سنوات الضيااع

سنوات الضياع ......
يابنات انا عمري 28 او 29 سنة من مواليد 1400هـ  مدري بس منذو مبطي موجودة:04:
متزوجة وعندي ولد عمره سنتين و4 شهور وبنت عمرها سنة ( ماشاء الله )

تخرجت عمري 23 والمفروض ابدأ حياتي من وقتها
الحين بدخل الثلاثين :06:وانا عايشة بين المواعين وغسيل الثياب والكنيس والكوي وتغير حفايظ الاطفاااال !!!!
يابنات انا ماني حقت هالاشياء انا حقت تجارب اختراعات كمبيوتر تكنولوجيا بس مالقيت احد يقدر وويوظفني :D !!!
انا ابغى اسافر اعيش اشتري اقرأ االف كتب ....عندي الف والف مشروع في راسي بس ماعندي مادة
كان ودي اتوظف عشان المادة يدي على يد زوجي ونعيش حياة صح . مو قبل مانشتري عشاء من مطعم نفكر هل الراتب بيكفي الين نهاية الشهر او لا !!!
كان ودي اتوظف عشان احقق ذاتي وطموحاتي اكون فرد مهم مو شغالة في البيت
كان ودي اتوظف واجيب شغاله لاطفالي اطفالي صغار وعلى بعض ومشقيني وودي بشغالة تساعدني فيهم وتساعدني بشغل البيت خصوصا ان وجباتنا وغسيلنا كله في البيت بسبب ظروفنا المادية ........تعبت من الطبخ والشغل والغسيل والكنيس والاطفال ونومهم وحفايظهم .... ماني ملحقة على شيء مااخلص من شيء الا يطلع لي شيء ثاني
بيتي نظيف واطفالي دائما نظيفين بس هذا كله على حساب راحتي واعصابي وتربيتي لهم ... تخيلو اني احيانا افقد اعصاب من كثر الضغط اللي علي واضربهم !! يعني اكون توني مخلصة من شيء ارجع الاقيه كله خربان وموصخينه
احس ماعندي وقت لهم او لزوجي اصحى اسوي فطو لهم اغير حفايظهم اغير ملابسهم ارتب البيت اغسل الملابس ...... اسوي غداء .... اغسل المواعين ... اغيرلهم لانهم يكونو توصخو .... ابدأ اكوي الملابس اخلص كوي ... يكونو تعبو انومهم .... يصحون على المغرب يبغون اكلات خفيفة ياكلون ...أغسل مواعين يلعبون ويحوسون البيت .ارتب ... ابدأ اسوي العشاء ... اغسل مواعين العشاء ...... البسهم بجاماتهم وانومهم ماحط راسي على المخدة الا وانا هلكااااااانة ونوم على طوووووول واصحى اليوم الثاني نفس الموال .........
احس مليييييييييييييييييييييت ماهي حياة روتين وملل شغل في شغل:06:
كان ودي بشغالة تهتم بشغل البيت وانا اربي عيالي واغير لهم احكيهم حكاية قبل النوم ادلعهم اشتري لهم العاب
تخيلوووووووو .........كان ودي اتوظف عشان اجيب لي شغااااالة

3- في كل سنة اخواتي بنات عمي بنات جيراننا يسافرون مصر تونس ماليزيا
كان ودي اتوظف عشان اسافر واركب طيارة واطير في الجو اسكن فندق اغير جو العب استانس
كنت اقول لاتوظفت بجمع 2000 كل شهر وفي الصيفية الجاية اساافر ..
تخيلو كان ودي اتوظف عشان اسافر واطير في الجوووووو

4-ودي اروح السوق واشتري اشتري عطور ملابس اكسسوارات كل شيء يعجبني من غير مااطالع السعر مو اجلس احسب تكفي الفلوس اللي اعطاني والا ماتكفي ....ودي اروح السوق واقضي على كيفي من غير ماشوف ملامح الغضب في وجه زوجي وكلامه هذا ماله داعي وهذا غالي . احس اني ثقيله عليه ....والمشكلة اني احب الماركات والاشياء الاصلية وهي غالية وهو مامعه ......

تخيلو و......كان ودي اتوظف عشان اقضي من السوق براحتي


4-احب النت والكمبيوتر والبرامج ........ وودي بلابتوب خاص قيني واسوي اشتراك في ال DSL وادخل النت
تخيلووووووو كان ودي اتوظف عشان اشتري لابتوب واشترك ب dsl




تصدقون هالاشياء .... صارت اقصى مااتمنى :35: تصدقون لي 6 سنوات وهذي الاحلام لم تتحقق ...... هههههههه صارت هالخرابيط احلااااااااااااااااااااااااااااااااام في سنوات عمري الضايعة
ضاع عمري وشبابي وصحتي وحماسي ......حتى نعومة ايديني ضاعت .....

يالله الله يعوضنا ..... الله كريم
ومادام اني بصحتي الحمد لله :27:
مجرررررررد فضفضة


فضفضو انتم كمان

كثر الضغط يولد الانفجار :04: مو قايلة لكم اني حقت نظريات واخترعات ماني حقت شغل بيت :hahaha:
الظاهر بتقعدين تكرفين في البيت الين تموتين