سنين ادعي، وصار عكس اللي تمنيته ودعيت فيه 💔

لي سنين ادعي دعوه محدده، واتحرى جميع اوقات الاجابه..

واعمل بكل الأسباب علشان العظيم يستجيب دعوتي..



كان ماعندي ذرة شك بأن رب العالمين استجاب واكرمني فيها بس الموضوع كان مسألة وقت 🌷..


وبدات الح على رب العالمين وسبحانه تعالى استجاب واكرمني بجزء من دعوتي تحقق ⛅

وكنت سعيده وانتظر الجزء الثاني منها، ومتأكده تماما لاني حلمت احلام مبشره كثيره تدل على تحقيقها ☀️🤍..



كان عندي يقين عظيم برب العالمين، وكنت متأكده واحساسي يقول انها خلاص تحققت بس انتظر اشوفها..



وبيوم يجيني خبر عكس اللي تمنيته ودعيت رب العالمين فيه، وسبحانه انزل الرضا والسكينه على قلبي..

الخبر جاني وانا برا البيت، واول ماوصلت البيت سجدت لله شكر، وقلت يارب انا رضيت باللي كتبته لي، انت الاعلم بالأفضل لي ولحياتي وانا رااااضيه بما كتبته..



جاني احساس الرضا والتسليم، احساس جميل اتمنى الكل يعيشه ويجربه ويستمتع فيه..
احساس الانقياد، وأن رب الكون العظيم هو الاعلم بالأصلح والأنفع للعبد الضعيف،
من رضي فله الرضا..

فعلا الإنسان لما يرضا بقضاء الله ينزل مع الرضا السعاده والراحه..



حسيت بالرضا فعلا من أعماقي وقلبي ماكان بس كلام، وهذا من فضل الله علي..

وصرت ادعي ربي يباركلي باللي كتبلي اياه،

وماتركت للشيطان مدخل لانه كان احيانا يحزني ويقول سنين دعيتي ولم تستجاب..

واول ماتبدا هذي الأفكار ادحرها واقول ربي اختار لي الأفضل وانا راضيه باللي كتبه لي، وسبحانه لاني رضيت بما كتبه عوضني ربي بشعور الراحه والسكينه..



يارب لك الحمد..



بعدها بفتره تنقلب الأحداث بقدرته وعظمته، وتتحقق دعوتي كما هي..

مثل مادعوت بها من سنين 😭..



مااعظمك يارب، شعرت ان اللي مريت فيه كان امتحان، واحمد الله اني إجتزته بحب ورضا وتسليم،
والله انه كله بفضل الله،. هو اللي ربط على قلبي و الهمني الرضا فله الحمد والشكر..


وفرحتي بتحقيق دعوتي كان كبير،
لكن الشعور الاعظم هو فرحتي بتسليمي ورضاي في وقت كان التسليم والرضا صعب..
ووصلت ليقين انه حتى لو حصل عكس المبتغى فهو الاخير والاصلح لي،

صحيح فرحت باللي صار لكن والله انه في قلبي كنت راضيه حتى لو اللي تمنيته ماتحقق،

لانه أصبحت كلي ثقه ويقين بربي وباقداره، هالشعور أجمل بكثير من شعور تحقيق الامنيه اللي دعيت فيها..

الإنسان في حياته مبتلى، وكثير من الأشياء اللي تصير يكون صعب على نفوسنا الرضا فيها..
لكن جربو فقط الرضا والاستلام وشوفو الراحه اللي يورثها الرضا في قلبك، وشوفو العوض..

وهذي مو اول مره، مريت بمواقف مشابهه ولما رضيت عوضني تعالى وادهشني بعطائه..

لكن إذا عشت الحزن وحسيت باعتراض زاد قلبي زعل وحزن وزادت مشاكلي وهمومي..



صباحكم سعاده وجمعه مباركه 🌷