مــــــــرحبا

كيفكم امهات وكيف بيبياتكم؟؟
انا اليوم جواد عمل فيني عمايل،،قعد بنص نومته،،وانفجر صيااااااااااح وانا مو عارفة شفيه،قعدت اقرأ عليه المعوذات،يمين يسار أحاول اهديه،،وهو ابد رافض يسكت،،سويت له مرضعه مارضى يشربها،،حفاظته نظيفه،،ويصيح صياح بضمير
انا خفت،،ماعرفت شسوي معاه،،وشلون اخليه يهدأ شوي،،عقب ساعة من التعب،،شرب حليبته ونام،،
قلت بشوف اذا استمر الوضع للعصر بوديه للدكتور
عن حساب بطعمه اليوم،،غيرت رايي،،لان بالتاريخ الهجري كمل 6 شهور
بس الظاهر بأجلها لبكرة


حبيبة زوجها
انا بعد يبي لي طلعة ثانية للسوق،،احس جواد يبرد بسرعه،،ومن ادفيه،،يحتر بسرعه ويتبلل شعره
والله حيرني هالولد

انا بعد بقووووم بناااااااااااااااام تعبااااااااانة

خلصت الانتخابات امس بعد ما هلكنا خصوصا شغلتي كانت تستوجب مني اني اكون واقفه طول الوقت مايمديني اقعد عشان جذي اليوم ماقدرت اداوم من التعب

و من المواقف البايخه اللي صارت لي اني بغيت اتهاوش مع وحده بس اللي ردني ان مأكدين علينا اننا نضبط اعصابنا مع الناخبين قد مانقدر .. وللحين كل ما اتذكر الموقف يرتفع دمي لراسي لاني احس ماخذيت حقي منها

هلاااااااااااا ام محمد

عساكم عالقوة،،شخبارك من التعب اليوم؟؟؟
امس انا مسنترة على التليفزون وكانو يجيبون بين فترة وفترة مراكز بعض المحافظات والدوائر
هههههههههههههههههههههه
قلت يمكن اشوفك

شصار معك امس>>>>وحدة ملقوووفة

للي صار ان القوانين ممنوع وحده تدخل الكبينه مع وحده يعني ممنوع احد يأثر على الثاني يقوله اختر فلان او فلان حتى لو كانو اخوان ولا خوات

عاد هالدعل ثنتينهم وحده منهم تعلم الثاني اختاري فلان اشري هني ( و تراويها وين تحط الاشاره) عاد انا قلت لهم لا مايصير انتي تقولين لها

قالت اختي تعرف بس انا اعلمها قلت لها اوكي يالله سوي بروحك ردت نطت الاولى تأشر لها قلت لها مايصير اذا ماتعرف الصوره و تعرف الاسم تعالي معاي للقاضي اهو اللي يقرالك الاسامي و يعلمك بالصور احنا مالنا صلاحيه عصبو عليي ليش اني منعتهم و هونت ماتبي تصوت قلت لها بكيفك صوتي ولا ما صوتي انا شعليي لا هو اخوي ولا هو ابوي يعل ماتصوتون حق احد

اخذت اوراقها وديتهم للمسئول و رجع تفاهم معاها بالهدواه و تهاوش المسئول بعد

عاد المسئول بعدين يقولي جزاك الله خير انتي كنتي ماشيه عالنظام و ماقصرتي
بس في بالي كنت اقول بس قصرت حقي ماخذيته منها .. هذي بالراحه كان ممكن اكفخها على ويها لو ما مهددين علينا بضبط الاعصاب

السلام عليكم
اهلين كيف حالكم انشاء الله بخير
انا حابة انضم للاكاديمية وياكم واتمنى انكم ترحبون فيني وعلى فكرة انا كنت متابعتكم من الملفين القديمين حتى لما انتقلتوا لقسم الطفل مافوت ولارد حتى لو طولت مادخل النت اقرا الردود من اخر مافاتني الى النهاية
من زمان انا ودي اسولف معاكم بس لاني عجازة كل يوم اقول بكرة برتب رد محترم واتعيجز الى الحين عاد الحين قلت خلاص ماراح انتظر لبكرة
انا من الرياض بس ساكنة بالدمام كنت حامل وياكم وجبت بنوتة ولدتها 14/6/2006م
يمكن بعدكم كلكم
ان شاء الله برد مرة ثانية واقولكم تفاصيل اكثر
الحين اعذروني بنتي علي ايدي توها صحت من النوم وانا موب عارفة اكتب زين
اشوفكم على خير