خذيها مني والله والله مافيك الا العافيه وشخصيتك مافيها شي

بس لاتوسوسن وتفكرين

في الغالب الرجال يكره النوامه

خاصه انه يرجع من دوامه وعيونها مورمه من النوم
هذي احذريها جدا جدا

وحافظي على صلاتك هي مفتاح سعادتك
قوي علاقتك بالله يرضى عنك ويرضي عنك زوجك

ياحلوه يااموره اولا الف مبروك والله يتمم ع الف خير
انتي تقولين دايم اتردد بسبب مشاكلي انتي اللي معاك مو مشاكل مجرد روتين وعادات اكسريها وخلاص خلينا بندا من الاول
اغلب البنات مو ذيك الميانه مع اخوانها اقصد الاولاد انتي علاقتك معاك طبيعيه
علاقتك بخواتك البنات انتي ماتعطين نفسك وقت لاوجبه تجتمعون عليها ولا نوم مضبوط تتلاقون فيه مو شرط تفضفضين لهم كثير بنات مايفضفضون الا لصديقاتهم اجلسي معهن علقي ع ملابسهم وذا لايق وذا مو لايق استعيري منها شي ورجعيه اضحكوا وسولفوا طبيعي هذولي خواتك من بطن واحد ليش البعد ذا
بالنسبه للسوالف انا شخصيا مو كثيره سوالفي قدام الناس دايم ساكته بس بديت اختلط معهم وبالتدريجببديت افتح مواضيع واسولف
بالنسبه لسوالفك مع زوجك صدقيني راح تجي باريحيه لاتخططين لها اما بخصوص ايش بتسولفون بيسالك وش تحبين وش تكرهين وايش كنتي تسثين كيف كانت حياتك دراستك وانتي كمان اساليه وش تحب وش لونك المفضل اكيد بالاول بتكونين خجوله وقليل كلامك وبيكون هث يسال وبتمشي صدقيني لاتعلقين نفسك ع اوهام مو مشاكل
الوجبات عادي بتتعودين ع التغذيه وراح تلاحظين بشرتك وصحتك احلئ مع الاكل لجسمك عليك حق ترئ وانتي وزوجك سوو اللي تحبون
النوم عدليه مافيه شي مستحيل انا كان نومي قبل الزواج زفت تزوجت وصرت انام واصحئ معاه واحيانا بعده واحيانا قبله ماراح يزعل
شعورك بالسعاده وقت مايتحقق لك شي هذي رده فعل عادي جدا تفرحين لو يومين متواصلات واكثر مو مشكله ذي
ودايم اسمعي قران وبترتاحين
وزيدي ثقتك بنفسك وانتبهي انتبهي لاتوقف حياتك بسبب اشياء تافهه
راح تلاقين نفسك منظمه بكل شي اذا تغلبتي علئ هالروتين

مبرووك اول شي ثاني شي لاتعبي نفسك الرجال مايحبون يسولفون واجد بيكون تركيزه بهدؤ وعقلاانيه بشي اخر وبتمر الشهرين ونتم ذايبين بالعسل وبتوفيق


وعلى طاري المرض الروحي بعد انا كنت تعبانه سنصيحه لاتقولين لزوجك مايصلح والله يشفي الجميع

بنسبه لطبخ هذا انا بكيفي اطبخ متى ابي واسهر واصحى متى ابي وزوجي مدلعني ولايدقق ويختلف من شخص لشخص على العموم الجيل تغير وناكل وجبتين واحيانا وجبه بختصار مرتاحين مو ملتزمين بشي

والله أختي المثل إيقول خد كلام إلي إيبكيك ولا تأخد كلام إلي إيضحكك .
قبل لا تشيلي هم السوالف شيلي هم تحمل المسؤولية لأنه الزواج مو لعبه وسوالف حب مثل ما نشوف بالتلفزيون الزواج بيت وأشغاله وإدارته وميزانية لازم تعرفي تسيريها وتتحكمي فيها وأطفال لازم تحسني تربيتك وإهتمامك بهم وعلاقات إجتماعية لدخول عائلة جديدة بحياتك بما فيها الزوج يجب تتعلمي دبلوماسية التعامل معهم ولا تخافي كل هذا ممكن تتعلميه وتتقنيه إذا كانت عندك القابلية للتعلم كلكم راع وكلكم مسؤول عن رعيته.