لاتتضايقين ولاتضايقينه
الله يفرج همك يارب