سلام عليكم ..
وشلون الشباصات ؟ ان شاء الله بخير أنا الحمد لله بخير الله يسلمكم ... والله محد يقوم الله يعز قدركم ..
إيه إيه ماذا أقول وقد ناحت بجنبي حمامة ؟ والله من حقها تنوح على حالي ... والا صدق محد ينوح على حال أحد هاليومين كل يغني على ليلاه ..
وانا أغني على حالي الله المستعان كنت طويله بيضاء شقرا ما أتكلم الا فرنسي تعرفون جبنه لافاش كيري ؟ حتى انا أعرفها (ما قلت لكم فرنسية؟
المهم مرة من المراريت حصل اني رحت لكم ذاك الزواج اللي كل من سمع به راحه ( الصدق زين محد عزمني )( يجنن غنت فيه الطقاقه واهني من شاف زولك يانوال وانتي ترقصين) وانا أرقص بس ماني نوال استغربت انها ماقالت اسمي معقوله ما تعرفني ؟ ما اظن ... وشعري لين ركبي من خلطة ذكروني أقول لكم بعدين شسمها وأرقص بشعري وشعري يلفح يمين شمال يمين شمال ويشوفوني الحريم
الله أكبر ... بعضهم أول ما شافتني غطت وجهها عشان محد يقارن ( عزوبيه ) واللي ( مخطوبه ) تغطي في عيون عمتها أم خطيبها عشان لا تشوفني واللي ( متزوجة ) تدعي الله إنه محد يدحل من عيالها عشان ما يقولون لأبوهم شيء خخخخ المهم إني كنت الآنسة الأولى في الحفل ولو حد شافني كان 
انسطل يوم شافني ويحمدون ربهم الحريم إني ما أدخل مكان إلا وعبايتي ساترة الحمد لله ولابسه كم طويل وسروال من تحت الفستان ( منه كشخة يعرفون ان عندي بنطلون ومن لا مشيت يغطي كراعيني على قوله أمي ) وفنيله من تحت الفستان لونها أحمر صوف ( أخاف من المكيفات ) ومتغطية زبن ..المهم اني لفت أنظار الجميع وما دريت ان كان بينهم وحدة حسوود وركبها سود أعو ذ بالله ان اكون أعرف مثل هذه المناظر !!!
حسيت اني بدوخ ورحت بيتنا لاتقولون من وصلك ؟ بقول ماشفت أحد من الدوخه كل اللي شفته ان أخويه ينتظرنا عند الباب ودخلنا سيارته ...
رجعت البيت ونمت ولما صحيت .... كانت المفاجأه ..(اتخيلوا هنا مقطع رعب يعني ارتعبوا اتفقنا ؟)
المهم على كلام جدة عمه خاله أم عمتنا بعد ما شافتني بعد الزواج وشخصت الحاله إن عندي عين ؟
أنا أقول لأمي كل واحد عنده عينين ايش معنى انا معي عين وحدة ؟
ما أقول لكم ذكيه ؟
أمي قالت : ما فيه أمل تشفين عقليا عشان تشفين من العين أنا صراحه ما فهمت أمي وش تقصد لكنها كانت متأثرة من اللي شافته وما ألومها رحت أطالع نفسي في المرايه وصرخت بأعلى صوتي ( يمممممممممممه طلعت لي جنيه في الحمام أمي طير ان على الحمام وينها خليني أشوفها ما قد شفت وحدة زيها إلا وحدة في بالي .. أنا كأني ما سمعت .... المهم إلا والله هذه أنا سبحان مغير الأحوال ما عرفت نفسي الطول تغير والشعر تنتف والبياض ما يحتاج والوزن ( مشفففففر ) امي قالت ما أقول لأحد عشان محد يضحك علي ...
