** سلووم الداجّ والرئيس الامريكي**

كان سلوم جالس مع شلته ،وكل ما حكوا الشله عن واحد مشهور نط لهم سلوم وقال أعرفه هذا من ربعي.
المهم ما بقى أحد ما أعرفه سلوم ..
قام واحد من الشباب ينقال له سعيدان بعد ما فاض به الكيل
وقال لسلوم : أنت كذاب
قال له سلوم: هدي اعصابك يابو الشباب كيف تبيني أثبت لك
قال سعيدان يالله نروح لم عادل إمام اذا كنت صادق
راحو لعادل إمام وطقو باب شقته ويوم فتح لهم ويشهق ذيك الشهقة
وقال الله سلوم أزيك ياراجل ، فينك من زمان ، لازم تتعشوا عندي النهار ده ومش حتروحو أبل العشا أعتذرو منه الشباب وبالموت تخلصو منه.
قال سعيدان :مستحيل هذي صدفه
ان كانك صاز ياسلوم مشينا لم مايكل جاكسون
راحو لمايكل جاكسون .. وكان يصور فيديو كليب ، المهم يوم شاف سلوم وهو الي يقطع التصوير ويجي ركض لمهم ويصرخ بصوت عالي(( واااااااااااو سلوووووم وير آر يو منذو مبطي وي آر يو لآخر الحتسي اللي انتم خابرينه )) المهم ويسلمون عليه ويلزم إلا يسهرون عنده ، أعتذرو الجماعه منه بعد ولا فكهم لين وعدوه يردون الزياره
المهم قال سلوم لخويه: هاه وش رايك
رد سعيدان ، الصدفه يمكن تتكرر مرتين بس مستحيل تكرر ثلاث
قاله سلوم أختر الثالث من هو
قال سعيدان: بل كلنتون يوم كان رئيس
راحو وقفو قدام البيت الأبيض والا الزحمه والناس مظاهرات والحرس مشددين الحراسه
قال سلوم لسعيدان: أنت أجلس هنا وأنا بروح أدخل على كلنتون علشاني أعرف الحرس ويبون يدخلوني ، وأبي أشر لك من بعيد معه

قال سعيدان زين

فعلاً بعد شوي طلع كلنتون وسلوم مع الشرفه وهم يأشرون لسعيدان
رجع سلوم لم خويه سعيدان والا هو مغمى عليه
قام يصحيه ويرش عليه ماء ، ويقول له: كل هذا لأني أشرت لك مع كلنتون
قال سعيدان لا لا لا :

بس يوم كنتوا تأشرون ، الأمريكان الي كانوا واقفين حولي يقولون من ذا اللي مع سلوم