لولي عن جد الحركة حلوة
عجبتني صايرة الردود كلها مجتمعه
>>>>حاسة كأني مسوية انجاز ههههههههههههههههههههههه

ام الاميرة
الجو عندنا حلو،،،برد ومطر
الله يزيد ويبارك

لولي ياريت زوجك مايمانع المسنجر
كان والله عن قعدتنا لحالنا ،،نسولف بالمسنجر
على فكرة ام حنين ردت على وهي بخير بس اشغلت مع اهلها من الويك اند
خبرك الويك اند عندهم جمعه وسبت

ماشاء الله اللهم صيباً نافعاً ..

مطرنا بفضل الله ورحمته ..

في الرياض تقريبا كل المناطق شمال وجنوب وشرق وغرب و وسط .. طوال الليل مطر :)

مرااااااااااحب حلوااااااااات

كيف حالكن وش مسوين عاملين إيــه ..:42:
وش هالجو برا يهبل وهالمطر ماشاء الله قوووووووي حيل الله يديمها من نعمه يارب

بالنسبه للي عندهم حق الماسنجر مشروع يالله يرسلن ايميلاتهم على الخاص عشان اضيفهم عندي
اللي حابه طبعا تتواصل معي :42:

أم الأمـــــــيره ..

هلابك اكثر .. ايه لاتوصين على طول الرد تخبرين فيني عاده وههي كثره الحكي والبربره يعني مايحتاج وصاة :42: وبسالفة الاداره وياويلي من الغياب لاماخذه احتياطي انا ماتشوفيني منزله مفاجأة
عشان يتعاطفون معي ويقولون ذا اللي مهبل فيها وقاطعها عننا ..>>> ذيبه هع هع

ايه ودي استعين فيك <<< استعانه بصديق .. خاطري ببنطلون جنز :09: لريان وين احصله تكفين ؟؟
>>> مابعد توجهت للسوق للحين


زوجي الغالـــــــي

هلابك والله .. يابنت الحلال يكفي طلتك وربي تشرح الخاطر .. شلون عاد سوالفك ..


أم جــواد

يالبى اللي ولدها فيه لمحة من ولدي .. تسلمين حبيبتي وعسى مايوحشك غالي يارب ويخلي لك جواد
هذا ياغلاتي جرعة السيريلاك .. انااعطيه رضعه حليب عاديه .. وبعد 4 ساعات او 3 ونص تقريبا اعطيه رضعة حليب بالسيريلاك ؟؟؟ مثــلا :

هو يشرب 120 مل .. + 4 ملاعق حليب
أنا اعطيه .. 120 مل .. 3 ملاعق حليب + 1 ملعقه سيريلاك

والحلمه تكون شوي وسيعه مو مثل حلمة الحليب العاديه عشان لاتنسد كل شوي وتتعب حلقه وهو يرضع ..

بالنسبه لمقاسات الملابس حسب الصناعه .. مثلا انااخذت ملابس من سيتي بلازا لازم تكون مقاسها من 9 الى 12 خاصه لو كانت بربتوزات كامله .. اما بدل من 6 الى 9
يعني مو شرط حسب الصناعه .. والشركه ..


لولـــــــــي

الله مير يسلمك .. بالنسبه للشقا والله صدقتي .. الكل عنده خير واما شيلوني والا بصيح عزالله جبتيها
هذا اللي عندي مايكتفي بانك تحطينه عندك لا يتعذب شيلي .. :22: وبيني وبينك للحين ماعودت اخوه الكبير يشيله مع انه باقي عليه شهرين ويدخل 8 سنوات ,, بس ماعودته وحتى من نفسه يرفض
اذا حطيته بحظنه يقعد يزاعق يقول يمه شيليه لايطيح ويموت .. يخاف عليه بشكل ماتتصورينه
في باله اي شي بيموته هع هع .. ماألومه يالله حصل عليه طوول وهو ينتظره وزود ماكان يبي بنت
يقول جيبي لي ولد ماابي بنت .. يالله الحمدلله على ماجاء من الله >> قلبها يتفطر على بنوته من تزوجت

والسوق والله يبي لي سوق صراحه .. ملابس ريان كلها استخدمتها وكرفتها قبل يبرد الجو حيل اخاف عليه من الصخونه .. الحين يبي له تجديد بعد ولابعد قررت وين اتوجه ..

بروح ارقد عاد انا الحين .. تصبحون على خير