المهم جلست أبكي أبكي أبكي :icon33:لين 3دقايق وسألت ماما ليش ياماما أنا صرت كذا ؟ قالت آآآآآآآآآآآه يابنيتي هذه العين وما تسوي أنا :وش يعني العين ؟ أمي : والله اني ما ادري لكن يصير للواحد مثل ما صار في أخوك يوم قلتي له وهو ياكل : انت ماتشبع ؟ وصار اللي صار أنا : آآآآآآه يعني ما عاد بآكل وبدوخ ثم أموت ؟ أمي : إن شاء الله يالبقرة وانا وش مدريني ؟
يمآآآآآآآآآآآآآآآآآآآآآآآآآآآآ آه يمآآآآآآآآآآآآآآآآآآآآآآآآآآآآ آآآه يمآآآآآآآآآآآآآآآآآآآآآآآآآآه أمي إيش فيه ؟ أنا سلامتك مو تقولين بصير بقرة ؟ خليني أتعود على الوضع من وانا بنت ... أمي الله يهديها مدري ايش فيها معصبه راحت وخلتني حسيت إني تعبانه نفسيا وعندي فراغ عاطفي مدري وش يعني بس يقولونه هاليومين كل ما وحد عصبوا عليها أهلها قلت خليني أروح للنت عسى ألقى أحد يفهمني وياخذ بخاطري ويقولي ايش فيش ياكاميليا ؟ عسى اللي فيني فيش ...
وادخل على مواقع متخصصه في الشات ويكلمني شخص ما لا أعرفه يقول هلا والله وشلون القمر اليوم ؟أنا : عادي أبيض فيه كلف ما تشوف ؟ (بعدين ندمت اني قلت له كذا متعوده مع أخواني يمكن عندة تخلف ألوان ؟ محد يدري ؟) المهم ضحك قال أموت على خفة دمك هههه وأنا مبسوطة أول مرة أحد يقول لي خفيفة دم العادة الكلام عن العقل .... لكن ..... معقوله ؟ أنا بنت الناس المحترمين المتعلمين الأميين المتسقفين أضحك مع أحد ما أعرفه هذه فيها قبايل المهم اني قلت له ياللي ما تستحي ولا تحتشم ولا تتستر تضحك معي أهلك ما ربوك ؟ والله ان ما قفلت السماعه إني لأعلم عليك لأصيح ببؤ مليان وألم عليك اللي يسوى واللي ما يسواش واخلي اللي ما يشتري يتفرج وأعلم عليك وزير الشؤن القرويه عشان ينفيك في غير قريتنا
طبعا هددت الرجال وسكرت السماعه .. عفوا أقصد المسنجر مدري شسمه و انا يديني ترجف من الخوف خفت يختطفني أو يهددني بصور و الا مكالمات و مو بعيده يقول اني ماخذته عرفي
خرجت من الغرفه متجهة صوب أمي الغاليه آخذ ما بخاطرها شفتها زعلانه وحيدة قلت لها يا أمي الله يهديك هدي نفسك وارجعي لعقلك ولزوجك وعيالك و اخزي الشيطان و انا امك وعدي اللي سواه أبوي فيك كذا هم كل الرجال مالهم أمان والمثل يقول اللي ما يشوف من الغربال أعمى انتي ما غير وديني عند الشيخ الفلاني يقرا علي مدري من ممكن يحسدك وعلى أيش ؟ و الا عباتك على راسك من جارة لجارة و الا طول اليوم بالمطبخ وتاركته عند قنوات الهشك بشك يطالع في البنات اللي كل وحده أشين من الثانيه ما فيها الا جسمها حلو و الدلع الماااااسخ و الا أنا والله أحلى منهم تاركته و انتي عارفه ان هذه أخطر مراحل المراهقه وكثير من المحللين النفسيين يقولون ...أمي طايره عيونها في الهوا : هيه يالخبله وش تقولين ؟ انا : يمه جالسه أراضيك على أبوي .امي ومن قال انا متخاصمين ؟ أنا : حدسي يقول اذا المرأه سرحت كثيرا فهذا يعني ان هناك مشاكل بينها وبين زوجها أمي :حدس ياخذك وافتك منك يالمجنونه كيف تتكلمين عن أبوك اللي من المسجد على البيت ومن البيت على المسجد هذا الكلام ؟ أنا : استغفر الله هذا يعني قذف المحصنات ؟ ما شفت الا وخدي يرقص ويحرقني الظاهر أمي أعطتني كف ... مدري أشوفها في الإعادة .. أمي: من وين جبت ذا الكلام ؟ انا : من الصحبه الصالحه وعلى فكرة انا اتبنى افكار هذه المجموعه لأني أعقل وحدة فيهم أمي الا والله من الصحبه الفاشله الخايسه دامك أحسنهم ....
