سنة اولى زواج ..سنة عاشرة زواج !!!

المرأه في السنه الاولى

الساعه 6:30 صباحا
================
تودع زوجها وهو طالع للعمل وتقول له بتوحشني يا حبيبي

الساعه 11 صباحا
==============

تتصل عليه في العمل وتقول له حبيت اسمع صوتك بس ياعمري..

الساعه 3 العصر
=============

تستقبله وهو متشيكه وتبوسه وهو داخل للبيت وتقول له
الغدا جاهز يا حياتي ..تحب احطه لك الحين ؟

الساعه 5 العصر
=============
تصحيه من النوم ببوسه وتقول له اعمل لك شاي يا حبي ؟

الساعه 6 المغرب
===============

تسبل عيونها وتقول بكل خجل يا ريت يا حبيبي .. يعني لو
ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري و قبل ما ينطق بكلمه اذا ما
تقدر خلاص مو لازم وطبعا يضيع هو في نظره من عيونها
ويوديها لاهلها ولو انهم ساكنين بعيد...

الساعه 8 بالليل
=============

تتصل على الجوال وتقول اشتقت لك يا عمري .. يا ريت
تمرني ونروح للبيت وطبعا هو عارف وش بيجيه في البيت
فيطمر ويقول للشباب اسف والله يا شباب راسي مصدع ولازم امشي ..

الساعه 10 بالليل
==============
تجلس في حضنه وتقول الله يا حبي تتذكر ؟ تتذكر ايام
الخطوبه لما كنت تعمل المستحيل عشان تشوفني ..وانا ياما
كذبت على ابوي وقلت له اني طالعه مع امي وانا اصلامتفقة
مع امي عشان اطلع معك وبعدها هات يا غزل لمده لا تقل
عن ثلث ساعه..

الساعه 11 بالليل
==============
الوصول الى هذه الصفحه غير مسموح ……….الخ

بعد مرور عشر سنوات !!!
*******************

الساعه 6:30 صباحا
===============
هي في سابع نومه

الساعه 11 صباحا
==============
هي برضه في سابع نومه

الساعه 3 العصر
=============

تستقبله وهي نافخه خشتها وتقول شف لي حل مع ولدك علي
هذا ..حتى الان ما حل الواجب وبنتك شاقه مريولها في المدرسه …عطني فلوس لازم
اروح اشتري لها واحد غيره … وصويلح يبي علبة هندسه لازم اشتريها له لان
الاختبار صار بكره …
وترى موضي تكنفست مع الدرج وهي كانت في المشايه … والظاهر انهاتعورت …كله من هالشغاله الله يا خذها ….اسمع يا انا
هالشغاله في هالبيت ….ابيك اليوم تسفرها ما ابي اشوفها
وابيك بسرعه تقدم على وحده ثانيه ….وما ابيها تصير
حلوه …..يا ويلك لو صارت حلوه …..وبعدين شغالتي ابيك
تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ما تدري ان
اسرار بيتهم كلها عند الجيران من لسانها هاللي وش طوله
و …و …..و

الساعة 5 العصر
=============

هي تفك هوشه بين البنت واخوها ويصحى هو على صوتها وهي
تهاوش وتدعي عليهم …جعلكم للوادي المتصدع …جعلكم للحمى القلاعيه ..الخ

الساعه 6 المغرب
===============

هو جالس يشرب الشاهي وهي تقول نبي نروح لامي بتجيهم
بنت خالة جد ولد عم ابوي ..وبعدين نبي نروح نشتري للبنت

مريول ..وبعدين بنت عمي والده ولازم اروح اشتري لهاهدية
من باتشي و ابي امر على المشغل ..وبعدين حطنا عند اختي
في الشفا من زمان ما شفناهم …………..
وفي هاللحظه فكر هو انه يشتغل ليموزين احسن له

الساعه 8 بالليل
==============

تتصل على الجوال وينك فيه ؟ وبعدين وين بتروح ؟ ومنهو

الي معك هذا ؟ ووش بتسون ؟ ومتى بتجي ؟ لا ما فيهالساعة 11..تعال الساعة عشرة ..

الساعه 10 بالليل
==============

جالسين هي وياه عند التلفزيون ..اخيرا هدوء ..والعيال
نايمين ..والجو جميل ..وفجأه تطالعه وهي ماده بوزها
وتقول الحين امك وش عندها اليوم ما ترد يوم اني سلمت
هاه ؟ والله ما ادري كان سالتيها واختك وش
هالحركات الي مالها سنع …ليش عازمه الجيران وكل حريم
اخوانك الا انا ؟؟؟ لكن هين والله لاسوي عزيمه وما
اناديها …اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما ما
نيب زايرتها اذا ولدت ……وبعدين بنات عمك وش عندهم
نافخي نعمرهم ؟؟ على ايش ابي افهم ….على جمالهم الزايد اللهم
لك الحمد بس ...زتسكت شوي بعدين تقول وبعدين اختك نوره يوم
انها تقول ان علي ولدي يشبهني ما يشبه ابوه وش قصدها
هاه ملاحظه علي هو اشين اخوانه..انا فاهمه قصدها
وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد الي هو الزوج حلو مره و3 من حريم
الجيران قد خطبوه لبناتهم ….من زينك بس ما ادري وش
لاقي نفيك . يسكت وما يرد , تسكت هي ثم تقول.... وبعدين اخوك
شاري لحرمته ساعه قيمتها عشرين الف ريال... يرد طيب وش
المشكله ؟ وانا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ..شينه
وطبايعها شينه وحتى طبخ ما تعرف تطبخ خلاص اشتري لك
ساعه تعصب وتقول ..ايه تسكتني بهالكلام ….والله لانت
شاري ولا شي... وش تبيني اقول يا بنت الحلال ؟ تقوم
وهي تبكي خلاص ما ابي منك شي

الساعه 11 بالليل
===============

هي زعلانه ونايمه مع العيال:30:
وهو يلعن الساعة اللي اتزوج فيها:34: :25: :23: ::23: