xx-ano0ona-xx :

ما قريت كل الردود صراحه فاعذروني اذا فيه شي مكرر: اولا هذه عموما مو اشياء ندمت عليها, لا ,, هذه افكار ونصايح جمعتها لابوي الله يحفظه لانه قاعد يبني ولاني اححححححب الهندسه مره ,, وعسا الله يرزقني انا وزوجي بيت الملك يا رب: واللي تستفيد تكفون ادعولي بالتوفيق والذرية واذا تذكرت شي بزيده ان شالله - المصعد مكلف صح لكن حطي له مكان بالمخطط ولا تسوونه اذا مرت السنين يمكن تحتاجون تحطون وتتوهقون ما تلقون له مكان (على قول ابوي لا شيبنا وصرنا ما نقوا عالدرج ) - الدرج الدائري يعطي فخامه لكن اذا عندك مساااااحه,, وش فايده فخامه مع ضيق بالصاله ؟؟ وفيه افكار حلوه حلوه حلوه تعطي انطباع بدوران الدرج كامل ,يكون بس اخره فيه ميلان ,, او بس الدرايزين هو اللي بشكل دائري ,,, - المسبح حلووو لكن : غبار الرياض ما يررررررررررحم ابد وتنطيفه مره مره مره متعب ومكلف - الشبابيك الكبيره تعطي انشراح للصدر ,, لكن لا تكتمون على عمركم بستاير غامقه!! وش استفدنا بس خساير ؟؟ خلي البيت ينور - الدررررررررررج الجاااااانبي : اذا عندك ميزانيه ومساحه تساعد: مره مفيد الدرج سواء للشغاله أو اذا عندك عزيمة والحريم قاعدين بالصاله وجا البابا والا واحد من عيالك الشباب!!!!!! بدال ما ينلطع برا البيت والا يسوي زحمه عشان يطلع فوق : يطلع من الدرج الجانبي ووعلى فوووووووووق ولا احد يحس انه بالبيت - اذا تقدرون على القبو ( مكلف) الله يقويكم وعندي نصيحه للقبو اتمنى تفهمونها: وهي الحفر ما يكون قد البيت المبني بس: لا تحفرون زياده تقريبا متر عشان تعطي اناره للقبو وما يصير مكتوم ويصير كأنه دور عادي (الفكره مرررررررررررررره حلوه ومفيده ) وان شالله بنسويها, طبعا راح يكون الحفر مبين من الحوش ويطل على القبو زي البلكونه - المطبخ الجانبي ( الديرتي كيتشن ) لا يكون بعيد عن المطبخ المفتوح(اللي هو بس للشكل) عشان ما تتعيجزين تروحين له وحلو يكون من نفس المطبخ المفتوح باب جانبي يفتح على طووول على المطبخ الكرف (الديرتي كيتشن) - طبعا المخخخخخخخززززن للمطبخ مره مهم (حاولي تدبرين له مكان اذا عندك مساحه ) - الباركيييييييييييييييه : يا أهل الرياض ويا أهل الديار الغبار: ابببببببعدو عن اللون الغااااامق نصيحه من ناس مجربين كثير مهما نظفو ما يشفي الغليل والا ما يتوصخ بسرررررررعه خلال ساعات !!! - سيراميك الحمامات : نوعا ما تكون الوانها شوي محايده: عشان متى ما مليتي منها مجرد تغيرين الاكسسوارات وينقلب معاك الحمام كأنه جديد. - الافياااااااااااااااش : هذه لازم من بدري تنتبهين لها من فترة وهم يبنون: بكل جدااااااااااار يكون فيشين ععشان ما تحتاجون توصيلات عشان تركبين اي شغله تبينها,, أو يصير ضغط على فيش واحد ويسبب حرايق لا سامح الله بعدين . - انااااااااااااارة الدرج: انتبهو تفصلون افياش الاناره او مفتاح النور(مدري وش يتسمى) تصممونها بطريقة الدركسون (اتوقع اسمها كذا) المقصوود انه: سواء كنتي واقفه تحت اول الدرج او فوق اخره تقدرين تفتحتين وتسكرين اضاءة الدرج,, ان شالله فهمتوني - الدرابزين: ما انصح بالقزاز والستيل: لانه مرررررررره متعب بالتنظيف , وأي احد يمسكه يطبع محل اليد ولازم ايدك 24 ساعه عشان ما يقرفك. - اللمبات او النجف الجدارية: مره حلوه وتعطي فخامه وديكور رووووعه ايش ما كان ستايل بيتك (كلاسيك, مودرن, مغربي, هندي,,,,,) بس هذه لازم تصميمها وقت المخطط: لان يبيلها تمديد كهرب زيها زي الانوار بالسقف والثريات. - انوار السبوت لايت: فخامه صح وتعطي شكل ولا اروع,, بس عيبها مرررررررره تسخن المكان, بالصيف تغث ( شوفي وش يهمك اكثر البروده او الشكل وقرري) - اذا عندك اطفال للاسف البويه المطفيه راح تتعبك, صح افخم بس مع التمسيح مو عملي مره.

ما قريت كل الردود صراحه فاعذروني اذا فيه شي مكرر: اولا هذه عموما مو اشياء ندمت عليها, لا ,,...

العنزيه وبس :

الجبس الي يكون اطار نص الجدار ليتني ماسويته

الجبس الي يكون اطار نص الجدار ليتني ماسويته