وعلى ذا الكلمه دخل أخوي الكبير و مستحييييي أول مرة أشوف خدوده السود حمر ( يمكن أحد أعطاه هديه مثل اللي جاتني )
المهم الا ويقول يمه أنا ...انا ... عايز اتجوز أمي :هه ؟؟؟
يمه انا عديت ال30 و محد خطبني قلت انا أبدأ بالموضوع يمكن الله يفتح علي وطامع فيك انتي و هالحلوة اللي جنبك تخطبون لي على ذوقكم ( مدام على ذوقنا الله يستر عليه) حسيت امي تحطمت يمكن يوم شافت خدوده حمر خافت لا ربي يبتليها في خلفتها بواحد أبيض حلو ما أدري ؟ قالت أمي يارب عوضني خير في الباقين واحد يستني بنت تخطبه والثانيه معتوهه تتفلسف (ما حبيت اكتبها عشان ما انحرج بس تمونون ) المهم حفينا انا وأمي ندور له على بنت ( حفينا للي ما يعرفون : يعني نمشي طول اليوم في الصاله خط مزدوج رايح جاي حفيانين ) الا وامي قالت عندي فكرة وتاخذ عبايتها وعبايتي على راسها وسيدا على جارتنا أم زواجات بلا عزايم تسألها عن بنت تنفع لأخوي قالت عندي وانا أم هندي وصتنا نروح قصر أفراح لأن فيه بنت تبي تحضر يوم الخميس فيه قالت امي تعالي معنا عشان تورينا اياها قالت والله ما لي حيل عندي دسك ( أكبر كذااااابه أمس كانت في زواج ما جت الا الصبح والدسكات في الكمبيوتر معقوله عندها كمبيوتر وانا لا ؟ ) لا لا لا ( خايفه من الفشيله لا أحد يشوفها معانا أفهمها وهي طايرة )قالت أبقولكم مواصفاتها واخذ معي دفتر الواجبات واكتب فيه كل اللي قالته يوم وصلت خانه التوقيع قلت لها ياخاله عندك مسطرة بأسطر و ياليت لواصق ولو الي تجي مع الجبنه أبو ولد عشان الأبله تمدحني وما دريت الا وذيك القرصه في فخذي آآآآآآه يمه ليش تقرصيني ؟ وامي راح وجهها ألوان واستأذنت وخرجنا وكأني لمحت الحرمه رفعت ايديها مدري تدعي لنا والا علينا الله اعلم المهم كنا نستنى انا وامي وشين الحلايا يوم الخميس بفاااااغر الصبر وتجهزنا أنا وأمي وجهزنا خطة عسكرية 
ما تخرش الميه ....<FONT face=Arial><FONT color=purple><FONT face=Tahoma><FONT size=5>جاء يوم الخميس المنتظر ونروح انا وامي للقاعه ياكبرها كبراااااااااااااااه قلتها في نفسي وما دريت الا و خبطه قويه الا الباب طاح ضحكت في نفسي ( ياويله اللي يعاديني) الله ياسلام أخذتني النشوة :icon28: وبغيت أفضح نفسي وأرقص طبعا كان من ضمن الخطة ما نكشف نجلس بعبينا انا وامي وما نخرج الا عين وحدة عشان محد يعرفنا لكن إذا رقصت انفضحنا أمي تقول من خياسه الرقص وأنا أقول من عشان ما يذوبون المعجبات من ترشحون ؟ ( المشكله كانت الطقاقه تقول : ياهلا بالمقبلين ... حاضرين وغايبين .. كنها عارفه انا تونا داخلين والثانيه تقول فيها : مظلومه البنيه مسكينه البنيه وأنا واه واه واه وااااااااااااااه وانا واه واه عليه قلت : والله صدقتي اني مظلومه (
انسانه طموحة ذكيه رقيقه راقيه ممتازة في دراستي قلبي أبيض وأسناني بيض على قوله نوير و....أنا نسيت ليش جايه سارحه بأفكاري) الا وقابلتنا حرمة قالت : ياخاله ليش ماتكشفون ؟ وانا : تخلخلت عظامك وحسيت نفس الإحساس اللي عند جارتنا ( قرصه سفري)قالت أمي يابنتي النور يوجعنا قلت صح فينا عمى أنوار.. برضه نفس الشعور (قرصه ) جلست تضحك وانا أتألم واحك المكان اعطتنا كروت الزواج الله لايبلانا هههه قالت أمي لاتتكلمين ونمشي ونمشي ونمشي اهب ما اكبر ذا الممر تعبنا واحنا نمشي ( اشوى ما صار شي ) بس كني شفت شطب في الممر ؟