سندريلا غامد وزهران

الترفيه والتسلية

سبحان الله كما ينبغي لجلال وجهك وعظيم سلطانك
دمعي لونزل نزل في شئ (ينـفـعـني)
نزل للخالق الواحد(وابوي وامي)والقطاعة





§سندرله غامد وزهران§

كنا قعادى أنا وأمي وأختي نتقهوى قشر وبسكوت ابو قشطه لن جايت جدتي
وقالت: معي لكنه قصه وأسمها <سندرله>

كانت ته البنت هيله جهدا ومعها ( دراهم منقود) وماتت أمها وتزوج أبوها واحده قرده
يوه ياتياك الخلقه فيها قاحية ماهلا تتخدم بالضعيفه سندرله وتتولجها بالعلاقه

عشان ماتذلي أحسن من بناتها حسبها الله هي وبناتاها

وغدت سندرله تتقضى لخالتها مقاضي من الدكان ولنها تلقى ذاك الرجال قال :هاك تعالي يمه أهرجك

قالت:والله ان ودي لكن مامعي بصيره آجي مسكن بتخبطني خالتي

قال: أوووه؟

قالت: مدري عنها بقعا تيه
قال: هالاعد ألزمي ( تالورقه ) آهي دعوه من الملك عشنه بينكح لولده<شارل> عاد عزب ووده يتلمح فالبنات هم ياخذ أحسنهنه.

وعودت ضعيفه ولنها يوم تلهمت وتعدي لاعند خالتها وأورتها الورقه
بغت تنشدق خالتها وأنتفرنه هي وبناتها في غرفهنه وسمينه يتخرجنه ماجوف الدواليب وتلبسن تياك ( ألكرت تخرع )
وسندرله ( قطع الله روحي يانا ) افلحت( تسوط لهنه وتركب على لحمه معها)
وهنه ماهلا( يتزغدنه ) ويتمارينه قدام الميراه وكل واحده تقول أنا ماشي كمايه ( وسمينه يتعايرنه ) وسندرله ترقبهنه عفيت

وهنه فوقها أفحمنها

هاك

افلحي

عودي

اندري

اطلعي

والله انها لقهرت لكن ماتطيق تهرج من جور بيلحقها فديت وأفلحنه عند الصلح يتساعينه يخرعنه قبيله

وسندرله ذيب تمرع مواعينها لن بديت وحده عليها معها <عصاه>
ونطي انتي ياسندرله بغى يغدي عقلها ضعيفه ولبستها ذاك المخيط أخضر مقصب محسنه وعصبتها بذاك المعصب الأصفر يشعي فوق هلهول سوادها مذرا

ماشي كماها وهبت لها غراز وعذق كادي وهبت لها رشرش وحزام وأعطتها تليك أزرق ولنها عليها ذكر الله

وحولت عربيه النثله لعربيه يسوقها كعي وقالت ميدها هاتحصني وافلحي وعودي الساعه 12

هفلحي افلحي ودعت بك ذا خلقك

قالت سندرله:(ابشري) نعمه لابديت منهم معني أتلهوى يخته

ويوم بدت من ورى الباب لن من فالصاله يوم هلل وكبر من زين وهياله فيها وان شارل فاغر ماينوس أبوه يدعيه <ما يشره ضعيف>
(وسموا يلعبون ويقصدون ويسايفون لها)
ولانها يوم ذلت الساعه ١٢
قالت: يوووه ياشارل ياحسفي حسفين حل خلني أفلح!

ويجتبدها من ثيابها

قال: أعقبي ان كان تفلحين ذلحينه مابعد تعشينا

أفلحت تسعى من درجان تهول من طول فيها وطيحي ياسندرلا وانسلتي يازنوبة الهم من رجلها لن ماعد يمديها تعود تاخذها
وشردت وغدى اشتل حذيانها شارل وأفلح يسعى (آربه بيلحقها يقطبها) لانها علينا اسم الله ماعد لها الطاري

وصلت البيت الساعه ١٢ خرعت وزفرت ذيك الزفره يسمعونها من أسفل تهامه

عودنه خواتها (يتشاكينه )من تياك البنت تهول
وجا شارل (وسرب) واحد يغدي ويقايس الزنوبه على بنات القرية كلهنه ومابقو ولا بيت وصل عند بيت بقعا خالة سندرله وخواتها

جينه خواتها يتداحشنه كل واحده تقول أنا بأتقايس أول شي
وسحبت بأذانيهنه أمهنه
وقالت: قرينه ياعفاريت عشان يختار هوه وش ذا الغلب أنا عليه منكنه.
وبغينه يقطعن الحذيان عسب تياك الارجول معهنه علينا اسم الله
ويالله كل واحده والثانيه كما بقعاء

قال الرجال: أغدوا ادعو ذيك البنت ترقبنا من قبيلي

وبدت سندرله وأبت تتقايس الزنوبه وتنصحوا منها وغصبا واتقايستها
ولنها قاره وقمن عليها بيخبطنها وينفر فيهنه الرجال وأستحينه وسكتنه

وذلت ترتجف ضعيفه وافلحت سندرله مع الرجال عند شارل

قام شارل من فوق الكرسي

وقال: يانا فدا البدية ومن هي بديته أهو انتي يا محسنك ؟؟؟
وهي تنتفض من مزا فيها؟
وعود أبوه وسوا لهم ذاك الصلح الفرجه ماشي كماه في غامد ولا زهران

وأحسن مافي ذاك الصلح خبزه الملة تهول وذيك المرقه تهني بالهنا
والله والله يابنتها إنها تزيد في العمر
وذلينه خواتها وخالتها يتحببن عليها لكن بعد إيش بعد ماسمسمنها.
وته رويتي لكنه
والسلام


22
2K

يلزم عليك تسجيل الدخول أولًا لكتابة تعليق.

