الحمد لله حمدا كثيرا طيبا مباركا فيه
اخباركم جميعا:26:
الحمد لله اغلب الشغل انزاح عني
نظفت غرفتي وغيرت مفرشي وغسلت حمامي تكرمون
والصالة كنت غاسلة سجادها قبل اروح فيوم رجعت بس كنست الارضية ومسحتها والاثاث

نظفت الثلاجة والفريزر وجردت الي فيها لقيت كميات خبز منتهية من زمان وطلعتها وغيرت اكياس بعض الاشياء مثل المكسرات والبقول
واعدت ترتيبهم وصار فيه مساحة كبيرة فاضية
عبيت علب البهارات ونظفت دولابها بديتول وفرشت تحتهم ورق عشان لو طاح شي عليها مجرد اشيلها واغيرها

غسلت الفرن وقصدرته ولمعت الاجهزة

امس نظفت دروج المطبخ وفوق الثلاجة واعدت ترتيب دولاب المقاضي والمعلبات
باقي الليلة ..اذا قدرت حمست قهوة ونظفت المايكرويف ودرج صياني الفرن

وودي الف سبرينغ رول وسمبوسة سويتز بحشوة جبن ونعناع اما اللحم احب كل يوم بيومه اطعم

جروحه الله يعينك الشغل تراكم عليك :(
انجازاتي اليوم فركت فرني الي يفشل ونقعت عيونه بمويه وبيكربونات صوديوم ربع ساعه وفركتها وغسلتها وغسلت الحديد تبعه
وغسلت دفعه ملابس سوداء وسويت قهوه المغرب وتقهويت وبس
وولدي بهذلني عند المنشر يتمسك فيه ويقول تسلقو تسلقو يقلد دورا خخخخخخ

هلا بنت نورة
ما شاء الله عليك استمديت حماسي من يومياتك..الله يبارك لك

لا يفوتكم عرض زيت عافية عند بنده كرتون فيه علبتين زيت ومعهم هدية صينية فرن ملونة ولها غطاء شفاف روعة للمكرونه تدخل الفرن والمايكرويف وغسالة المواعين
اعجبتني مرة وحجمها وسط اذا قدرت صورتها لكم

مايصلح الصابون المبشور للغسيل !
افركي فيه البقعه اوكي بس الغسيل اغسلي ببونكس او اريال

جروووحه
تسلمين ياقلبي بس انتبهي لايصير لك مثلي ماانام لين يتوطى ولدي ظهري خخخ