ما أدري ... وتقابلنا وحده ثانيه (مستقصدينا ) انتم من عزمكم ؟ كلنا في وقت واحد أنا : ام العروسه أمي : أم العريس .. جلست الحرمه تضحك قالت تفضلوا وما صدقنا خبر صرنا نتسحب أنا على جدر وامي على الثاني كل وحدة معها عدسه مكبره ونسخه من دفتر الواجبات ( اتخيلوا دقه أبو ذنيب وفي روايه بنك بانثور ) اللي يشوفنا يقول المحقق كونان وأأشر لأمي وتتسحب على الجدر لين توصل جدر قاعه العشاء وهنا بنشرت عرفت قصدها قلت خلاص أتركي المهمه على عاتقي قالت الله يستر وازحف لكم على بطني بالعبايه واشوي اوطي راسي واشوي أرفعه ومعايه العدسه المكبره في يد ودفتر الواجبات في اليد الثانيه ( طبعا أزحف عشان أشوف بصمات رجولها يعني بالله من اللي بتورينا بصمات أصابعها على السيراميك ؟) والناس تضحك مدري ليه مع انه كان الإنزلاق سهل على السيراميك وأزحف وأزحف ليييييين لقيت المدعوه نفس التفاصيل نفس الملامح المذكورة والمواصفات واتصل على امي من الجندي لسياده العقيد حول قالت أمي معك معك ياعريف ( في فمها لقمه انا متأكده ) أنا : طال عمرك لقيت المجرمه وحاصرتها في مكان ما هل ننفذ العمليه سيدي اللواء ؟ حول أمي :اتصرف يانقيب (طبعا هذه المصطلحات عشان محد يعرفنا ما قلت لكم خطة عسكرية ؟) واتسحب لين وصلت عندها وامسكها مع رقبتها واجري جري جري جري لين وصلنا للحمامات ( الغريب ان نص الزواج ورعان صغار ) وامسكها في الحمام انتي مين ؟ قولي بسرعه : البنت آآآآآآآآه ما أدريييييي تبكي أنا : انتي متزوجه والا لا اعترفي ؟ البنت : لاوالله ماني متزوجه آآآآآآه ياماما انا هههه رفعت الغطايه عن وجهي وضحكت من هنا البنت اغمي عليها من هنا يمكن عشان عين كانت مفعوصه تحت الغطايه والثانيه مرفوعه يمكن ؟ وشويه يجتمعون علينا الورعان الصغار قتلتها ذبحتها قتلتها ذبحتها الجنيه في الحمام وراحوا يصارخون وانا أقول والله مو أنا ماذبحتها مو انا مو انا المهم واجري ورى الورعان بافهمهم السالفه وهم يشردون ويصيحون قمت اتصرف شغلت انا الونانات يممممممممه يممممممه لقيتها في صاله العشاء وفي يدها عظم وانا أفحط في الصاله بعبايتي كأني بات مان يمه البنت مذوحه في الحمام والا الحريم يصيحون ويتجهون على مخارج الطوارئ ويصيحون الحوثيين جونا يبون يذبحونا في فرحنا وصياااااح أخذت أمي وعظمتها وأشرت لأخويه وجانا بسرعه وركبنا وما وصلنا البيت الا واحنا بنموت امي لايعه كبدها من الجري والأكل ويوم شفت اخوي وانا اللي ادعي عليه الله لايبارك فيك ولايبارك في زواجك روح دور انت البس عبايه ونقاب محد سائل عنك بس يمكن يعطونك كرت الزواج ... لا عاد تزعجنا الناس ماتوا بسببك والحوثيين دخلوا من الحدود مباشرة الى القصر بسببك وانا فحمانه ( يعني انقطع نفسي من الجري ) ... بعد ما هدينا شوي قالت أمي والله ان عشاهم زين بيت من هم ؟ قلت ما ادري قالت شوفي الكروت اللي وزعوها الناس يوزعونها قبل الزواج وهذول بعده الله لا يبلانا وافتح الشنطه واطلع الكرت الا مكتوب فيه ( يسرنا تشريفكم حفلنا والمشاركه فيه في يوم اليتيم العالمي مع تحيات جمعيه دار الأيتام ) .... ياااااا الله وانا أقول المرة تضحك يوم قلنا لها أهل العريس والعروس منادينا واللي صار بعدها ما ينقااااال مشففففففففر ...
والله مدري وشو اقولك كل مشاركه احسن من الثانيه
بتوفيق يالغاليه 00000000الماهرات