بنتي عمرها سنتين ونص واشوف وزنها زايد شوي ( يعني دبدوبه شوي ) ومره متضايقه واكلها عادي مو كثير بزيادة ولا قليل يعني تتغدى رز مع شوربة كويكر وبعده رضعة حليب والعشاء زبادي بالعسل وممكن اعطيها موزه ووزنها تقريبا 16 كيلو
فسؤالي وش الوجبات اللي ممكن اعطيها اياها تفيدها ولا تزيد وزنها
والحليب وش النوع اللي مايزيد وزنها ويكون متكامل العناصر
وشكرا

السلام عليكم ورحمة الله وبركاته..

يعطيك العافية دكتوري الفاضل ..

جسمي من النوع القابل للسمنة جدا ونزول وزني جدا بطئ ..

طولي 152 ووزني 95 جربت كل انواع الرجيم تقريبا يكون النزول اول اسبوع فقط ثم يثبت الوزن ..

سؤالي هو هل تنفع لي عملية ربط المعدة ؟؟ وايش ايجابيات عملية الربط وسلبياتها؟؟

واي افضل التحزيم او التدبيس ؟؟

ولكم جزيل الشكر

اهلين...
مارايك يادكتور بحبوب الريدكتل؟؟والزينكل؟؟وايهم افضل ؟؟

ارحب بالدكتور في المنتدى وادعو الله ان لايحرمك الاجر على سعة صدرك ومساعدتك للأخوات
انا متزوجه
عمري 30
لدي 5 اطفال
وزني كان قبل ماسوي ريجيم 84 الان 74
ومستمره بأذن الله بس مع اني مانزلتوزني بسرعه في خلال خمس شهور واسوي رياضه بس جسمي ماشد بسرعه احس في ترهل
اخاف تكون في انواع من البشرات ماتنشد ويصير جسمي مترهل واخاف استمر في الحميه يترهل اكثر
وش الحل
وش الفيتامينات التعويضيه المفضله للأستخدام مع الحميه عن تساقط الشعر والحفاظ على البشره
وجزاك الله خيرا

** هل صحيح ان من يأكل ويستفرغ اكله منذ كان صغيرا يصبح سمين ؟؟ يعني مايمر الاسبوع الا مستفرغ اكثر من مره ؟؟

وهل هذا دليل على مرض ؟؟ وهل له علاج ؟؟ ام يعتبر شي عادي ؟؟


** هل كثره الجلوس تسبب كبر الارداف ؟؟ وماهو الحل في تنحيفها؟؟