سنتين ساكنه بالشرقيه ولاأعرف أحد

السلام عليكم ورحمة الله وبركاته ..
أنا عضوه جديده معاكم وأتمنى ألقى عندكم الصدر الرحب لي ولغيري لزائرات هذا المنتدى الرائع جدا ..

عمري 23 أنامشكلتي مشكله مامرت على أحد عايشه بوحده فظيعه وا نا بوسط الناس :06:
قبل سنتين قدر الله علي وتزوجت ضابط عمله بالشرقيه والحمدلله الديره حلوه صح إني بداية الأمر كنت بموت كل شئ جديد علي وجيت الظهران على الصيف والجو كان ذيك السنه حرررر وكرهتها زياده وأنا جايه من الطائف البراد كله, ومع الوقت سليت وحملت وجبت ولد وش زينه بس من جد أحس الوحده من غير معارف وجيران وصديقات ماتسوى وخصوصا إني إجتماعيه وحبوبه بشهادة اللي حولي بس وش أسوي كل اللي قابلتهم ماجازولي , دايم زوجي يقولي قدمي على الكليه إنتساب يمكن تشوفين أحد يناسبك ويكون مثل صديقاتك اللي غاثتني فيهم (( يازينهم وأنتم بعد تهبلون)) وأقول خايفه على ولدي من الشغاله , وأنا بصراحه ماأبغى أكمل كفايه( دبلوم معهد المعلمات) وقاعده أنتظر التوظيف يااااارب ,,:44:
أنا طولت عليكم من القهر اللي فيه نفسي ألقى عندكم حل يساعدني أو إذا كان فيه وحده تعاني نفس معاناتي نتعرف على بعض ونخلص ... يمكن كان موضوعي غريب شوي بس أرجوكم
ماتفهموني خطأ لأني قاعده أنقل لكم بكل صدق وأمانه الشئ اللي قاعده أمر فيه .
ولكم مني خالص الدعوات بالتوفيق والسعاده