سلفتي ومشاكلها اللي ماتخلص

السلام عليكم
انا تعبت من سلفتي جداااااااااااااااااا
صرت اطنشها عشان مااحتك فيها وتسببلي مشاكل
يابنات طلعت تتكلم عليا عند اهل زوجي وتتصل تجر كلام وتنقله
واذا اخت زوجي قالتلها ماشاءالله شفت زوجة اخويا يعني قصدها عليا لابسه ومتزبطه بدون سبب تروح سلفتي تقول لالالالا بس عشانك مريتي عليها وسلمتي انتو مره مكبرينها مو عشان زوجها بلا مبالغه طبعا هذا اللي وصلني من اخت زوجي
بالله كيف بلبس واتزبط وانا ماادري ان اخت زوجي بتجيني سريع سريع وتسلم ؟؟
هذا موقف
الثاني
مره ارسلت لها اكل ومتعوده ارتبه ... عارفين ايش سوت ..؟؟؟؟
اخت زوجي الصغيره من ابوهم عشان هيه ارسلتلها الاكل لانها بتتغدى عندهم تقوللي ... راحت لخبطت الرز والعيش ((الخبر)) خلته في نفس التبسي الكبير لاني حاطة في سله صغيرة وشالت الزينة اللي على الاكل وخبصت الاكل تخبيص وحطته على السفرة !!!
يعني هذا ايش يتسمى ؟؟؟ تشوه صورتي عند زوجها عشان خاطر لايقارن
انتو عارفين هذا يتسمى ايش
انا تعبت منها بجد ماني عارفه كيف اكلمها وخايفه اصارحها بالاشياء هذي واسوي مشاكل مع اللي وصلولي
غير عن كذا يوم عرفت اني حامل كل شوية تتصل تسأل عن اشياء ماتخصها بس من باب الغيرة
يوم اقول انو جاني صديد تروح تقول هيه مرييييضة وتعبانه ومهمله !!!
وانا قلتها بحسن نية عشان سألتني كيف الحمل معاكي
حتى المستشفى اللي اتابع فيها وبولد فيها تعيب فيها عشان ماتبغاني اروحلها
وفجأه طلعت هيه راحت للمستشفى ماادري هيه كيف اتحملت عيوب المستشفى !!
صارت تدق واطنشها واقول مره ثانيه مابارد عليها الا نادرا ومااااااااااااااتفهم الاقيها فجأه نطت عندي البيت تقول ليش ماتردي على الجوال
تجر اخبار باي طريقة حتى لو كلفها الامر تذل نفسها ماعندها مانع
يابنات كيف افهمها انو علاقتي سطحية معاها وخلاص ماابغى بيني وبينها شي خاص
لاني يوم اتزوجت كنت هبله فرحانه فيها واحسبها اختي يوم تسألني وتكلمني طلعت تقول كل شي بيننا للناس
وائتمنتها على سر واحد طبعا مايخصني انا وزوجي راحت ماخلت على قلبها احد ماقالتله وبعدها انا انقرصت منها واخذت درس وهيه ماااتفهم غير عن كذا هيه انسانه حشرية تحشر نفسها في كل شي وانا انكسف اردها
كل مااقول خلاص بصارحها .. اتردد واقول بلاش مشاكل يمكن تفهم
وهيه ولاولاولاولاشي
واخيرا واهم شي مره كنا في بيت اهل زوجي ودخلت الغرفه وقالت فيه واحد بره بسم الله بس يطالع فيه واحد منهم قصدها على اخوان زوجها اخاف يطلع زوجك ويكون طالع فيا انا قلت شكلو زوجك باين انه هوه
بتشككني باي طريقة
وزوجي وقتها راح يجيب العشا من برا وهيه ماهي داريه
والطامه الكبرى انه خير شر ماكان فيه احد من الرجال في الصاله كلهم في قسم الضيوف عشان جاهم قريبهم من بعيد على فجأةوهيه لسه ماوصلها الخبر
والله انا تعبت انا حامل ومابتعب نفسي بكرا قدام الناس تفشلني ويصدقوها مااحب اجلس في مكان والحريم يقولوا هذي زوجها وزوجها وزوجها وزوجي ماشاءالله والحمدلله الله يخليه ليا مو من النوع السيئ نهاااااااااااااائي
بس ابغى طريقة كيف احسسها انو علاقتنا صارت سطحية وعاديه واقل من عادية ؟؟؟ واحسسها اني اتضايقت منها ومن تصرفاتها ونفسي اعطيها درس بس بأدب عشان محد يزعل من احد لان علاقتنا عشرة عمر مو يوم ولايومين ومابخرب شي او اخرب اللي بيني وبين اهل زوجي الوضع مو ناقص