سواليف شقحه

السلاااااااااااااااام عليكن ورحمة الله وبركاتوا

يالله تحيي بناااااات حوااء
وشلونكم والله عندي لكم خوش سوالف تعدل الراس ( شاي ماهي سالفه)

المهم
في مرات من المره كنت انا واختي نوره قاعدين على تلفزيون نشوف
برناامج بيتك انزين
أطلعت وحده اسمهااا مريم مدري شنواا بس مو مريم نور
تتكلم عن السعاده والفواكه
والسعاده ما تجي إلا بمشروب السعااده
و لازم تعطرين بيتك بعطر الورد وتلبسين ثوب احمر
انا والله اني أطالعهاااا واموت ضحك شنو مشروب السعاده
وكانت نوره مبققه عيونهاااااا خمس متر قدام وتسجل تبي تطبق بنت الحلال
كان ترقض عند مشعل اخوي وتقوله تكفه جيبلي كيوي ومدري شنو
وفواكه والله اول مره اسمعهااا
وتروح بنت الحلال بيتها وخلت بنيتها عندي مو هم يولدون وشقحه امسكي
وتسوي مشروب السعاده هذا
وتعطر البيت وتلبس قميص احمر تبي تكون سعيده اليوم
كان يجي زوجها
ويشوفهااااا كاشخه
ومسويه عصير ومعطره البيت
كان يطالع العصير شكله مقرف
قال: هذا وشو
قالت : مشروب السعاده
قال: والله شكله مشروب التعاسه
قالت: لا عاد اشرب
قال: لا اشربي انتي اول
شربت الهبله العصير مره وحده
وقامت تشاهق وعلبالكم زوجهااااااا راح جابلهااا
مااء عطاهااا العصير الثاني
وقامت شربته
كان تقعد ساعتين ولا بطنهااا يعورهاااااا وترجع
ودهااااااا المستشفى
قال لها الدكتور شاربه انتي
قالت والله شاربه مشروب السعاده
وقام يضحك ودوها تسوي غسيل معده
وبدال لا تكون سعيده صارت تعيسه


وفي سالفه ثانيه
على طاري الكشخه
يقلولكم في وحده
زوجهاااااا مسافر بعثه 4 سنين رجع الرجااال
والحرمه مستانسه ومشققه راحت خلت وراعينهااا عند اهلها
وراحت بيتهااا ولابسه قميص نوم دجاجه يعني له ذيل ووريش
والرجال دخل الشقه والحرمه مو بالبيت لانه مخليها عند بيت اهلها
والحرمه منخشه بالكبت ولابسه القميص
الرجال دخل الغرفه يبي يبدل فتح الكبت
ولا دجاجه بوجه تقول : كوكو كوكو
الرجال مرج قلبه وانغما عليه
المره قامت تصيح ياااو
أهل الزوج قامو يركضون ودخلوا ولا الرجال طايح وعنده دجاجه
قامووووووووووووووووووووا يضحكووووووووون على شكلهاااا
قام الرجال بعد محاولات بس
الله يعين الحرمه بهذيك الساعه



وفي مرات من المره كنت رايحه لبيت عمي صار لي 5 سنين ما جيتهم
وبنات عمي يعني كبروا
دخلت البيت إلا البنات بأستقبالي ومستانسات والله كبراناات
وقعدنااا نسولف ولا تدخل علينا مرة عمي تصيح على بنت عمي حصاااااااا
وينك ومعصبه حدااا
انا تروعت شفيهاااا والبناات عادي هي كذا
قااامت وامسكت حصه بنت الحلال وطقتهااا طق ليش ما سنعتي القهوه والشاي
وانا اطالع منصدمه تطقها ولا تجي حصه ولا كأن شي حصل وقالت لي
عااادي عااادي هذا علشانها تحبني
وانا اقول بقلبي ( لو انهااا ما تحبك كان وش سوت)
وقعدناااااااااااا ولا تدخل بالمكنسه وتطق بناتها طق انا قمت متروعه

واطالع يمااااااا ( يا حليل امي)
وتصيح ليش ما رتبتواا البيت


ورحت انا وحصه نسوي العشا ولا تدخل وتطالع الجدر وتقول انا قلت لك
سوي دجاج ليش ما سويتي لحم وتمسك الملاس وطقي حصه
طلعت عمتي
وقامت تطالعني حصه
قلت لها : عااادي كل هذا علشاان تحبك

بس والله رحت البيت وانا منصدمه ليه كذا
والله جتني البكيه

قلت والله ما اعصي امي ابد ولا اغثهاااااااا ابد

وجااااااااااااااو جاااااااااااااااااااو