سلفتي وام زوجي المسكينه

خواتي والله حبيتكم وحبيت اشكيلكم همي وابي رايكم
انا متزوجه من شخص مايقرب لي وعندهم بداخل العايله مشاكل من قبلي وصايرين حزبين حزب الام وحزب الاب لان ابوهم تزوج على امهم واول مادخلت عليهم طبعا حاولوا يشدوني كلا لحزبه بس انا بالبدايه كنت يم عمتي شوي لين بينت الحقايق وقدرت اني ماكون مع احد ضد احد المهم عند عمتي في وحده من سلفاتي تصير بنت عمهم مسيطره هي وامها عليهم كثير >>على ام زوجي واخوات زوجي لدرجة انها ساكنه بالشقه الي قبالهم وتاركه بيتها هي وبناتها وتاكل وتشرب وتوسخ هي وبناتها ببيت عمتي وعلى قلب عمتي زي العسل لانها تحب تجامل ام زوجي وتضحك عليها بالحنه والدهان وهالحركات والي يقهر اكثر ويبط الكبد ان الشغاله الي عند ام زوجي.. زوجي هو الي يدفع راتبها وجايبها لامه و بنته الي امها ماتت لانها عايشه عند جدتها وتخيلوا مين يتخدم بالشغاله ...سلفتي هذي الي اقولكم لدرجة انه في العزايم هي الي تامر وتنها فيها وياويلها لو ماتمسك بناتها وتاكلهم وتنتبه عليهم وتروح معها تنظف البيت ولا بعد تقوي الشغاله على بنت زوجي وكذا مره مسكينه البنت تجي تشتكي من الشغاله مع ان البنت كبيره بالثانوي ماتحتاج خدمه او تتعب احد ومع ذلك عمري ماقلت لزوجي لا تجيب خدامه لامك لان رضا الوالدين عندي فوق كل شي
والحاجه الثانيه الي تقهر بعد لما اجي ازور ام زوجي انا او احد غيري تخلينا ننتظر هالست لين تجي حتى لو القهوه محطوطه مع انها تقدر تجي من بدري لانها عند ام زوجي 24 ساعه ولا عندها وظيفه ولا شي يشغلها واذا قلنا ليش تاخرت قالوا والله عندها شغل <<<امحق شغل الله يخلي شغالة زوجي
بنات انا ابي طريقه بحيث اعرفها قيمتها واحسسها انه عيب تسوي كذا لانها تبي تسوي مهمه ولاحسه عقل ام زوجي وانا من حركاتها ذي والله صرت ما اكثر من زيارتي لام زوجي بسببها وسبب حركاتها وخصوصا اذا شافتني قامت تستعرض وتخاصم في الشغاله وتسوي حركات تغيضني وانا بصراحه انسانه ماحب اسلوب الدحلسه ومسح الزبده ويوم اشوفها تسوي حركات دلع مع عمتي واني انا باسرق الجو اصير اكره اجي عندهم وافضل انسحب وتصدقون ان كل سلفاتي عندهم نفس الشعور
والله يابنات لو تشوفون بيت عمتي مسكينه انه زباله بسبب بناتها وهي بيتها مقفل محد يجيه وعمتي مو حاسه بشي تحزن والله ابي الحل منكم مع هذي الحيه الناعمه