سلفتي والغيره

السلام عليكم
بدخل بالموضوع
انا متزوجه من 5 سنوات
جاتني سلفه مالها حتا 7 شهور هي اكبر مني عمرها 28 مخلصه كليه وانا عمري 20 هذا باذن الله اخر سنه لي بثانوي انا ولله الحمد احلى منها وهي مابها شيء حلوه المهم من دخلت البنت هذي وهي بس تدقني بالهرج واني انا مافهم شيء وانها ايه المتعلمه والمثقفه وانها صغيره بالعمر مشاء الله تحب تكشخ وتلبس انا عكسها لاني حامل وكنت دايم تعبانه استشور شعري احط بلاشر كحل وزي كذا هي لا تلبس وتبالغ وهذا شيء انا مالي دخل فيها الله يهنيها بس الي يقهرني يوم تقولي يحق لي زوجك يتزوج عليك طيب يابنت الناس انا ماقلت لك شيء بالعكس خليتك اخت لي ليه تسوي كذا معي كلمت امي قالت مثل ماتسوي سوي انتي
انا والله اني ع نياتي وماني كارهتها حتا ع هرجها اطنش عشان مابي زوجي واخوه تسير بينهم مشاكل والسبب نحن بس ابي نصيحكم كيف ارد عليها عشان تحترم نفسها مابيها تقارن بيني وبينها هي الحين حامل لها6 شهور وانا نهايه 8 انا البس فساتين الحمل ماحب البس تنانير وبناطيل لان صعه عليه وهي تتعمد تقولى لو انك صدق حلوه ع كلام اهل زوجك البسي مثلي خلينا نشوف الحلى قلت ي قلبي الحلى حلى الروح موب الشكل وي بنات عندها اسلوب يبط الكبد ترد عليك رد جامد وبضحكه يعني اني ماسويت شيء
وماتحترم حد حتا ام زوجي تسلم عليها عادي ماتحبها ع راسها ولا ع يدها
تتعامل اني انثى رقيقه وتنعم بصوتها
والله يشهد علي ان ودي نكون اخوات ومع بعض بس هي مسويه حواجر والمشكله انها هرجها كله كذاب تقول انا مالبس الا ماركه برشكا ونتشي مانقو وهي خرطي اكتشف قبل اسبوع انها تروح تب تن والصواريخ والخيمه
انا عمري ماقلت لها بالكذب وانا ماحب اروح الا الاندلس بس مقد قلت لها عشان زوجي يقولي مانبي مشاكل الي عندك عندك مو لازم تعلمي احد هي لتهرج هرج بالكذب

تكفون ي خواتي اعطوني الحل معاها
والله يعطيكم الف عافيه