تسجيل دخول

الماهرات
الماهرات
ياحسافتك ياسنديرلا يسلموا..................الماهرات
&نون&
&نون&
يسلمو على الطرح
اردنية كول
اردنية كول
حاولت وعصرت مخي عشان افهم سلامتكم تيتي تيتي مثل ما قريت قريتي يسلمو خخخخخخخخخخخخخ
|*. نجوم الليل .*|
أنا غامديه ... فهمت جزء من الكلام ....

واعتقد ان هذا فيه سب للغامدي والزهراني ولهم كل الفخر ..

واظن مافي أحد يرضى أن أحد ثاني يتكلم في أسم فخذه ..

و ياليت ماتجيبون مثل هذه المواضيع اللي فيها عنصريه

أسفه على الاطاله ......
I love the Lord
I love the Lord
أنا غامديه ... فهمت جزء من الكلام .... واعتقد ان هذا فيه سب للغامدي والزهراني ولهم كل الفخر .. واظن مافي أحد يرضى أن أحد ثاني يتكلم في أسم فخذه .. و ياليت ماتجيبون مثل هذه المواضيع اللي فيها عنصريه أسفه على الاطاله ......
أنا غامديه ... فهمت جزء من الكلام .... واعتقد ان هذا فيه سب للغامدي والزهراني ولهم كل الفخر...
انا غمديه وأفتخر

غــــامد وزهــــران


أتى إليّ على مهـــــلٍ ونــادانــــــي
حييتــه فدنــا نحــــوي وحيانــــــــي

فقال لي غـامديٌّ أنت ؟ قلت بلـــــى
إن شئت من غامدٍ أوشئت زهراني

فقــــال لي وبإعجــــاب على مــــلأ
هذي شهامــــة إنســــان لإنســـــان

لله أنتــم رجـــــالٌ ظـــل يجمعــكـــــم
حسن الجـــوار لأزمــــان وأزمـــانِ

ماقـيل غامــد يومـــا في مناسبـــــةٍ
إلا وجــــاء قرينا ذكــــر زهـــــــران

اسمان قد عطفا بالواو وامتزجــــــا
فليس يذكر هذا دونمــــا الثـــــــــاني

نـــــدان مالهمـــا نـــــدٌ ولابــــــــرزا
إلا لفعل جميــــــــل أو لإحســــــــان

لو أن غِمدا حوى سيفين كان لكـــم
سبقٌ بأنكما في الغمــــد سيفــــــــان

أوأن سيفـــاً له حـــدان كان لكــــــم
فخـــر بأنكما للسيــــــف حـــــــــدان

تاريخكم سطرتــْـه أياديكم وتعرفـــه
كل البريـــة من قاصٍ ومن دانـــــي

تاريخكم حافلٌ برجـــال كلما ذُكـــروا
كانوا لخيـــر مقـــال خيــــر عنـــوان

أنتم بنو الأزد يكفيكــــم به شـــرفـــا
أصل كريــــم له في النــاس فرعــان

قوم كرام اباة الضيـــم ما وُصمــــوا
يوما بعيـــب ولا ذُمـــوا بنقصـــــــان

لم يعرفوا اليأس في يوم ولا جبـُنـوا
ولا استكانوا إلى ضعفٍ وخــــــذلان

مثل الأسود الضواري في شجاعتهم
وفي السخاء كبحـــــرٍ دون شطــــآن

أسماؤهم في سماء المجد لامعــــــة
وعزمهم والجبـــال الشـــم صنـــوان

اذا نظــــرتُ إليكــــم مارأيتُ ســــوى
ابنـاء عـــم وأرحــــــام وجيــــــــران

فقلت حسبــك يامــن قد أثـــرت بمـــا
ذكرتَ صدق أحاسيسي ووجـــــــداني

لاتسألنـّي رُبــا زهـــــران تقطنهــــــا
أم في رُبا غــــــامدٍ فالكلّ أوطـــــاني

هـــذي البــــــلاد لنــا أمٌ نقدسهــــــــا
وحبهــــا نابضٌ في كــــل شريـــــــان

من أجلهـــا نهبُ الغــــالي ونبذلـــــه
ونفتديهـــــا بـــــــأرواحٍ وأبـــــــــدان

نستعــذب الموت كي تحيــــــا معززة
ولايمس ثراهـــــا الآثـــــم الجـــــاني

وإن أردتَ جوابــــا مقنعــا.... فأنــــا
النصف من غـامدٍ والنصف زهـراني

#إذا أتتك مذمتك من ناقص فهيا شهادة لك بأنك كامل #
إستحي على نفسك