سمنتي عقدت حياتي

لسلام عليكم ورحمة الله وبركاته..في البدايه اشكر كل القائمين على هذا الموقع وجزاهم الله خير الجزاء..

انا فتاه عمري 20 سنه مشكلتي تتركز حول وزني المليان حيث انه بلغ 78 كيلو وطولي 162 يعني سمينه بالاصح ومجتمعي لايرحم السمينات رغم انه فيه سمينات مو بس انا 

بس تعقدت من جسمي بدرجه فضيعه احس اني اقل منهم واحس شكلي قبيح بينهم والاكبر من هذا اهلي طايحين فيني سب وشتم بجسمي بالله عاد انا معجبني جسمي والله مو عاجبني بس هذا خلق الله لي 

وقبل سنتين سويت رجيم قاااااسي ونزل وزني 8 كيلو وكنت ماشية تمام وو لكن فرحتي ماتمت الكل صار يمدح في جسمي انه صار حلو ووقل رجيم واكل من المطاعم وحلو ووو وبعدين تركت الريجيم ورجعت حليمه لعادتها القديمه رجع وزني مثل اول وزياده

ورجعت التحطيمات والتهزئ لدرجة اني اجلس ابكي من القهر ليش انا سمينه ليش انا منبوذه وحاليا صايره احس اني للان ماحبيت بسبب جسمي رغم ان صديقاتي المقربات اللي من نفس عمري مرتبطات وعلى وشك الزواج حتى في بحس الذكور ما يحبون يتقربون مني بسبب سمنتي

دايم احس بالنقص مافيني ثقه بنفسي ابدا تعقدت من جسمي احس بتجيني حاله نفسيه من كثر ما انا متعقده من جسمي واني ماراح اتزوج وربي ضايق صدري لدرجة انه حتى الاطفال يستهزؤن بجسمي وينادوني يالدبا يالدبا

وربي احس اني منبوذه رغم اني امتلك صفات وجوانب حلوه من شخصيتي مثل اخلاقي الرفيعه وتفوقي دراسيا وامتلك صفات بشكلي الخارجي حلوه بغض النظر عن جسمي اغلب البنات يتمنون نصف ما املك وحالتي الماديه حلوه والبس افخم لبس وشياكة واناقة ويحسدوني على علمي وعندي نظرة بالفن

لكككككككككن جسمي عقدتي في حيااتي وسبب شقائي استغفر الله العظيم من كل ذنب عظيم ما ابغى اسخط واعترض على قضاء ربي وخلقه لي بس الناس ماترحم..اتمنى اني الاقي مساعدات واراء وايش اسوي ولصراحة انا مليت رجيمات من انا وعمري 12 سنة بحاول اسوي رجيم بس اموت وانحف شوي بليز ساعدوني ..وجزاكم الله كل خير ..