tuka
tuka
قال الله تعالى(( وجعلنا الليل سباتا وجعلنا النهار معاشا ))
الإلتزام والنظام حلو ، حياتك كلها يلزم ترتيبها من جديد بل نظام عائلتك كله .
إذا مازلت صغيرة أعذرك أجلي زواجتك سنة وإجعليها سنة تربص لتحمل المسؤولية وإبتدئي التطبيق ببيت أهلك عشان تكتسبي خبرة قبل ما تروحي لبيتك أما إذا كبيرة فهذه هي المصيبة.
كيف يعني تنامي حتى 2 الظهر أو 6 المغرب أمك فين ( الله يرحمك يا أمي حتى يوم الجمعة يوم العطلة ماتخلينا ننام تقومنا الصبح الساعة 8 ولوتقرب الساعة 8 والنصف صباحا تقيم علينا الدنيا ليش لسه نايمين توزع علينا شغل البيت وهي تسوي الغداء أو وحده مننا ونسوي حلى العصرية وما يوصل منتصف النهار إلا و البيت فل الفل والملابس مغسوله ومنشوره والسفره مرتبه وإحنا بنتغدى سوالف و ضحك ما أحلاها أيام وعلى فكرة إحنا كلنا جامعيات والمسؤولية ما شغلتنا عن الدراسة بل قوت شخصيتنا)
إهتمي بداركم رتبيه نظفيه رتبي الأتاث من جديد إتعلمي تطبخي وشوفي طبخات عالمية جديد وحلى وسويهم من باب التغيير وإجعليها عادة تجتمعوا على طاولة الأكل ( عجيبة إنكم أبدا ما تجتمعوا أمك فين)
علاقتك مع أخواتك وطديها وطديها وطديها عشان إخوتك هم سترك وإخوانك هم سندك بحياتك وبينيلهم أنك إنت كمان بجنبهم وإنت سترهم وسندهم صحيح فيه أشياء تستحي تحكيها لأخواتك أما أسرارك وحياتك لا تفضفضي بها إلا لأخواتك لأنهم ما راح يجي يوم ويصبحوا ماهم إخواتك ويتنكرولك.
الثريا 1199
الثريا 1199
زي ماقالت الأخت أهم شي الصلاه وبالعكس تنظيم الوقت روعه وحلو وانتي بتتزوجين فزوجك غير عن أهلك تماما اذا أنتي مو نظاميه
فالزوج يبغى وحده منظمه له الوقت فطور إذا يبغى وغداء يمكن هو يبغى في الوقت الفلاني غداه
وبعدها إذا الله رزقك بالعيال مأدري احس نظامك فوضوي مره
أما شخصيتك احسك أقرب لطفوليه والبرائه والسواليف عادي بتجي سالفه تجر سالفه
منجو
منجو
شوفي يا قلبي كلنا قبل الزواج عايشين حياتنا بالطريقه إلي تعجبنا
يعني نسهر مانسهر نتنح مانسوي شي مو مسؤولات غير عن أنفسنا هالشي عادي.
نعيشه عند أهلنا بس قبل الزواج أقلها نحاول نغير ونضبط الأمور إلي ماتكون مستساغه
بالحياه الزوجيه وكل وحده وطبيعة زوجها وطبيعة عمله وكذا
يعني بخصوص الطبخ مو شرط يجيك زوج يبي طبخ 3 وجبات يوميه
يعني لاتضغطين نفسك بالموضوع هذا ممكن الفطور يكون خفايف
وممكن مره تطبخين الغدا ومره تجيبين من برا وخاصه ببداية الزواج لحد ماتتأقلمين ع الوضع
أصلا غصب بيجيك إحساس لازم تقومين وتتسنعين الوحده لما تكون عايشه ببيت لحالها
هي المسؤوله عنه بتضطر تتكيف مع وضعها الجديد ...... وبرضو بخصو العشاء
مو لازم طبخ ونفخ على حسب طبيعة زوجك فيه بعضهم من يكتفي بنواشف وشغلات
بسيطه لا تاخذين الوضع بالصعوبه هذي هالأمور ذي تجي بطبيعتها .......
وبخصوص كلامك مع زوجك وعفويتك إنتبهي بس للعفويه مثلا تتكلمين بشغلات
تضايق الزوج مثلا تقولين رأيك بأهله أو بأخواته أو بعاداتهم وتكون طالعه بعفويه
بس مايتقبلها الزوج ........ وبرضو الأمور إلي تحصل فبيت أهلك من مشاكل
أو خلافات ماله دااااعي يعرفها عنها شي
يعني حلو تتكلمين بشغلات عامه يا أخبار سياسيه أو إجتماعيه أو شغلات يحبها
مثل هواياته وهالأمور وتاخذين وتعطين معه بس الأفضل ماتتطرقين للسوالف
عن الناس عنده وخاصه الإنتقادات .....يعني حاولي قد ماتقدرين ماتذكرين أحد
بالسوء عنده
وبخصوص النوم مثل ماقلت لك بالبدايه بتتلخبطين لحد ما تتعودين على برنامجك
اليومي ومواعيد دوام زوجك ورجعته يعني عادي راح تحتاجين وقت لحد ما تتأقلمين

وبرضو بتحتاجين وقت لحد ما تفهمين طباع زوجك وعاداته والشي إلي يحبه
والشي إلي يتضايق منه ومن هالأمور ......
الله يوفقك ويسعدك .....
ام سماسيمو
ام سماسيمو
خليك على عفويتك ترتاحين
ترى الزواج ماهو صعب لهادرجة
عادي حاولي تتغيرين مع خواتك وتكون بينكم ميانة
الـفـجـر
الـفـجـر
أمرك عادي سهل وبسرعة تتأقلمين بس اللي بجد إستغربت منه هو عدم إجتماعكم وقت الوجبات ليش هذا أكبر أسباب تفكك الأسرة وعلى فكرة ياأختي خواتك هم سترك وقت الفضفضة عمر الأخت مانقلت سر أختها ولا أخوها
الصفحة الأخيرة