:ohmy::ohmy::ohmy:

يمممة.. اقشعر جسمي..واحس اذاني قامت تفوح..

يااااااالله يا رب تسهل عليها وتهون ولادتها ياااارب ياكريم..

وتقومها بالسلامة هي والبيبي يا رب..

خفت عليها والله..

الا هي زوجها ظبط اوراقها بالمستشفى اللي ناويته والا لسا؟!!!!

سلااااااااااااااام

ندوش>>>>تروحو وتردو بالسلامه....لك وحشه يالدبا
اكره الفراق

* * * *

ام خطاب؟؟
يارب يسهل لها وع كل مسلمه يارب
قلبي تقطع عليها
والله الخوف بدأ يحبي يمي
وينك يام حمودي اصمدي تو الوقت

مساء الخير,,
حبيباتى السنعات ,, اخباركم وحشتونى ,, ماعاد عندى نت بالبيت للاسف ,,
وحاليا امر بازمه ,, فوضت امرى لله بس,,
طبعا اكيد بتدعون لى ومابتنسونى ,, انا كنت معكم سنه كامله ,,
وكانت احلى سنه بعمرى وحاليا بانقطع لفتره طويله,,
سامحونى وحللونى ,, حبيباتى ,,
استودعتكم الله الذي لاتضيع ودائعه

يومياتي/
الخميس.........
عزم زوجي اخوه ع الفطور
صحيت الساعه 9 طلعت لحم للشوربه ودجاج للمكرونه
كان زوجي نيم>>>كنت ناويه اشاوره وش اسوي واللي علي
رجعت نمت لين 11الظهر
صحيته مافيني صبر
قال بس سوي الشوربه والمكرونه
والفطاير والثريد من برى>>>اتصلت ع امرأه تسوي الفطور وطلبت منها
فطاير مشكله نصها مقلي ونصها بالفرن
وثريد بالحم>>بس الله يهديها جابته بس بالخضار
قمت نظفة غرفتي>>>طبعا قلت لكم موسوسة نظافه((احب المثاليه))
ثم ع مجلس الحريم
ثم سبحت سلوم ولبسته>>خفت الهي عنه...وراح لجده
اخذت دش وتكشخت>>>هنا مربط الفرس
عشان زوجي يحس بانني مهمله نفسي من شان الشغل(والله مو مهمله بمعنى الاهمال بس التسريحه ذيل حصان من بداية رمضان)
واكملت شغلي
وع الصاله
ثم ع دورة المياه -اكرمكم الله-
وانتهيت بالمطبخ
وع اذان العصر خلصت(بس تعرفون المطبخ واشغاله)=>يعني يعتبر خلصت وانا ببداية اشغالي

بديت اجهز الصحون والمواعين ما....والى ذالك....>>مايخص الرجال والحريم
غسلتهم ونشفتهم
جاب زوجي كريمه كراميل جاهزه وجاب الفطور من عند البائعه
وع الساعه 4ونص بدية بالفطور(الشوربه والمكرونه)
والعيال صلحو القهوه والشاي للحريم

المهم/
قبل المغرب ب20 دقيقه جهزت السفره الاولى للحريم ولرجال
وكان عليها:
التمر نوعين(رطب وسكري)قشطة التمر
القهوه والشاي وملحقاتها
البن والماء والدانو
والفطاير

كنت حاطه يدي بالمطبخ وحريصه ع المواعين>>>لكن يأجوج ومأجوج ماينفع معهم..من كل مكان ينسلون

اذن المغرب>>>رن جرس الباب
دخلنا تقهوينا>>انا بس تمره وفنجان قهوه
وقمت ع طول اجهز لسفره الثانيه
وجهزت مايخص الرجال اولا
الشوربه ع عددهم
المكرونه ب5صحون وسط وع كل صحن ربع دجاجه
صحن كبير ملامين ثريد
الكريمه كراميل كبيتها بصحون صغيره ورشيت فوقها فستق
وملاعق كبيره وصغيره وشوك

ثم الحريم بالمثل
وع نهاية شغلي الا وزوجي واخوانه يجون وياخذو الاغراض
ومايخص الحريم >>ارسل بناتهم به
لين خلصت
غسلت المواعين من.......الى......
>>برغم مافيه شيء يستاهل لحد الحين
وهذا ماجا المواعين اللي بعد الفطور
رتبت المطبخ طلع يلق>>>قلت اضحي بالوناسه من اجل الراحه بالليل(انا ماعندي احد...وهي ماشاء الله عندها 4بنات)
صليت المغرب
ثم رحت افطر اول 3ملاعق شوربه الا وزوجي ينادي(ماشاء الله خلصو الرجال...بصراحه انا تاخرت بالمطبخ)
اخذت اكب كل شيء بمكانه واغسل
المعكرونه بقدرها
الشوربه ماشاء الله شربوها
الثريد حطيته بحافظه كبيره
وع نهاية مواعين الرجال جت مواعين الحريم
بناتهم يجيبو وانا اغسل
غسلت المواعين من......الى......
ورتبت المطبخ وغسلت الارضيه

وطلع الحين يلق صح

لبست سلوم>>عشان كان محيوس من الفطور(بنات عمه الله يجزاهم خير تولن افطاره)
اخذت دش يروح التعب والقرف

مشطت شعري
جلست عند الحريم اتقهوى بعد حوالي ثلث ساعه اذن العشاء
بس سولفنا وتعللنا وع ماطلعو من صلاة التراويح
ازواجنا دواماتهم اخر ليل
زوجة اخو زوجي كانت بتجلس بس ولدها الكبير عنده مباره مع اخوياه واستعجل ع الروحه
راحو ع الساعه10
ومابقي بالبيت الا انا وسلمان وابو زوجي واحد ابنائه
جلست عندي عمي نص ساعه
ثم رجعت اكمل اشغالي
غسلت الترامس والذي منه
جهزت فراش سلوم وفراشي>>>كنت ميته ابي النومه لكن سلوم مو راضي

استعديت لسحوري
جطيت الثريد والمكرونه(بين اغطيت القدور قصدير) وع الفريزر>>>لفطور من بكرى

لين الساعه 1بليل وانا احاول به ينام نام>>>لكن باقي عملي لسحور ساعه
قلت بخيت انام لو ساعه
فعلا غفيت وع الساعه2قمت>>>يالله بل يالله شلت راسي من المخده
حطيت السحور ع النار(كبسة رز مع لحم)
ثم رحت لابو زوجي وجدته صاحي تعللت معاه قهويته
خلص السحور>>تسحرو
وانا مالي تفس فيه بس ابغى النومه
رجعو السحور>>>اخذت اللحم بكيس ع الثلاجه
واخذت من الرز لسلوم غداء
رتبت المطبخ>>>>اسلي نفسي لين اذان الفجر بصلي وانااااااااااااام

فعلا صليت ونمت